Kronikë

Në një takim me task Forcën e Turizmit, ministrja e Shëndetësisë tha se brenda majit pritet të përfundojë vaksinimi i punonjësve të strukturave akomoduese. Ndërsa ministri Klosi njoftoi se është hapur sistemi për aplikimin e operatorëve turistikë për stacionet e plazhit. Edhe këtë vit do ketë protokolle anti-Covid, por masat pritet të jenë më të lehtësuara.

Prej fillimit të vaksinimit janë kryer në total 680,083 doza të vaksinës ndaj COVID19.

5 persona, nga 17 deri në 44 vjeç, janë vënë në pranga në Mirëditë pasi dyshohet se kanë abuzuar seksualisht me një të mitur, ngjarje e ndodhur në Rrëshen në muajin prill.

Guardia di Finanza ka reaguar për kapjen e 400 kilogramë kokainë që ka kaluar nga porti i Durrësit dhe është kapur në Kosovë falë një bashkëpunimi të ndërsjella, mes DEA-s amerikane, autoriteteve italiane, shqiptare dhe atyre të Kosovës

Një aksident tragjik u regjistrua mëngjesin e sotëm në Shkodër, ku për pasojë humbën jetën dy persona, të identifikuar si Eglis Delaj dhe Sexho Kukaj. Aksidenti u regjistrua rreth orës 08:45, në rrugën e fshatit Omaraj, Malësi e Madhe, ku u përfshinë tre automjete.

Është zbardhur ekzekutimi i Endri Mustafës në Shkodër. Policia bën me dije se për ngjarjen është shpallur në kërkim Ibrahim Lici, i dyshuar si autori kryesor i vrasjes së Mustafës, ndërsa është arrestuar 15-vjeçari Ergys Malja, si bashkëpunëtor i tij. Po ashtu në pranga ka rënë edhe Edison Arazi, si person që ka dijeni për ngjarjen.

Me një njoftim për mediat Policia bën me dije se 59-vjeçarit me inicialey N.D., banues në Lushnjë, i është caktuar masën e sigurisë “Arrest në burg” nga Gjykata e Firences në Itali për veprat penale “Vrasja” e kryer në bashkëpunim dhe “Armëmbajtja pa leje”.

Një 34 vjeçare është arrestuar në Durrës pasi ka tentuar të ndihmojë që të kalojnë kufirin 4 persona me dokumenta të dyshuara të falsifikuara.

Policia bën me dije se hetimet kanë zgjatur 6 muaj, ku u evidentua se këta persona gjatë ushtrimit të detyrës së tyre kanë falsifikuar formularët e raportit të verifikimeve të matësve elektrik në subjekte të ndryshme private ku kanë kryer inspektime, duke mos evidentuar vjedhjen e energjisë elektrike nga këto subjekte.

Kryeministri Edi Rama ka postuar sot një video nga kantieri i kompleksit të ri në Laç, ku do të ketë 13 pallate, 524 apartamente, qendër tregtare e parqe kombëtare.

Ajri që thithin njerëzit që jetojnë në Sarajevë, Shkup, Beograd dhe në shumë qytete të tjera në të gjithë rajonin e Ballkanit Perëndimor është shpesh ndër më të ndoturit në botë, kjo veçanërisht në muajt e dimrit, kur ndotësit e emetuar nga termocentralet me qymyr, sistemet e ngrohjes së banesave, automjetet, aktivitetet industriale dhe burime të tjera errësojnë diellin, ndotin mjedisin dhe krijojnë kushte të rrezikshme për frymëmarrjen.

Kthjellime dhe vranësira kalimtare dominojnë gjatë paradites, ku më të dukshme paraqiten në zonat verilindore dhe Lindore duke sjellë shira afatshkurtër dhe të izoluar, sipas MeteoAlb.