Kronikë

Drejtoresha e Kontrollit të zhvillimit të territorit në Bashkinë Tiranë Frida Pashako e ftuar në emisionin “Këndi I ekspertit” ka sqaruar procedurat që duhen ndjekur për të ndërtuar nga e para ose bërë riparime në objekte në Tiranë. Duke iu përgjigjur edhe pyetjeve të teleshikuesve, ajo tha se këto proceduar janë thjeshtuar duke ulur kohën e pritjes së qytetarëve.

Një 40-vjeçar nga Shqipëria është gjetur i pajetë në Belgjikë, në një kanal në Vinderhoute, Lievegem.

Fenomeni i kanabisit nuk mbaron me Lazaratin, pasi krimi është një hap për para duke gjetur hapësira të reja. Kështu është shprehur Zëvendësministrja e Ministrisë së Brendshme Rovena Voda nga qyteti i Tepelenës gjatë një takimi me Task Forcën në luftën kundër kanabisit me drejtues të institucioneve lokale të Qarkut Gjirokastrës.

Prej 3 javësh lagjia e vjetër në qytetin e Bulqizës është pa ujë të pijshëm. Shkak është bërë helmimi masiv i 4 majit. Sipas Drejtorit të Shëndetit Publik Bulqizë Flamur Meta, situata tashmë është në dorë Institutit të Shëndetit Publik, pasi pritet të dalin analizat fiziko-kimike e toksikologjike të ujit.

Komisioni Qendror i Zgjedhjeve ka miratuar në mbledhjen e së hënës fletën e votimit për zgjedhjet vendore të 30 qershorit.

Një 43-vjeçar është arrestuar pasi në shtëpinë e tij janë gjetur 12 kg marijuanë. Ai është Rudmir Tatari, 43-vjeç.

Dhunë në familjen shqiptare në Itali. Një 65-vjeçar ka goditur me çekiç bashkëshorten 65- vjeç pasi një sherri brenda familjes.

Kryetari i Grupit Parlamentar të Partisë Socialiste Taulant Balla ka inspektuar punimet e fazës së tretë të projektit të Rilindjes Urbane të Belshit. Balla është shprehur se edhe pse investimi nuk ka përfunduar Belshi është një nga destinacionet turistike më të vizituara.

Nga

Arsen Rusta

Pas dy dekadave në dyert e drejtësisë shqiptare, dosja “Hakmarrja për Drejtësi” përfundon në sallën e vettingut. Me një ankesë drejtuar vettingut Orik e Laert Shyti kanë kërkuar që ndaj gjyqtarit Dhimitër Lara që po kalon në vetting të mbahet parasysh dhe shkelja e ligjit që ai ka bërë me procesin ndaj tyre. Ndërsa Lara i pyetur nga KPK për këtë proces, u shpreh se në qoftë se do kthehej në kohë do të vepronte njësoj për cdo vendim të marrë nga ai.

Nga

Arsen Rusta

Sipas juristit Bashkim Nikolla, këshilli i lartë gjyqësorë ka kompentecë të caktoj gjyqtarë të cilët të shqyrtojnë rekurset në gjykatën e lartë deri në zgjidhjen e ngërcit. Në një reagim për mediat ai shprehet se nuk ka pse qytetarët paguajnë faturën e politikës, e cila duhet të mbledh parlamenti dhe të zhbllokoj ngërcin nëse refuzon KLGJ-ja.

Nga

Elton Qyno

Samuel Ndoka dhe Vilson Ndoka, dy nipërit e ish-deputetit socialist në qarkun e Lezhës Arben Ndoka, janë marrë të pandehur së bashku me 10 persona të tjerë, të cilët janë pjesë e dosjes së famshme 339. Në kuadër të dosjes 339 po verifikohet edhe Vangjush Dako për shit-blerje votash dhe korrupsion zgjedhor.

Oficerët e misionit të FRONTEX kanë kapur 16 emigrantë nga lindja dhe Afrika Veriore në Kapshticë, të cilët po tentonin që të kalonin nga Shqipëria në drejtim të vendeve të BE-së

Televizionet ditën e sotme janë detyruar që të ndërpresin transmetimin e raportimit të Kryeprokurores Arta Marku në Kryesinë e Kuvendit te Komisioni i Ligjeve për shkak të audios skandaloze.

Kryetari i Gjykatës së Fierit Roland Jaupaj është drejt shkarkimit nga detyra nga Komisioni i Pavarur i Kualifikimit pasi gjatë hetimit i janë evidentuar disa shkelje që me shumë gjasa do ti kushtojnë.

Kryeprokurorja, Arta Marku ka prezantuar përpara Komisionit të Ligjeve raportin e Prokurorisë për vitin 2018. Në raportin e paraqitur bëhej e ditur se qarku i Vlorës është me numrin më të lartë të veprave penale ndërsa Dibra mban shifrat më të ulta të veprave kriminale. 

Mrika Nikqi dhe babai i saj kanë arritur të ngjiten me sukses majën e Everestit si pjesë e ekspeditës 'Everest 2019'.