Kronikë

Veliaj shpreh mirënjohjen për policët e bashkisë për qytetarinë e treguar, sikurse thotë ai, përballë partisë së dhunës, hurit dhe zjarrit. Ai u uron shërim të shpejtë 7 efektivëve që u lënduan, ndërsa shprehet i vendosur i vendosur për vijimin e projektit.

Mediat greke shkruajnë se pagesën për 380 kg kokainë e kishte bërë mafia shqiptare. Shqiptari i arrestuar njihet me emrin Ilia dhe është me precedent penal, pasi ka qenë arrestuar edhe në Itali për trafik droge.

Apeli i Krimeve ka dhënë masën e sigurisë arrest shtepie për dy ish-deputetët Arben Çuko e Arben Ndoka të arrestuar në operacionin “Vol-vo 4”. Bashkë me ta, gjykata ka vendosur masën e sigurisë arrest shtëpie edhe për sportistin Elis Guri, për Zef Lazrin, Ardit Gjyriqi dhe Paulin Simoni. Ndërsa Gjevi Ndoka, vëllai i ish-deputetit mbetet në burg bashkë me Astrit Avdylin dhe 17 anëtarë të tjerë të bandës që trafikonin drogë

Paraditen e sotme u publikua nga Policia e Shtetit një listë ku bëhen publike emrat e 17 personave më të kërkuar në Qarkun e Fierit për dënim me burgim të përjetshëm dhe me 25 vjet burg. Gazetari investigativ Artan Hoxha ka pikasur te emrat e publikuar një person i cili nuk ka precedentë penalë e që për më tepër e njeh edhe nga afër. Hoxha i bën thirrje Policisë së Shtetit që të ndalojë së bëri gafa të këtij lloji, pasi përbaltja e qytetarëve të ndershëm sipas tij nuk sjell asgjë tjetër përveçse lënien në liri të vrasësve. 

Peshkatarët durrsakë kanë kapur këtë herë një peshkaqen të rrallë 3.5 metra të gjatë me peshë rreth 400 kg.

Viktima është Tonin Ndreca, ndërsa nga kontrolli i makinës u zbulua se ishte e mbushur me 80 kg kanabis. Makina ishte nisur nga fshati Kaçinar i Mirditës drejt Lezhës, ndërsa Ndreca ishte i vetëm.

Shkarkohet nga KPK, kryetarja e Gjykatës së Apelit të Vlorës, Alma Liçaj, pasi nuk ka justifikuar pasurinë. Alma Licaj rezulton pronare e tetë apartamenteve në Tiranë dhe Vlorë si dhe e tetë automjeteve. 

Nga

Arsen Rusta

Shkarkohet nga Komisioni i Vetting-ut prokurori Ramadan Troci që firmosi mes te tjera edhe arrestimin e Ardian Fullanit dhe ish kryebashkiakut Shpëtim Gjika. Shkarkohet edhe kryetarja e Gjykatës së Apelit të Vlorës Alma Licaj, e cila tre ditë më parë i dha Shpëtim Gjikës pafajësi në apel duke rrëzuar hetimet e bëra më parë nga Troci. Licaj rezulton se ka në pronësi 8 apartamente dhe 8 makina.

Ka nisur  cikli i dytë i shkollës së menaxhimit për drejtuesit e spitaleve publik. Përmes një program intensiv, 20 drejtorë dhe nëndrejtorë të spitaleve po trajnohen për menaxhim spitalor, për të administruar më mirë institucionet shëndetësore që ata drejtojnë.

Një fenomen tjetër që haset në këtë rrugë janë dhe shoferët që ecin me shpejtësi të ulët në korsinë parësore, atë të shpejtësisë, duke u bërë shqetësim për një pjesë tjetër të cilët janë të detyruar të bëjnë parakalime në kundravajtje të Kodit Rrugor. 

Banorët e "Astirit" kanë vijuar për të 12-ën ditë me radhë protestën kundër prishjes së banesave të cilat preken nga zgjerimi i "Unazës së Madhe". Edhe sot ata protestuan përpara Bashkisë së Tiranës ku pati përplasje me policinë bashkiake. Protestuesit hodhën molotov dhe tymuese, ndërsa tentuan të futen me forcë brenda bashkisë. Nga protesta mbetën të lënduar 7 policë bashkiakë.

Banorët dhe tregtarët thonë se viktima nuk ishte person problematik, ndërsa shprehen të frikësuar dhe nuk pranojnë që të flasin për dinamikën e ngjarjes.

Vetëm në 6 muaj e fundit, në këtë qytet janë regjistruar 7 viktima në atentate mafioze, numri i të plagosurve disa herë më i madh, ndërsa 2 persona vijojnë ende të jenë të zhdukur.

Ambasada Amerikane ka dhënë një njoftim të rëndësishëm, për të gjithë ata që janë të interesuar dhe dëshirojnë të studiojnë në Shtetet e Bashkuara të Amerikës.

Fatmir Çupi, 32 vjeç ishte në kërkim pasi Gjykata e Apelit Shkodër ka rrëzuar 'lirimin me kusht', duke e rikthyer në burg për të vuajtur pjesën tjetër të mbetur të dënimit 1 vit e 11 ditë për vrasjen e një polici në Lezhë në vitin 2005.

Pas Vlorës, Policia e Shtetit ka publikuar listën me 17 personat e rrezikshëm të Fierit të dënuar me burgim të përjetshëm dhe 25 vite për vrasje, vjedhje me pasojë vdekjen dhe rrëmbim personi.

Në Mat është arrestuar Gentjan Ahmetsulaj 39 vjeç, i dënuar më parë për vjedhje. Ahmetsulaj dyshohet së në bashkëpunim me dy persona të tjerë të arrestuar para 2 javësh, funksiononin si grup duke vjedhur makina në Tiranë dhe më pas i dërgonin në Burrel.

Zbardhen detaje të reja nga atentati i djeshëm në lagjen "Partizani" të Shkodrës ku mbeti i vrarë Fatos Ferracaku dhe u plagos Fatmir Mehaj. Në drejtim të 40-vjeçarit është qëlluar me një pistoletë 9 mm ndërkohë që në vendin e ngjarjes janë gjetur 8 gëzhoja. Tetë persona janë shoqëruar pas kësaj ngjarje. Mes të shoqëruarve është edhe Mustafa Lici, anëtar i këshillit bashkiak dhe vëllai i Fatbardh Licit, i ekzekutuar në qendër të Shkodrës në 10 gusht të këtij viti.

Mbledhja e planifikuar për në orën 11:00, fillimisht u shty me 30 minuta, më pas zgjati vetëm pak, pasi shumica i miratoi duke mbyllur mbledhjen.