Kronikë

Pas apelit të Report Tv, Autoriteti Rrugor ka nisur riparimin për vendosjen e bordurave, sinjalistikave, ndriçimit në aksin Kavajë-Rrogozhinë, në afërsi të Gosës, që ishte shndërruar në një burim aksidentesh.

Një mobilieri u shkrumbua nga flakët rreth mesnatës në fshatin Nikël të Krujës, ku fatmirësisht nuk pati asnjë person të lënduar. Sipas hetimeve paraprake shkak i zjarrit ka qenë kabulli elektrik në hyrje të sahatit.

Policia e Shtetit në bashkëpunim me SPAK shkatërruan 18 baza të modifikimit e shitjes së armëve. Në pranga ranë 6 persona tre prej tyre akuzohen se kanë tentuar të vrasin me eksploziv Artan Bylykun kunatin e Domart Konjarit. Dy persona janë shpallur në kërkim ndërsa janë sekuestruar armatim i rëndë.

Këtë fundjavë, në fushatën për lançimin e sloganit të ri të kompanisë në gjithë botën, Vodafone vë në pah atë që shpirti njerëzor mund të arrijë nëse ndërthuret me teknologjinë. Vodafone do të bëjë publik sloganin e ri, “Together We Can” (“Së Bashku Ne Mundemi”) për të përcjellë filozofinë e re të pozicionimit në treg, shoqëruar me një strategji 12-mujore publicitare në televizion, print dhe online, strategji e cila pasqyron besimin e palëkundur të Vodafone se partneriteti midis teknologjisë dhe shoqërisë mund të ndërtojë një të ardhme më të mirë.

Policia e Tiranës ka arrestuar 26-vjeçarin, M.T pasi është kapur me 2 armë zjarri dhe municion luftarak, gjatë orës policore.

Arqipeshkvi i Shkodrës, Angelo Massafra, ka fituar betejën me COVID, pasi 34 ditësh i shtruar në spital. Massafra ka lënë spitalin “Miulli”, në Asquaviva delle Fronti, në Itali mëngjesin e sotëm dhe është shoqëruar për në qendrën e rehabilitimit “Maugeri”, në Ginosa Marina.

Tutori i dy grave, të cilat  i shfrytëzonte për prostitucion në ambientet e një lokali është dënuar me 'arrest me burg' nga gjykata e Fierit. Autori Mbarim Xhemali gjatë seancës gjyqësorë nuk e ka pranuar akuzën duke u shprehur se ngjarja e ndodhur nuk është ashtu siç duket.

Një predhë luftarake është gjetur gjatë gërmimeve në kuadër të programit të rindërtimit pranë bulevardit “Gjergj Fishta” dhe varrezave të dëshmorëve në Lezhë.

Në kardiologjinë e QSUT, në prani të forcave të shumta të policisë, Ardjan Çapjas i është komunikuar masa e sigurisë "arrest në burg", pasi u arrestua përmes operacionit "Krasta 2021", si i përfshirë në ekzekutimin e babë e bir, Gentjan Beqiri e Nezir Beqiri në Elbasan në 2012