Kronikë

Parlamenti i parë i Nxënësve të Shqipërisë është mbledhur në një ceremoni përmbyllëse, në të cilën ministrja e Arsimit, Evis Kushi shpërndau certifikata për anëtarët e ‘Parlamentit të Nxënësve’ për kontributin e dhënë përgjatë mandatit të tyre dy vjeçar 2019-2021.

Çmimi i bukës në Shqipëri pritet të rritet edhe më tej, thonë ekspertët, duke e argumentuar këtë situatë jo vetëm me rritjen e çmimit të grurit në bursë, por edhe të rritjes që kanë pësuar produktet e lëndës së parë, si vaji e margarina. Qytetarët nga ana tjetër, thonë se nuk mund t’i përballojnë këto çmime

Është përkujtuar sot në Shkodër 75 vjetori i kryengritjes antikomuniste të Postribës përmes një ceremonie ku të pranishëm ishin edhe përfaqësues të Partisë Demokratike. Në një reagim në rrjetet sociale kreu i PD Basha tha se regjimi i sotëm ka qëllime të njëjta me atë të së shkuarës, pengimin e vendit për të qenë  pjesë e familjes europiane

Nga

Doris Sallaku

Ka nisur rekrutimi i stafit që do të shërbejë në spitalet COVID që do të jenë në gatishmëri për të përballuar situatën e rëndë me shifrat në rritje të infektimeve. Arben Gjata, rektori i Universitetit të Mjekësisë thotë se viti akadimik për studentët e tij do të nisë me praktika në spital dhe me leksione online.

Nga

Adriatik Doci

Dhënia e parave me fajde një nga manovrat e njerëzve të drejtësisë për të justifikuar dhe shtuar pasurinë. Disa gjyqtarët kanë vepruar si banka në dhënien e huave me interes, duke sekuestruar edhe pasuritë e huamarrësve. 

705 afganë të tjerë pritet që të mbërrijnë në vendin tonë, avionët e të cilëve nuk po nisen dot nga aeroporti Mazar-e Sharif, Afganistan, megjithëse kanë lejë fluturimi. Qytetarët afganë fillimisht do të ndalojnë në Doha e më pas do të nisen për Tiranë, ku qeveria shqiptare u ka garantuar strehimin

Nga

Sokol Dema

24 viktima dhe 182 aksidente janë regjistruar në muajin gusht të këtij viti, dukë pësuar një rënie të lehtë në krahasim me të njëjtën periudhë të vitit të kaluar. Të dhënat zyrtare tregojnë se gjatë kësaj kohe qarkullimi i mjeteve ka qenë dyfish më i madh, ndërsa shumica e viktimave ishin këmbësorë

11 drejtues mjetesh dhe motomjetesh janë arrestuar gjatë 24 orëve të fundit, nga të cilët 6 për drejtim mjeti pa leje drejtimi dhe 5 për drejtim mjeti në gjendje të dehur

Një 49-vjeçar është gjetur i mbytur në det, teksa ishte duke peshkuar

Shtetasit e huaj me leje qëndrimi në Shqipëri tashmë do të pajisen me karta elektronike me të dhëna biometrike ndryshe nga varianti i deritanishëm që ishte thjesht një dokument në formatin e letrës A4.

Qyteza e Thumanës në Bashkinë e Krujës, një nga zonat më të prekura nga tërmeti i 26 nëntorit, ka hyrë në fazën përfundimtare të procesit të Rindërtimit, si me shtëpitë individuale, ashtu edhe me banesat kolektive. 14 pallate dhe 156 shtëpi individuale pritet të jenë gati në fund të këtij viti për të gjithë banorët që humbën shtëpitë e tyre.

Autoriteti i Konkurrencës, në një njoftim zyrtar thotë se nga hetimi i thelluar bërë në tregun e importit, prodhimit dhe tregtimit të miellit ka konstatuar, se në bllok dhe në bashkërendim me njëra-tjetrën, 5 ndërmarrje të miellit në Shqipëri caktojnë çmimet e blerjes dhe shitjes së miellit.

I njohur për pemtarinë e bukuritë e natyrës fshati Rroshnik i Beratit ka organizuar panairin e përvitshëm me prodhime “bio” të zonës , ku dominojnë arrat, verërat, rakia dhe fiqtë e Beratit. Në stenda të ndara fermerët kanë prezantuar prodhimet nga 13 fshatra ndërsa kërkojnë më shumë mbështetje nga shteti për nxjerrjen e produkteve në treg.          

Bëhet me dije se janë lënë në burg Blerim Maloku, punonjës në laboratorin 'Medical Care Lami" dhe Artiola Budani, punonjëse në agjencinë turistike 'Kristal Travel. Ndërkohë gjykata ka caktuar masën e sigurisë 'detyrim paraqitje' për Asllan Divën dhe Albiona Cukën, punonjës në labortaorin 'Medical Care Lami", si dhe për Violeta Begejan, punonjëse në një agjenci udhëtimi.

Apeli i Gjykatës së Posaçme kundër Korrupsionit edhe në seancën e sotme nuk ka vendosur një vendim final për ish kryeprokurorin Adriatik Llalla, i cili kërkon shpalljen e pafajësisë ose rikthimin për gjykim të çështjes sërish në Shkallën e Parë por me një tjetër turp gjykuese. Trupi gjykues nuk ka pranuar asnjë provë të re të paraqitur nga avokati mbrojtës Sokol Hazizaj.

Në vijmë të punës hetimore për zbulimin dhe vënien përpara përgjegjësisë ligjore të autorëve të zjarrvënieve të qëllimshme apo nga pakujdesia policia e Fierit, po hetohen në gjendje të lirë Xh. B., banues në Levan, Fier dhe Ll. S., banues në Stan Karbunarë, Lushnjë, pasi duke djegur barëra në tokat e tyre.

 Një 66-vjeçar ka ndërruar jetë në Pukë ditën e sotme në Pukë, pasi ra nga lartësia. Policia bën me dije se 66-vjeçari me inicialet P.N., po riparonte çatinë e një shtëpie të vjetër në fshatin Gomsiqe, por u rrëzua dhe si pasojë humbi jetën.