Kronikë

Komisioneri për Zgjerimin, Oliver Varhelyi i ka dërguar një letër Kryeministrit Edi Rama, ku i thekson se Shqipëria do të përfshihet në iniciativat e BE në përgjigje ndaj krizës së krijuar nga pandemia si dhe krijimin e një 'linje të gjelbër' me BE dhe rajonit për të lehtësuar qarkullimin e mallrave dhe pajisjeve mjekësore në këtë situatë. Letra mban datën 24 mars, ku shprehet mbështetja e BE për Shqipërinë dhe vendet e Ballkanit Perëndimor.

Ish ministri i financave Arben Malaj i ftuar në “Repolitix”, ka komentuar vendimet e marra mbledhja on-line e qeverisë në një situatë të gjendjes së fatkeqësisë natyrore në të cilën ndodhemi për shkak të pandemisë nga koronavirusi. Sipas Malaj, duhet të njohim mirë situatën në të cilën ndodhemi dhe të respektojmë këshillat e mjekëve dhe vendimet e qeverisë, pavarësisht se ato janë të paspecifikuara dhe në të njëjtën linjë me atë të qeverive të tjera. Ish ministri ishte kundër përdorimit të rezervës valutore e bankës së Shqipërisë, e cila sipas tij është krijuar për situata më kritike se kjo, ndërkaq ishte pro idesë së emetimit të një eurobondi për koronavirusin.

Platforma shqipëriaqëduam.al, në të cilën qytetarët mund të shkruajnë hallet e tyre, këtë herë kanë marrë përgjigje nga vetë kryeministri Ed Rama, i cili i ka marrë të gjithë në telefon një e nga një.

Nga

Elton Qyno

Zbardhet shkresa e Drejtorit të Burgjeve për Olsian Çelën. Kërkohet bashkëpunim për zbatimin e aktit-normativ të kryeministrit Edi Rama

BE ka akorduar një shumë prej 411 milionë euro për Ballkanin Perëndimor për të luftuar pasojat që lë pas kriza e koronavirusit, ku 373 milionë do të jepen për vendet për rimëkëmbjen ekonomike dhe 38 milionë euro për mbështetje të menjëhershme të sistemit shëndetësore që të mos pësojnë kolaps për shkak të numrit të lartë të të infektuarve që shkakton covid 19.

AKU është në terren duke inspektuar subjektet që janë hapur, për të garantuar sigurinë ushqimore

Gjendja e fatkeqësisë natyrore për shkak të pandemisë së koronavirus, nuk do të mund t’i pengojë qytetarët të paguajnë detyrimet e tyre. OSHEE iu bën thirrje të gjithë qytetarëve të paguajnë faturën e tyre të dritave online, përmes aplikacioneve bankare ose e-albania. Në rast pamundësie përmes metodave on-line, përmes një njoftimi OSHEE bën me dije se sportelet e saj janë hapur çdo ditë nga ora 07:00 - 13:00.

Kujtojmë që Italia është vendi që po përjeton humbjet më të mëdha nga koronavirusi, ku brenda 24 orëve të ditës së sotme kanë ndërruar jetë 683 persona.

13 punëtorët shqiptarë erdhën nga Mali i Zi dhe mbetën në Shkodër, pasi qarkullimi ishte bllokuar.

Ish- deputetja e Partisë Demokratike, Orjola Pampuri i është përgjigjur ashpër thirrjes së kryeministrit Rama se qytetarët duhet të paguajnë dritat pavarësisht situatës ku ndodhemi. Përmes një postimi në rrjetet sociale, Pampuri shprehet se është detyrimi ligjor i qeverisë të ndihmojë më të varfrit dhe qytetarët me pamundësi ekonomike pas shpalljes së gjendjes së fatkeqësisë natyrore.