Kronikë

Pronarët e bareve dhe restoranteve në Vlorë si dhe operatorët turistikë janë të pakënaqur me vendimin e Komitetit Teknik të Ekspertëve, për të shtyrën orarin e muzikës me një orë

Edhe pse nuk u pikas nga autoritetet e Portit të Durrësit, 1 kg kokainë e pastër e cila në treg do të shkonte deri në 400 mijë euro, nuk i 'shpëtoi' dot autoriteteve italiane.  Kontrolli i zyrtarëve të Portit të Brindizit në Itali ka zbuluar drogën e fshehur në një kamion shqiptar.

Aeroporti ‘Nënë Tereza’ sugjeron që qytetarët të cilët duan të udhëtojnë jashtë vendit të paraqiten 3 orë më përpara udhëtimit në aeroport. Në një postim në rrjetet sociale nga TIA, ky sugjerim vjen për shkak të rritjes së fluksit të pasagjerëve, që udhëtojnë nga aeroporti ‘Nënë Tereza’, në këto ditë të sezonit veror

Një tjetër rast humbje denoncohet në emisionin ’Pa Gjurmë’ në Report TV, ajo e Esmeralda Pura, 22-vjeçarja nga Pogradeci, rezulton e humbur që prej datës 13 korrik të këtij viti. Ngjarja ka ndodhur në pikën kufitare të Qafë-Thanës, kur Esmeralda sëbashku me bashkëshortin Ismail Isnov dhe dy fëmijët e mitur 1 dhe 3 vjeç, sapo kishin kaluar doganën shqiptare, ndërsa ktheheshin në banesën e tyre në fshatin Strumnicë të Maqedonisë së Veriut.

Presidenti Ilir Meta ka reaguar pas protestës së mbajtur nga biznesmenët në Vlorë të cilët kanë kërkuar heqjen shtyrjen e orarit të muzikës dhe heqjen e orës policore. Presidenti Meta shkruan se dhuna është e papranueshme dhe e dënueshme, sidomos dhuna ndaj femrave teksa thekson se protesta paqësore garantohet nga Kushtetuta. Sipas tij, dialogu i sinqertë dhe bashkëpunimi me shtetin është mundësia për të arritur një zgjidhje.

Nga

Adriatik Doci

Përplasje e pazakontë mes ONM-së dhe Komisionit të Vetingut. KPK-ja shkarkoi prokurorin Genci Qana se nuk ka deklaruar një gabim të një punonjëse të gjendjes civile që kishte ndryshuar shkronjën ‘n’ në ‘m’ në mbiemrin e tij në vitin 1996 dhe se nuk mbulon 3.4 milionë lekë. Vëzhguesi ndërkombëtar Steven Kessler del kundër: Nuk është ky qëllimi i Vetingut, nuk mund të shkarkohet prokurori për një gabim të vogël të një nëpunësi dekada më parë, Qana provoi pagesat e bashkëshortes në vitet 1998-2001. 

Një 55-vjeçar ka ndërruar jetë pasditen e sotme në Durrës pasi tragjikisht ka prekur në një tel të energjisë elektrike teksa po peshkonte në lumin Erzen.

Aktiviteti kulturor “Sofra Shkodrane” ka zbritur këtë fundjavë në Gjirokastër. Tingujt e muzikës së vjetër, por edhe poezitë e interpretuara nga Artistët e Teatrit të Shkodrës, tërhoqën mjaft vizitorë vendas dhe të huaj.

Kërkesa e pesë partive aleate të Partisë Demokratike për të shfuqizuar ndryshime të Kodit Zgjedhor sipas marrëveshjes së 5 qershorit të vitit të kaluar për mënyrën se si ndahen fondet për partitë e vogla është rrëzuar nga Gjykata Kushtetuese disa javë më parë.

Policia vijon kontrollet në rrugë për të monitoruar shoferët të cilët shkelin rregullat e qarkullimit rrugor. Në 24 orët e fundit policia ka arrestuar 10 drejtues mjetesh, nga të cilët 6 për drejtim mjeti në gjendje të dehur, dhe 4 prej tyre pa leje drejtimi

Mungesa e tregut dhe çmimi shume i ulët po vë në vështirësi prodhuesit e Shalqirit në Imshtë buzë lumit Seman. Sipas tyre shalqiri po blihet me 5-6 lekë kilogrami, dhe me këtë çmim ata nuk nxjerrin dot as kostot e prodhimit. Ndërkohë çmimi i shalqirit në kryeqytet është deri 6 fish më i lartë se në Seman

‘Të zgjedhim të ardhmen, mbi të kaluarën’ kështu shkruan ambasadorja amerikane në Shqipëri Yuri Kim në një shënim në mediat sociale, duke ju referuar diskutimeve rreth historisë.

Asnjë humbje jete nga COVID-19 nuk është regjistruar në 24 orët e fundit në vendin tonë. Ministria e Shëndetësisë bën me dije se si rezultat i 3439 testimeve kanë rezultuar pozitivë 18 qytetarë. Krahasuar me ditën e djeshme kemi një ulje të rasteve poztive, pasi dje janë regjistruar 21 raste.

Sot është një ditë e veçantë për mjekun Tritan Kalo pasi feston 65-vjetorin e ditëlindjes. Kalo ka ndarë me miqtë e tij disa fotografi ku zbulon edhe dhuratat që ka marrë me rastin e 65-vjetorit të lindjes. Nga fotot vihet re se ai ka marrë disa buqeta me lule nga kolegët. Ndërsa edhe vetë kryeministri Rama ka zgjedhur t'i bëjë një dhuratë të veçantë Kalos në këtë ditë të shënuar.

Gjykata e Posaçme e Apelit ka lënë në burg prokurorin e Kukësit Edmond Karriqin dhe seksesin Isuf Gegën. Prokurori Karriqi ka kërkuar zevendësimin e masës, por i është refuzuar

Nga

Sokol Dema

30 punonjës policie të implikuar në kultivimin e kanabis sativa janë arrestuar përgjatë vitit 2020, 15 më shumë se në 2019-ën, kurse 24 drejtues të nivelit të parë, janë proceduar penalisht. Të dhënat e SHÇBA tregojnë se është rritur forca goditëse por gjatë këtij viti drejt këtij shërbimi është bërë vetëm një telefonatë denoncuese për policë të implikuar në fushën e drogës

Teksa kontrollet për lirimin e hapësirave publike përgjatë vijës bregdetare po intensifikohen, policia ka vënë në pranga një qytetar për shkak se po ndërtonte një beach bar pa leje në Velipojë.