Kronikë

400 rrënjë kanabisi janë gjetur në 2 parcela të cilat po kultivoheshin në pyje të zonës së Gramshit. Për pasojë është arrestuar insektori i pyjeve dhe dy kryetarët e fashtarve, të cilët akuzohen për shpërdorim detyre.

Në qytetin e Elbasanit, qytetarët kanë gjetur ditën e sotme një granatë dore në lagjen "Brigada 17 Sulmuese". Kanë qenë banorët e zonës ata që kanë lajmëruar Policinë ndërsa forcat xheniere kanë bërë të mundur shpërthimin e kontrolluar të granatës.

Menaxheri i një lokali në Shijak është vënë në hetim për shkak se u konstatua duke thyer orën policore të vendosur në kuadër të masave anti-COVID. Burime zyrtare bëjnë me dije se menaxheri është gjobitur gjithashtu me një gjobë prej 1 milionë lekë të reja pasi ka lejuar festën duke prishur kështu edhe qetësinë publike.

SPAK ka ankimuar në Apel vendimin e GJKKO për të mos hapur hetimin për ish Ministrin e Mbrojtjes Fatmir Mediu për çështjen e shpërthimit të Gërdecit. GJKKO rrëzoi kërkesën e SPAK për rihapje të hetimeve për Mediun për çështjen e Gërdecit me pretendimin se vepra është parashkruar.

Sekuestrohen 12 kilogramë e 150 gramë lëndë narkotike cannabis dhe një ikonë e vjetër me vlera historike në Durrës në kuadër të operacionit "Ikona"

Para datës 31 gusht do të hapet loti i 5 i Unazës së Re në Tiranë. Kështu ka deklaruar ministrja e infrastrukturës Belinda Balluku teksa ka inspektuar punimet në Unazën e Madhe të Tiranës, në lotin dy, segmenti Mbikalimi i Pallatit me Shigjeta - Sheshi Shqiponja.

Diell dhe temperatura relativisht të larta do të karakterizojnë kushtet e motit në vendin tonë duke filluar nga orët e para të ditës, sipas MeteoAlb. Këto kushte atmosferike mbeten deri orët e vona të pasdites kur në veri-verilindje dhe juglindor shfaqen vranësira të lehta. Edhe orët e natës mbeten me mot të kthjellët.

Situata e zjarreve vijon të mbetet kritike në Vlorë. Edhe këtë të hënë është nën flakë Karaburuni, një prej vatrave më të mëdha në këtë qark aktive prej 7 ditësh. Ndërhyrja nga ajri për të dytën ditë radhazi nuk ka mundur që ta shuajë këtë vatër të rrezikshme që vijon të mbetet ende problematike.

Pas disa orësh janë vënë nën kontroll 2 vatrat e fuqishme të zjarrit në zonën e Mamurrasit, që rrezikuan 5 banesa. Lajmin e ka bërë me dije kryetarja e Bashkisë Kurbin Majlinda Cara e cila thotë se ndonëse vatrat janë vënë nën kontroll kanë lënë pas dëme të mëdha.

Pas 10 ditësh në flakë, këto janë pamjet që ofrohen nga lartësia e Gadishullit të Karaburunit.

Ndërhyrja nga ajri me helikopter ditën e sotme ka sjellë një përmirësim të situatës së zjarreve në zonën e Dukatit dhe atë të Karaburunit, dy nga vatrat më të vështira në Vlorë që janë aktive prej më shumë se 10 ditësh, ndërsa nuk ka asnjë reagim për vonesën në ndërhyrje nga ajri dhe dëmet e shkaktuara. Helikopteri i ardhur pas remontit ka punuar gjatë ditës së sotme në të dyja vatrat atë të Dukatit dhe Karaburunit deri në orët e pasdites, ndërsa pritet që të rinis sërish punën nesër.

Në vendin tonë vijon të ketë një rritje të ndjeshme të rasteve të reja me COVID-19. Si rezultat i 2.568 testimeve, në 24 orët e fundit kanë rezultuar pozitivë 40 qytetarë, ndërsa asnjë person nuk ka ndërruar jetë.

Bukuritë shqiptare, deti dhe plazhet e Shqipërisë kanë rrëmbyer vëmendjen e medias prestigjiozes italiane, Corriere della Sera.

Kryeministri i Kosovës Albin Kurti ka reaguar për herë të parë për Open Balkan iniciativën e Shqipërisë, Maqedonisë së Veriut dhe Serbisë për treg të përbashkët dhe heqjen e kufijve. Kurti tha se Serbia fillimisht duhet të ballafaqohet me të kaluarën kriminale, pastaj të flasim për treg të përbashkët, ndërsa më shumë kjo nisëm i ngjan një Ballkani të hapur ndaj ndikimit rus e kinez.

Pushuesi nga Kavaja është hedhur në detin e Spillesë por ka dëmtuar qafën duke mbetur pa ndjenja. Në këtë moment ka ndërhyrë roja e plazhit, i cili shpëtoi të riun dhe pasi i ka dhënë ndihmën e parë, ka lajmëruar ambulancën për trajtim të specializuar.