Kronikë

Urdhri për mbylljen e shkollës fillore në fshatin Grizë të Patosit ka ngritur në protestë prindër dhe nxënës. Ata pretendojnë se bashkia kërkon ta kthejë shkollën në lulishte, por kryeplaku i fshatit thotë se shkolla ka pësuar dëmtime nga tërmeti. Derisa çështja të zgjidhet, 62 nxënës janë pa mësim.

Një aksident ka ndodhur në bulevardin kryesor të Elbasanit, ku një makinë ka përplasur tre persona, të cilët kanë mbetur të plagosur

Një 49 vjeçar anglez është rrëzuar dhe ka ndërruar jetë teksa ka qenë duke zhvilluar hiking me motoçikleta buzë lumit Shushicë.

Ministrja e Shëndetësisë dhe Mbrojtjes Sociale, Ogerta Manastirliu, e shoqëruar nga Rektori i Universitetit të Mjekësisë në Tiranë, prof. Arben Gjata, kanë ndjekur procesin e vaksinimit të studentëve në Qendrën e Vaksinimit në Stadiumin “Air Albania”.

Dy predha janë gjetur në ujërat e lumit Buna në qytetin e Shkodrës. Sipas burimeve të deritanishme një grup italianësh të cilët po lundronin në ujërat e lumit Buna kanë arritur që t’i gjejnë dy predhat duke përdorur magnet.

Çmenduria për një video 'interesante' në rrjetet sociale nuk njeh kufij. Ky është rasti i një personi në Korçë, i cili ka alarmuar qytetarët dhe policinë. Në hyrje te pazarit të Korçës shihet një person i shtrirë në mes të rrugës i mbuluar me çarçaf të bardhë me njolla gjaku ndërsa në krahun e djathtë ka një pistoletë.

Ministri i Brendshëm Bledi Çuçi prezantoi arritjet të Shqipërisë në luftën kundër trafikut të armëve në vend, si dhe angazhimin e Shqipërisë në përballjen e këtij fenomeni, gjatë një konference online të nivelit të lartë të organizuar nga Komisioni Europian.

I quajtur nga mediat italiane si 'Zoti i drogës', një nga baronët e trafikut të narkotikëve Alket Hatija shumë shpejt do të ekstradohet nga Tirana drejt Italisë. Gjykata e Lartë ka vendosur sot lënien në fuqi të vendimit të Gjykatës së Apelit.

Me rastin e 5-vjetorit të shenjtërimit të Nënë Terezës, në Presidencë u zhvillua një aktivitet përkujtimor. Të pranishëm ishin udhëheqës të komuniteteve fetare në vendin tonë, ambasadorët e Kosovës dhe Selisë së Shenjtë, përfaqësues të Trupit Diplomatik, motrat e Urdhrit të Nënë Terezës,  studiues, historianë, diplomatë dhe artistë të pranishëm.

Rreth 21 kladestinë i kanë 'shpëtuar' nga duart policisë në Pogradec, duke u larguar me vrap në mes të qytetit. Në bazë të informacioneve të marra, patrulla e policisë ndaloi një furgon në mes të qytetit, ku ndodheshin klandestinët, po ata fillimisht kanë ikur nëpër qytet për disa minuta dhe më pas janë kapur.

Kapen 7.7 kg kokainë, e ndarë në 8 pako, që ishte e fshehur në pjesën fundore te kapakëve të motorëve frigoriferike në kontejnerët me banane në Portin e Durrësit. Droga vinte nga Ekuadori në llogari të kompanisë "Alba Exotic Fruit". Kjo është hera e 5-të që kjo kompani kapet me kokainë edhe pse menaxheri i saj Barjon Gumeni është në burg, ndërsa administratori i firmës Eduart Dauti, është në kërkim.

Komisioni i Pavarur i Kualifikimit (KPK) ka konfirmuar në detyrë ditën e sotme gjyqtaren e Beratit, Adelajda Gjuzi.

Një 21-vjeçar është arrestuar pasi ka kanosur me armë të dashurën e tij 15-vjeçare dhe shoqen e saj 20-vjeçare, pasi kishin dalë në shoqërinë e të tjerëve.