Basha pas takimit me delegacionin e PE: Folëm hapur dhe shkoqur, ka vetëm një zgjidhje për krizën politike

"Folëm hapur dhe shkoqur me miqtë tanë". Këtë koment dha lideri demokrat Lulzim Basha pas takimit me delegacionin e parlamentit Evropian në Tiranë, një takim ku shoqërohej nga kryetarja e LSI-së Monika Kryemadhi, dhe aleatët e djathtë. Basha tha se edhe në takim këmbënguli që e vetmja zgjidhje e krizës janë zgjedhjet e parakohshme.

Ai tha se i paraqiti delegaciont të PE-së, situatën në vend ku sipas tij qeveria është e lidhur me krimin dhe se ka ardhur në pushtet me vota të blera. Një qeveri tranzitore, dhe zgjedhje të lira e të ndershme, janë zgjidhja politike që do t'i kthejë legjitimitetin institucioneve, tha Basha.

LEXO EDHE:
Basha fajtor për mandatet, Berisha e quajti akt solemn! 18 dhjetor 2017, Berisha thirrje opozitës të djegin mandatet

"Parlament ilegjitim dhe një qeveri që nuk punon për njerëzit. Ka mungesë informacioni për shkak se Edi Rama ka krijuar një makineri propagande. Ishte e rëndësishme të flisnim hapur dhe shkoqur me miqtë tanë. Nuk na mbetet asnjë mundësi tjetër. Ose të bëhet fasadë më qeverinë e krimit ose t'i tregojmë vendit rrugën për të dalë nga kjo krizë. Zgjidhja e drejtësisë nuk mund të ndodhë përmes përpjekjeve fasadë siç është mashtrimi për të arrestuar Gjush Dakon sa për sy e faqe. Kjo mund të ndodhë vetëm me zgjedhje të lira dhe të ndershme. Detyra jonë është të shpjegojmë realitetin" theksoi kryedemokrati.

I pyetur nga gazetarët nëse ndërkobmëtarët kanë ndryshuar qëndrimet e ashpra për djegien e mandateve dhe protestat e dhunshme, Basha nuk dha një përgjigje të saktë nëse ky qëndrim kishte ndryshuar pas takimit me ta. Por shtoi se faktori ndërkombëtar gjithmonë e ka pasur shqetësim stabilitetin dhe kjo është e kuptueshme, - tha ai, por fakti që sipas tij nuk ka demokraci, ky stabilitet ka dështuar.

"Shqetësimi i të huajve ka qenë stabiliteti dhe detyra jonë është t'i tregojmë se përqasja e stabilitetit mbi demokracinë ka dështuar. Kriminalizimi ka shkatërruar vendin duke shkaktuar demokracinë dhe shtetin e së drejtës dhe pastaj i është lëshuar shqiptarëve", tha lideri demokrat.

"Kjo varet nga momenti kur miqtë tanë ta kuptojnë se përqasja për demokracinë e cila ka dështuar. Vetë Europa është në proces zgjedhor. Shqipëria është një vend i vogël me një qeveri që prodhon fake neës për të helmuar vendin. I shpjeguam të huajve se ne ndajmë të njëjtat vlerat me ta. Ne e dimë se në Europë nuk shkohet me zgjedhje të vjedhura, apo kur të drejta themelorë të njeriut shkelen. Është një proces që vazhdon dhe do të çojmë deri në fund, jo vetëm ne dhe populli, por edhe socialistët e ndershëm. Unë nuk komentoj deklaratat e askujt. Në Shqipëri nuk ka as demokraci as stabilitet. Gjendja e vendit tonë po rrezikon edhe stabilitetin e rajonit", shtoi ai më tej

Basha mohoi në mënyrë kategorike që mes tij dhe kryeministrit Edi Rama të ketë komunikime.

 "Nuk ka asnjë komunikim mes meje dhe Edi Ramës. Komunikimi i vetëm është me qytetarët shqiptarë", u shpreh lideri i opozitës.

A do të ketë negocim ndërkombëtar për zgjidhjen e krizës?

Basha tha se nuk do të ketë "një 2017 tjetër me Edi Ramën, duke ju referuar krizës politike të dy viteve më parë, dhe negociatave në sajë të paktit "McAllister", paketën që erdhi nga Brukseli dhe u ndërmjetësua nga negociatori amerikan Hoyt Brian Yee.

"Nuk do të ketë një 2017 tjetër me Edi Ramën. Ai e ktheu marrëveshjen në dosjen 339. Ata shkatërruan sistemin zgjedhor. E vetmja zgjidhje është një qeveri pa Edi Ramën. Safet Gjici, Taulant Balla, Vangjush Dako duhet të shkojnë para drejtësisë. Qeveria tranzitore duhet të luftojë krimin e organizuar dhe t'i zgjidhë duart Prokurorisë", përfundoi Basha.

Ndërkohë, në një prononcim të shkurtër për gazetarët, kryetarja e Lëvizjes Socialiste për Integrim, Monika Kryemadhi, tha se nuk do të ketë asnjë hap pas.

"Shqiptarët janë mandatet tona më të pastra. Ne jemi në rrugën e duhur dhe nuk do bëjmë asnjë hap pas. Protesta e 16 shkurtit, protesta e 21 shkurtit dhe protesta e djeshme, tregoi dhe njëherë që opozita është në rrugën e duhur. Jam e bindur që të gjithë ju gazetarët e terrenit, jeni në rrugën e duhur që e paraqisni opozitën në çdo moment prezent në aktivitetet e saj. Faleminderit dhe na falni për gazin helmues të djeshëm që përdori Garda e Republikës kundër qytetarëve dhe kundër jush. Gjëra të bukur ado të vijnë për ju dhe shqiptarët", tha Kryemadhi duke ju drejtuar gazetarëve.

TAG:
• djegia e mandateve
• Tunne Kelam

Sondazhi i ditës:

Si ka qene per ju viti 2024?

• I mire

  43.6%

• I keq

  22.7%

• As i mire as i keq

  33.8%

Vota total: 1545

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq