POP 5

Lajmet më të lexuara të 5 minutave të fundit

Opinion

Ylli Pata: Pse ‘detyrim paraqitje’ ka mërzitur Sali Berishën?!

E gjitha kjo nuk është fare një qëndrim bazik mbi çështjen apo dosjen mbi të, përkatësisht doktorin, por është një ide mbi atë që ai duhet të bazojë lëvizjen e përditshme

Ylli Pata: Pse ‘detyrim paraqitje’ ka mërzitur Sali Berishën?!

Sali Berisha

E gjitha kjo nuk është fare një qëndrim bazik mbi çështjen apo dosjen mbi të, përkatësisht doktorin, por është një ide mbi atë që ai duhet të bazojë lëvizjen e përditshme.

Sali Berishës do t’i pëlqente siç i ka pëlqyer më shumë statusi i “arrestit mbi shtëpi”, pasi nga aty ka gatuar një lëvizje politike të përditshme përkatsisht me lidhje live, apo edhe të lirisë me takimet me gazetarët në PD, sesa para SPAK dy herë në javë kur duhet të përballet me gazetarët e kronikës.

Sali Berisha nuk e do detyrimin paraqitje, pasi në vend që të flasë për fantazitë e tij, për të larguar nga radari çështjet e tij penale, duhet të përgjigjet për atë që ndodhi në godinën e SPAK. Çdo të martë dhe të enjte të muajit. Që në të vërtetë nuk do të ndodhë asgjë, pasi Berisha thjesht do të firmosë dhe largohet. E sipas të gjitha gjasave nuk ka gjë të re të thotë. Nuk ka gjë të thotë nga ana e çështjes së tij, por ai kërkon ta thotë politikisht për të tjerët. Siç shpiku fake newset për Erion Velinë që nuk vjen në Tiranë, e sot askush nga ata që e kanë publikuar lajmin nuk thotë që “Fajin e ka Saliu”. Që në këtë rast Saliu thjesht është tallur me ta.

Megjithatë statusi i “detyrimirit në paraqitje”, pra që një i pandehur thjesht të shkojë pranë prokurorit dy herë në javë, është masa me e lehtë për çdo person që ka një çështje ndaj tij.

Pasi në fund të paraqitjes, apo çdo ditëve të javës mund të shkojë ku të dojë, brenda dhe jashtë vendit. Të gjithë personat që kanë një çështje me prokurorinë, e ëndërrojnë, madje janë gati të paguajnë ç’kanë, për të shkuar në detyrim paraqitje.

Në Perëndim, është masa e sigurisë më e përhapur. Ku përgjithësisht të akuzuarit japin një peng pasuror. Po pse atëherë anë mërzitur Sali Berisha dhe avokatët e tij?

Sepse ata nuk komunikojnë më me prokurorinë Speciale, GJKKO-në, sistemin e drejtësisë apo shtetin shqiptar.

Berisha komunikon vetëm me militantët e tij radikalë për t’i thënë se unë jam “Luan” dhe arrij të dal i lirë siç doli para një muaji. Ku në mënyrë skandaloze, shumica e mediave, e krahasoi këtë masë sigurie me pafajsinë e Sali Berishës.

Kur në realitet ishte thjesht një masë sigurie në gjendje të lirë. Sali Berisha është i pandehur zyrtar, Gjykata paraparake ka vendosur procesin e ne duhet të presim procesin. Një gjë proceduriale që nuk ndryshon asgjë thelbësore nga “Rasti Partizani”. Thjesht Sali Berisha nuk është në arrest shtëpiak, kur dihet që kjo ndodh prej statusit të tij të moshës, por edhe politik dreqi e mori. Është ish-President, ish-kryeministër dhe kreu i partisë më të madhe opozitare. Po sa kjo është në favor është edhe në disfavor. Sepse një lider i opozitës nuk shqetësohet se ka çështje ndaj tij, ai kërkon të fitojë zgjedhjet.

Krahasoheni pak këtë rast me Nelson Mandelën, i cili bëri burgun dhe në fund kur doli, pajtoi kombin për të sjellë një demokraci kundër apartaidit. Mandela, zboi dhe u nda me dashurinë e jetës së tij, gruan e dytë Winni, vetëm sepse u përplasën në mënyrën e konceptimit të demokracisë. Madela, kur doli nga burgu, nuk u e çau kokën për atë që do t’i ndodhte biznesit të fëmijëve dhe gruas, por vendit të tij.

Madje kur gruaja e akuzoi se po tregohet shumë i butë ndaj kundërshtarëve, ai nuk e quajti më bashkëpunëtore, por një personazh politik opozitar, e vazhdoi politikën e tij.

Berisha, nëse e ka mendjen tek PD dhe opozita, nuk duhet ta shqetësojë “çështa Partizani” edhë nëse Gjykata e dënon. Sepse në fund të fundit atij i intereson që ta besojnë demokratët. Të cilëve u ka thënë se e gjithë çështja është mashtrim i Edi Ramës, pasi dhëndrri i tij Jamarbri, ka marrë thjesht pronat e tij që i takonin. Berisha, nga ana e tij, thjesht ka marrë një vendim qeverie, ku klubin Partizani që ishte pronë shtetërore ja ka dhënë dhëndrrit sepse sipas tij i takonte. E në atë truall, u ndërtuan 19 kulla, që i sollën mbi 25 milionë euro fitim.

Po e besojnë këtë fabul demokratët? Natyrisht që jo, ndaj Sali Berisha frikësohet se detyrim paraqitja në SPAK do të jetë spektakli që do t’i rëzojë edhe atë pak fabul që politikisht arrin ta ngrejë bashkë me fake news-et tip garniture…

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Zyrtare/ U largua nga Egnatia, Frederik Veseli rikthehet në Itali

Zyrtare/ U largua nga Egnatia, Frederik Veseli rikthehet në Itali

5 Janar, 16:48