Kronikë

Një trup i dekompozuar është gjetur në zonat pyjore të Trebishtës. Trupi është gjetur në orën 11:05, ndërsa është i dekompozuar që e bën edhe më të vështirë identifikimin e tij.

Zjarret që kanë përfshirë vendin tonë ditët e fundit kanë sjellë impakte katastrofike për florën e faunën e zonave pyjore. Kështu është shprehur në lidhje për Report Tv, Aleksandër Trajçe, drejtori i Qendrës për Ruajtjen dhe Mbrojtjen e Mjedisit Natyror në Shqipëri. Ky ka qenë viti me dëmin më të lartë në bimësi sipas Tajçes, nëse krahasohet me vitevet të kaluara.

Një ashensor në një pallat në zonën e Kamzës në Tiranë ka marrë flakë si pasojë e një shkëndije elektrike. Fatmirësisht brenda ashensorit nuk ka pasur njerëz. Ndërsa dëmet janë vetëm materiale.

Pas njoftimit të Komisionit Europian se disa akullore të paketuara të firmave të njohura përmbajnë lëndë kancerogjene, Autoriteti Kombëtar i Ushqimit ka nisur bllokimin e tyre edhe në vendin tonë. Përgjegjësja e sektorit të Informimit Publik dhe Koordinimit Ndërinstitucional në AKU, Pamela Radovani në një intervistë për Report Tv tha se Shqipëria është njoftuar për këtë akullore të paketuar që më 31 korrik dhe ka barë bllokimin e sasisë që ndodhej në gjendje të subjekteve tregtare.

Për herë të parë ajo nuk u paraqit në punë. Dhe fëmijët, të cilët sapo ishin nisur për pushime, u përpoqën përsëri të kontaktonin prindërit e tyre, por pa sukses. Kjo ishte pikërisht shenja paralajmëruese e një tragjedie të rëndë, e cila ka tronditur opinionin publik Italian.

Tentativa për arratisje nga burgu 313 në Tiranë e dy të dënuarve Arbër Çekaj dhe Fatmir Pjetri, mund të ketë pasur ndihmë dhe bashkëpunim edhe nga shefat e policisë brenda burgut. Këto dyshime hetuesve u kanë lindur pas disa shkeljeve të bëra nga efektivët e policisë së burgjeve. Hetimet kanë nxjerrë në pah disa shkelje, ndërsa pritet të kuptohet nëse për këto ka pasur urdhra nga lart të zyrtarëve të burgut.

Pas Shteteve të Bashkuara të Amerikës dhe Gjermanisë, edhe Bashkimi Europian ka shprehur përpjekjet e disa liderëve të Ballkanit Perëndimor për të thelluar dhe forcuar integrimin gjithëpërfshirës

Në Durrës 2 policë teksa lëviznin me motor janë përfshirë në një aksident dhe kanë mbetur të plagosur. Ngjarja ka ndodhur pak pas mesditës së sotme në lagjen nr. 4 të qytetit. Efektivët e lënduar i përkasin patrullës së Forcës së Posaçme "Shqiponja" e cila ishte në shërbim.

Në 38-vjetorin e ndarjes nga jeta të Musine Kokalarit, Presidenti Ilir Meta ka përkujtuar një nga të persekutuarat e regjimit komunist në vendin tonë. Përmes një postimi në 'Facebook', Meta e cilëson Kokalarin simbol të rezistencës që në kohën e komunizmit luftoi për mbrojtjen e demokracisë e lirisë së të drejtave të njeriut.

Gjatë operacioneve anti-kanabis në të gjithë vendin, Policia e Shtetit ka vënë në pranga 11 persona dhe ka shpallur në kërkim 2 të tjerë për kultivim dhe shpërndaje drogë në qytete të ndryshme të vendin.

Shkolla e Magjistraturës bëhet institucioni i parë që e vendos zyrtarisht vaksinimin si kusht për të gjithë studentët apo kandidatët për magjistratë që duan të jenë në auditoret në vitin e ardhshëm akademik.

Në të gjithë vendin janë 6 vatra aktive ku flakët kanë intensitet të ulët pa rrezikuar njerëzit dhe banesa, duke u pasur nën kontroll nga forcat zjarrfikëse. Në vatrat në Majën e Rrunës dhe një vatër në Malet e Tërbunit në Pukë po ndërhyhet nga ajri për shkak të terrenit të vështirë.

3 persona do të vihen para përgjegjësisë për ndezjen e disa vatrave zjarri në Lezhë dhe Mirditë. Edhe në Gjirokastër janë vënë nën hetim dy persona për dy zjarret e shënuara ditën e djeshme në zonë e Dropullit dhe të fshatit Memaliaj.