Top 24

Kreu i Partisë Demokratike Lulzim Basha ka zhvilluar ditën e sotme një takim me anëtarë dhe mbështetës të PD në Shkodër. Ai e quajti komisionin për Reformën Zgjedhore një paraburgim të Damian Gjiknurit me shokë duke deklaruar se PD nuk do ta njohë atë pasi për zgjedhje duhet një reformë e vërtetë zgjedhore për të cilën pyeten qytetarët.

Nga

Antonio Çakshiri

Banorët në rrethinat e Librazhdit në 3 vitet e fundit po vuajnë pasojat e ndërtimit të Hidrocentraleve në rrjedhën e lumit që kalon pranë fshatrave të tyre. HEC-et që janë në hyrje të zonës së mbrojtur Rapuni 1 dhe 2 që prekin parkun Shebenik-Jabllanicë por edhe parkun e Kuturmanit kanë tharë një degë të lumit Shkumbin ndërsa po shkatërrojnë ekosistemin sipas ekspertëve. 

Është përcjellë për në banesën e fundit 16-vjeçarja Adela Çaçi nga Berati, e cila dy ditë më parë u vetëhelmua me pesticide pas kërcënimeve me mesazhe nga një bashkëmoshatar i saj. Kërcënuesi i saj D.K, tashmë është arrestuar nga policia. Shqiptarja.com zbulon mesazhet që u gjetën në telefonin e vajzës dhe si u arrit në arrestimin e shokut të të gjimnazit, që ishte kthyer në përndjekësin e saj.

Mblidhet për herë të parë Komisioni i Posaçëm për Reformën Zgjedhore me opozitën e re. Ishte bashkryetari Gjiknuri që mbajti fjalën hapëse, i cili pati një ftesë të hapur për PD, që t'i bashkohej Komisionit në çdo kohë që dëshironte. Ndërkohë, bashkryetarja Hajdari theksoi se duhet një sistem i ri politik, pasi është arritur në një ditë kur mandati i deputetit vlen 1 mln euro. 

Ministrja e Arsimit Besa Shahini e quan vendimin e presidentit Ilir Meta një akt në dëm të interesit publik pasi vetëm në dy javë pezullimi të rektorit janë zgjidhur disa nga çeshtjet që ai refuzonte t’i adresonte. Ndërkohë presidenca e quan rrëzimin e kërkesës për shkarkimin e rektorit një vendim me argumentë ligjorë. Ajo thotë se Ministria e Arsimit duhet të mbajë përgjegjësinë e saj të plotë për zbatimin e Reformës në Arsimin e Lartë

Nga

Elis Memelli

Një delegacion holandez zhvilloi një vizitë në Shqipëri, në prag të publikimit të progres raportit të Komisionit Evropian. Hollanda do të presë raportin e Këshillit të Europës për të dhënë vendimin e tij, ndërsa në përfundim të takimeve me përfaqësues të politikës dhe shoqërisë civile, nuk është diskutuar për çështjen e vizave.

Martinaj u lirua me datë 2 maj pasi la në garanci një shumë prej 5 milion lekëve të rinj. 

Prokuroria kërkoi 18 vite, gjykata vendosi 15, por duke qenë se u pranua kërkesa për gjykim të shkurtuar, u ul 1/3 duke u dënuar përfundimisht me 10 vite burg. Seanca zgjati pesë orë ndërsa vendimi u prit në qetësi dhe heshtje nga familja dhe vetë i akuzuari. I cilësuari Eskobari i  Ballkanit, Balili akuzohet për rastin e trafikimit të 700 kg kanabis në Greqi.

Shtyhet sërish seanca gjyqësore ndaj Ritvan Zykaj, autori i masakrës së Selenicës. Seanca është shtyrë për mosformatim të trupit gjykues.

Vijon të mbetet mister shkaku i helmimit të më shumë se 100 banorëve në Bulqizë, pas analizat e ujit të bëra nga ISHP kanë treguar se nuk ka patur ndotje mikrobiale.

Sot në bashkinë e Finiqit janë rivendosur tabelat rrugore, pas heqjes pak ditë më parë të atyre që vendosi bashkia.