Kronikë

Nga

Arsen Rusta

11 anëtarët e këshillit të Lartë Gjyqësor dhe 11 anëtarët e Këshillit të Lartë të Prokurorisë janë takuar sot në mbledhjen e përbashkët vjetore për të diskutuar mbi arritjet dhe sfidat e sistemit të drejtësisë.

44 kilogramë e 500 gramë kanabis, 4 kallëpe me lëndë plasëse C4, kapsolla detonatore dhe fitil zjarrpërcjellës janë sekuestruar sot nga Policia në  pyllin midis fshatit Kakavijë dhe fshatit Dritë, por pa mundur të kapin autorët.

Policia e Beratit ka arrestuar një 37-vjeçar, pasi u kap me 2 kg kanabis.

Drejtuesi i punimeve të OSSH në Memaliaj është vënë në pranga ditën e sotme, i akuzuar për shkelje të rregullave të mbrojtjes në punë pasi elektricisti Agron Manaj humbi jetën një ditë më parë pasi ra në kontakt me energjinë elektrike.

Dy persona, të dyshuar si bashkëpunëtor të autorit të vrasjes së Albi Bashaliut në fshatin Gjoçaj të Peqinit janë arrestuar sot nga Policia. Mësohet se në pranga kanë rënë Veiz Bashali, djali i xhaxhait të viktimës dhe Mikel Xhaja, fqinji i tij.

Një aksident me pasojë plagosjen e një personi ka ndodhur këtë mbrëmje në aksin rrugor Laç-Lezhë. Shkak i aksidentit është bërë mungesa e sinjalistikës.

Një aksident tragjik ka ndodhur këtë mbrëmje në Moravë. Burime për Report Tv bëjnë me dije se 56-vjeçari Kastriot Rënja është përplasur për vdekje nga dy makina teksa po kalonte rrugën.

Ministria e Mbrojtjes ka nisur një projekt në bashkëpunim me partnerët amerikane për sigurinë kibernetike të ushtrisë duke krijuar një mbrojtje më të madhe ndaj sulmeve të jashtme që mund të ndodhin në të ardhmen.

Banorëve të fshatit Piskovë në Përmet që protestojnë prej një muaji kundër ndërtimit të landfillit sot u janë bashkuar ambientalisti Sazan Guri dhe ish-deputetja e PD-së për Përmetin Fatjona Dhimitri. Guri e ka quajtur papërgjegjshmëri totale të institucioneve ndërtimin e një landfilli pranë shtratit të lumit.

Nga

Adriatik Doci

Klorinda Çela që akuzohet për tjetërsimin e pronës publike tek Garda e Republikës u shkarkua nga detyra për 550 mijë USD pasuri të pajustifikuar, bashkëshorti i saj Ken Dhima u shkarkua për mbi 600 mijë USD pasuri të pajustifikuar. Çifti u kallëzua në 2014 nga ILDKP për fshehje pasurie, KLD i shpëtoi tre herë nga shkarkimi.

Nga

Sokol Dema

550 aplikantë për kursin e patrullës së përgjithshme kaluan me sukses testin fizik, ndërsa 181 të tjerë u skualifikuan. Pjesa më e madhe e skualifikimeve nuk plotësuan kriterin e gjatësisë, ndërsa 68 nuk arritën të kalojnë pragun e pikëve. Fazat e radhës janë intervista me gojë dhe testi psikologjik, për 500 vende vakante.

Gjykata e Posaçme Kundër Korrupsionit dhe Krimit të Organizuar ka përfunduar ditën e sotme gjykimin e dosjes 339/1 duke i dhënë fund edhe një prej dosjeve më të përfolura. Gentian Marku, Fation Marku dhe Oltion Marku janë dënuar me nga 14 vite burgim, por duke qenë se kanë përfituar gjykim të shkurtuar do të vuajnë 9 vite e 4 muaj burg.

Dy elektricistë kanë rënë në kontakt me rrymën teksa po punonin në një shtyllë tensioni për të riparuar linjën elektrike në fshatin Çërrilë në Memaliaj. Mësohet se njëri prej tyre ka ndërruar jetë në spital. Bëhet fjalë për 54-vjeçarin Agron Manaj.

Një 22-vjeçar që ishte në kërkim ndërkombëtar për vrasja në Holandë, është arrestuar në Rinas. 

Rreth 62 fermerë nga fshatrat Frakull e Kafaraj të Fierit, të dëmtuar nga përmbytjet e 12 dhjetorit nga dalja nga shtrati e lumit Vjosë, kanë dalë sot në protestë para Bashkisë duke kërkuar dëmshperblim.

Një 30-vjeçare është goditur me sende të forta nga dy persona në Lushnjë. Ngjarja ndodhi një ditë më parë, ndërsa ka qenë vetë 30-vjeçarja që ka bërë kallëzimin në polici për këtë ngjarje.