Kronikë

Siç shihet në pamjet e siguruara, në fshatin Krajkë gurën e rënë kanë bllokuar njërën korsi të qarkullimit duke rrezikuar jetën e shoferëve.

Policia e Shtetit njofton se ka goditur 90 raste të krimeve mjedisore. Pesë persona janë arrestuar, 100 të tjerë janë proceduar penalisht në gjendje të lirë ndërsa një tjetër është shpallur në kërkim.

Report Tv mëson se Emin Isha dhe Nuri Cila, përkatësisht 18 dhe 19 vjeç, janë kapur në vendin e quajtur 'Ura e Lumit' në Gjirokastër, duke transportuar tre emigrantë të paligjshëm kundrejt fitimit.

Siç mund të shihni edhe nga fotot, një ditë para 28 nëntorit pllakat metalike të monumentit të Pavarësisë janë vjedhur për skrap. Monumenti i Pavarësisë u vendos në mes të Parkut “Rinia” me rastin e 100-vjetorit të lindjes së shtetit shqiptar.

Rrëshqitjet e gurëve po vënë në rrezik jetën e banorëve në Torovicë të Lezhës. Dy masiv të mëdhenj përfunduan në oborrin e një familjeje duke rrezikuar jetën e tyre, por jo vetëm. Edhe udhëtarët ndihen të kërcënuar nga situatë pasi rruga lidh Lezhën me Velipojën dhe një pjesë të Shkodrës.

Rreth mesnatës së mbrëmjes së kaluar për shkak të motit të keq në Portin e Durrësit, ka ndodhur një perplasja mes tragetit ‘Ventouris’ dhe anijes cargo 'Professor B'. Pasditen e sotme ka qenë zv. ministri i Instrastrukturës dhe Energjetikës, Ardi Veliu i cili ka konfirmuar incidentin. Ai tha se është bërë një analizë që ngjarje të tilla të mos ndodhin më.

Nga

Artan Diko

Skandal në Berat,mësuesi i dënuar për "pedofili" dhe "ngacmim seksual" rikthehet në mësimdhënie,jep matematikë dhe informatikë në shkollën 9-vjeçare "22 Tetori". Pas mbërritjes së mediave në shkollë,mësohet se drejtoresha e ka larguar mësuesin dhe ka kërkuar transferimin e tij në një shkollë tjetër.

24-vjeçari nga Kosova i cili u përfshi mbrëmjen e djeshme në një aksident me makinën e eskortës së Sali Berishës është vënë nën hetim. Bie Pretendimi i truprojës së Berishës, Ervis Tusha, i cili tha se shkak është bërë makina me targa të Kosovës që po ecte në kundravajtje Burime për ‘Report Tv’ bëjnë me dije se janë kontrolluar kamerat e zonës, por ka rezultuar se asnjë makinë nuk lëvizte kundravajtje.

Autoriteti Shqiptar Rrugor (ARRSH) ka nisur ditën e sotme aksionin në të gjithë rrugët e vendit për të mbyllur hyrjet dhe daljet e rrezikshme të cilat nuk plotësojnë kriteret sipas standardeve e duke u kthyer në burim aksidentesh. Ky aksion do të nisë nga qafa e Kasharit dhe do të shtrihet në drejtim të Durrësit.

Një zjarr ka rënë paraditen e sotme në katin e parë të spitalit COVID 3 në QSUT. Bëhet fjalë për një rezistencë ngrohjeje në zyrat e administratës së këtij spitali.

Shpërthimi me tritol që u regjistrua mbrëmjen e djeshme në një apartament në Fier ka lënë pas dëme të konsiderueshme materiale. Report Tv ka siguruar pas shpërthimit ku duket se lënda plasëse ishte vendosur në derën e apartamentit. Fqinjët thonë për Report Tv, se pronari i apartamentit Asqeri Hyskaj jeton prej vitesh në Itali dhe sipas tyre nuk ka pasur konflikte me njeri.

Një 15-vjeçare është shpallur e humbur nga Policia e Sarandës pas një kallëzimi nga babi i saj. Report Tv mëson se 15-vjeçarja është larguar me nënën e saj dhe motën maxhorene pasi ato akuzojnë të atin se i dhunon dhe keqtrajton.

Sot shteti shqiptar i heq një njollë të madhe të zezë vetes. Më në fund burgu 'ferr' i Zaharisë do të mbyllet. Sot ka nisur transferimi i personave me masë shëndetësore nga Zaharia në drejtim të burgut të Shën Kollit, ku dy blloqe janë rikonstruktuar dhe përshtatur për 319 pacientët.