Kronikë

Është gjetur i vdekur pas disa orësh kërkimi specialisti i turizmit malor Ndoc Mulaj. Bashkë me disa alpinistë të tjerë amatorë, mes tyre edhe gazetari Alfred Lela po ngjisnin malin e Munellës në Gjegjan të Pukës, por për shkak të motit të keq me stuhi dhe borë, Ndoc Mulaj dhe Ilir Shyti u rrëzuan në humnerë. Shyti u gjet i gjallë dhe ndodhet në gjendje të rëndë shëndetësore në spital. Lela rrëfen tmerrin: Mendoja se e kisha mbyllur me këtë botë.

Nga

Piro Nase

Tre ditë pas vdekjes në punë të elektricistit Agron Manai në Memaliaj, familjarët e tij kanë folur për Report Tv, duke kërkuar që prokuroria të zbardhë ngjarjen. Djali i tij deklaron se OSSH nuk ka stakuar energjinë në momentin që babai i tij ka ndërhyrë për të riparuar defektin.

Sot rreth orës 16:10, në fshatin Karbunarë e Vogël, Lushnjë, shtetasi L. Xh., 54 vjeç, duke rregulluar autobusin e tij të cilin e kishte ngritur në kriko, aksidentalisht ka dalë krikua nga vendi dhe si pasojë shtetasi L. Xh ka mbetur pa jetë poshtë autobusit

Një 27-vjeçare është arrestuar sot nga Policia në Burrel, e akuzuar se ka shfrytëzuar për prostitucion motrën e mitur. E reja me inicialet H.C, e cila në bashkëpunim me një person tjetër me inicialet U. C., të arrestuar më parë, shfrytëzonin të miturën për qëllime përfitimi.

Një ngjarje e rëndë, tronditëse është regjistruar në Peshkopi, ku një 58-vjeçari i ka hedhur acid në fytyrë ish-gruas së tij.

Ish drejtoresha e Agjencisë së Blerjeve të Përqendruara , Edlira Naqellari është dënuar me 1 vit burg, pasi abuzimit me tenderin në uniformat e policisë së shtetit. E nëjta masë ëshët amrrë edhe për Flutura Çekrezin! Po ashtu GJKKO ka dënuar me 10 muaj burg edhe 8 ish-zyrtarët e tjerë të Ministrisë së Brendshme, Fatmir Demneri, Mariglen Buzali, Gezim Mingaj, Anisa Bogdani, Klevis Hasani, Ani Omuri, Kreshnik Bejkaj, Aurora Mulla

Policia e Lezhës ka arrestuar dy të rinj, pasi janë kapur më armë zjarri. Efektivët kanë ndaluar për kontroll, një makinë tip 'BMW' në zonën 'Lalm i ri', me drejtues Brodinel Deda, dhe me pasagjer Fiorald Ndoj.

SPAK çon për gjykim 31 të pandehurit e operacionit “Shpirti” të akuzuar për grup i strukturuar kriminal e trafik droge. Ish prokurori i Vlorës Maksim Sota dhe Ilirjan Balla, Artur Krasniqi, Festim Lelaj funksionarë shtetërorë kanë kryer veprën penale “Shpërdorimi i detyrës”.

Një 27-vjeçar ka humbur jetën mesditën e sotme në Cërrik, pasi i ka shpërthyer një granatë në dorë. Viktima është Erion Rexhepi, person pa precedentë penalë, ndërsa paraprakisht dyshohet se ngjarja është aksidentale.

Kryetari i dhomës së avokatisë Shkodër, Anton Kosteri thotë se kjo hartë e re gjyqësore është në shkelje të rëndë të interesit publik, duke argumentuar se i largon qytetarit gjykatën.

Jo pak por 35 mijë është numri i çështjeve të pashqyrtuara që janë në pritje në Gjykatën e Lartë dhe sipas zëvendës kryetarit Sokol Sadushi, rreziku më i madh është krijimi i një stoku të ri. Ai kritikoi avokatët për depozitimin e rekurseve të pabazuara, ndërsa e cilësoi domosdoshmëri hartën e re gjyqësore.

Punonjësi i një supermaketi në Sarandë, që vëzhgonte kamerat e sigurisë ka bashkëpunuar me grabitësin serial për të vjedhur 200 mijë euro. Policia ka zbuluar skemën dhe ka vënë në pranga 2 prej autorëve të vjedhjes së supermarketit.