Kronikë

Gjykata e Apelit të Tiranës ka lehtësuar masën e sigurisë për 3 kontrollorët e arrestuar për shpërdorim detyre pasi nxitën bllokimin e fluturimeve në aeroportin e Rinasit. Gjykata ka vendosur masën 'arrest shtëpie' për kontrollorët Armando Fevzga dhe Muhin Mezini, ndërsa vendosi 'detyrim paraqitje' për Flora Ndrecën. 

Tre vëzhgues janë proceduar penalisht sot në Tiranë, në lidhje me sherrin që u regjistrua mbrëmë në KZAZ 30 tek shkolla “1 Maji”, ku për pasojë u ndërpre edhe numërimi për disa minuta. Sherri mes tyre, sipas policisë, ka nisur për radhën e qëndrimit para monitorëve ku bëhet numërimi i votave. 

Si pasojë e situatës së krijuar prej pandemisë Greqia ka shtyrë deri më 3 maj afatin e bllokimit të pikës kufitare Kapshticë. Deri në këtë datë, hyrja drejt Greqisë nëpërmjet kësaj pike kalimi, vijon të jetë e mbyllur. Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.

32-vjeçari Arben Mema, banues në Kombinat, i cili terrorizoi banorët duke tentuar t'i shtypë në sheshin "Skëndërbej" ditën e zgjedhjeve, del sot para gykatës për masën e sigurisë. Report Tv ka zbardhur dëshminë e shokut të Arben Memës, i cili ka qenë ai që i ka dhënë automjetin 32-vjeçarit. Sali Xhepa shprehet në dëshmi se makinë mori me qira dhe ia dha për një xhiro, por Mema bëri aksident.

Masat ajrore me origjinë Jugore do të diktojnë mot me kthjellime e vranësira të lehta deri në mesditë kur vranësirat bëhen më të dukshme në skajin verior-verilindor duke sjellë ndonjë shi të pakët. Edhe pasditja vijon me kthjellime e vranësira të lehta në Ultësirën Perëndimore ndërsa mbeten të dukshme vranësirat në zonat përgjatë kufirit lindor.

August Hoxha në Rrogozhinë është vetëplagosur në këmbë me pistoletë pasi ka qenë në gjendje të dehur. Më pas ai është dërguar menjëherë në spital.

Kjo e hënë ka shënuar një ulje drastike të shifrave të COVID, shifra më e ulët për këtë vit. Ministria e Shëndetësisë raporton se në 24 orët e fundit janë shënuar 69 raste të reja dhe vetëm 1 humbje jete. Ka ndërruar jetë një 69 vjeçar.

Rezultatet e zgjedhjeve të 25 prillit me shifrat e tanishme i japin një fitore të qartë Partisë Socialiste. Reperi i famshëm Arkimed Lushaj (emri i artit Stresi), i njohur si mbështetës i PD, ka postuar në Instagram një foto, ku shfaqet me armë në dorë dhe ka paralajmëruar luftë civile.

Ambasadorja amerikane në Tiranë, Yuri Kim njofton se sot në Shqipëri ka nisur zyrtarisht stërvitja më e madhe ushtarake nën komandën e SHBA. Mbërrin anija me pajisje ushtarake në Durrës. Do marrin pjesë 3 100 trupa të vendeve anëtare të NATO-s, 10 anije, 18 avionë, 19 helikopterë dhe 6 sisteme raketash patriot.

Një 37-vjeçar ka mbetur i plagosur ditën e sotme në Vlorë, pas një sherri me një person tjetër. Ngjarja ka ndodhur rreth orës 12:20, në lagjen "Partizani", ku në konflikt u përfshinë shtetasi V. V., 36 vjeç me shtetasin F. S., 37 vjeç, ndërsa ky i fundit ka marrë dëmtime të lehta si pasojë e goditjeve.

Ditën e sotme pritet të mbërrijnë në vend 8190 doza të vaksinës Pfizer. Lajmi është bërë i ditur nga Ministrja e Shëndetësisë, Ogerta Manastirliu, nëpërmjet një postimi në Facebook.

Gjykata e Elbasanit ka lënë në  burg vetëm Arbër Paplekajn, për vrasjen e Pjerin Xhuvanit në Elbasan, ndërsa ka lënë në masën e sigurisë "detyrim paraqitje" për 10 personat e tjerë të arrestuar, anëtarë të struktrurës së armatosur të PD, e vetëshpallur struktura për mbrojtjen e votës.

Report Tv vjen me një risi shumë të rëndësishme në këto zgjedhje për publikun shqiptar, një shërbim që vjen për herë të parë në Shqipëri. Bazuar në rezultatet që sjell sjell Report TV kur janë numëruar rreth 60% e qendrave të votimit, PS shkon deri në 75 mandate duke u rritur nga zgjedhjet e kaluara.

Mbërrin çarteri i parë nga Ukraina me gati 200 turistë duke çelur zyrtarisht sezonin veror 2021 në Shqipëri.