Sport

Superliga shqiptare e futbollit çeli këtë të shtunë javën e 12-të. Në "Arenën e Demave" në kryeqytet, Egnatia mposhti 0-1 Erzenin që ishte vendas. Për shkak se shijakasit nuk e kanë një stadium në kushtet e duhura, ai i Partizanit është bërë në ndeshjen e dytë shtëpia e tyre.

Bundesliga gjermane e futbollit është në javën e dhjetë. Këtë të shtunë, duke nisur nga ora 15:30 u luajtën pesë sfida, ku spikati fitorja 2-3 e Leverkusen në udhëtim me Hoffenheim, me "Aspirinat" e Alonsos që marrin suksesin e gjashtë radhazi dhe vijojnë të jenë në krye të Bundesligës, duke marshuar drejt titullit kampion. Bayern Munich fitoi 0-4 me Dortmundin në klasiken e futbollit gjerman, me Kane që shënoi tripletë.

La Liga e futbollit në Spanjë është në javën e 12-të. Me fillim nga 14:00, kjo e shtunë sportive nisi me fitoren 2-4 të Gironas në udhëtim me Osasunën. Tanimë katalanasit janë në vendin e parë të renditjes, duke pritur ndeshjen e Real Madrid të diel. Barcelona iu fal golit të Araujo në limite dhe mundi 0-1 Sociedadin, duke qenë pranë kreut.

Serie A e futbollit në Itali është në javën e 11-të. Këtë të shtunë në program ishin tre duele, ndërsa gjithçka nisi në 15:00 me fitoren 0-2 të Napolit në transfertë kundër Salernitanës. Në 18:00 Atalanta humbi 1-2 me Interin dhe në 20:45 Milani humbi 0-1 me Udinesen.

Finalja e “Copa Libertadores” 2023 mes Boca Juniors dhe Fluminense do të luhet këtë mbrëmje, më 4 nëntor, në orën 21:00 me orën shqiptare në stadiumin “Maracana” të Rio de Janeiro.

Premier League e futbollit në Angli është në javën e 11-të. Me fillim nga 13:30 Manchester United fitoi 0-1 kundër Fulham, duke iu falur Fernandes në limite. Te fitorja edhe City, që mundi 6-1 Bournemouth. Brentford mundi 3-2 West Ham, me Thomas Strakoshën që luajti 45 minutat e dyta në portën e vendasve, duke i sjellë sukses të tijve në përmbsjen e ndeshjes. Në 18:30 Newcastle mundi 1-0 Arsenalin.

Kampioni i saposhpallur i botës në bodybuilding Marjan Hoxhaj, në një intervistë për Report TV, thotë se fitimi i medaljes së artë ishte në ekperiencë unike. 19-vjeçari nga Durrësi pohon se këtë sport e nisi rastësisht, pasi synimi ishte për t’u shëndoshur.

Legjionarët kuqezi kanë bërë mirë në kampionatin turk, duke shënuar dhe asistuar. Istanbulspor humbi 2-4 kundër Pendikspor në Superligën turke, me skuadrën e Endri CCekiccit që doli fitues kundër Eduart Rrocës me shokë.

Edon Zhegrova është futbollisti me më shumë driblime në Europë. Sulmuesi anësor i Lille lë pas emra si Leao, Vinicius apo Mbappe.

Distria Krasniqi ka marrë një tjetër medalje, duke u shpallur nënkampione në Kampionatin Evropian të Xhudos të zhvilluar në Montpelliere të Francës.

Armando Broja ka lënë pas dëmtimin dhe do jetë gati për Chelsea. Ky është një lajm i mirë edhe për Kombëtaren kuqezi në prag të dy ndeshjeve kualifikuese për grupin E të Euro 2024.

Katër ditë më parë, në edicionin e 67 të tij, trofeu i ‘Topit të Artë’ shkoi për Lionel Messi-n