Lëkundje të forta tërmeti janë ndjerë në Dibër mëngjesin e sotëm. Sipas Institutit të Gjeoshkencës lëkundja ishte e me epiqendër në Bulqizë dhe thellësi 14 kilometra. Lëkundja ka shkaktuar jo pak frikë e panik te qytetarët, të cilët dolën jashtë banesave, teksa thonë se tërmeti ishte i fortë. Në një raportim për situatën, Emergjencat Civile bëjnë me dije se janë 14 banesa që kanë pësuar dëme.

Festat e 28-29 nëntorit këtë vit do të jenë edhe një datë e rëndësishme sa i përket investimeve publike. Kryeministri Edi Rama ka bërë me dije se në datën 28 do të hapet kantieri për Aeroportin Ndërkombëtar të Vlorës e ndërsa me datë 29 nëntor, ashtu si kurse e njoftoi edhe më herët, do të hapet qarkullimi në rrugën e Arbrit.

Hetimi i policisë dhe prokurorisë së Tiranës është kryer në sekret të plotë, pasi në dëshminë e vajzës përshkruheshin detaje tronditëse të një abuzimi që sipas saj kishte nisur prej një viti. Vajza ka rrëfyer me video konference se fillimisht kishte komunikuar në telefon me të riun me inicialet A.Sh. dhe se përpara përdhunimit, ai e ftoi në shtëpi, dhe me pas e drogoi me një shiringë.

Sali Berisha në këtë ‘Foltore’ në Peshkopi, një nga bastionet histoike të së djathtës, është braktisur nga 3 deputetët demokrat. Kreshnik Çollaku, Dhurata Çupi, madje edhe edhe Xhelal Mziu, që e ka cilësuar Berishën si idhullin e tij, nuk i ka shkuar në ‘Foltore’ e ish-kryeministrit, ku qëllimi është i qartë, largimi i Lulzim Bashës, pasi ai zgjodhi të mbante anën e SHBA-së dhe të përjashtonte Berishën, tashmë të shpallur ‘Non Grata’ nga grupi parlamentar të PD-së. 

SPAK ka përfunduar hetimet për Denis Xholin dhe Albjon Çekun, të cilët akuzohen për blerje votash gatë fushatës zgjedhore të 25 prillit 2021 dhe ka dërguar dosjen për gjykim në GJKKO.  Të rinjtë, eksponentë të Lëvizjes Socialiste për Integrim akuzohen për veprat penale “Korrupsioni aktiv në zgjedhje” kryer në bashkëpunim dhe “Përdorimi i funksionit publik për veprimtari politike ose zgjedhore”.  

Një 33-vjeçar ka rënë në prangat e Policisë në Mat ditën e sotme, pasi iu gjetën kanabis në shtëpi dhe një armë pa leje. Policia bën me dije se u gjetën gjithsej 1.1 kilogramë kanabis dhe armë zjarri automatik.

Një aksident është shënuar këtë pasdite në Bulqizë, ku një mjet tip ‘Benz’ ka dalë nga rruga dhe ka përfunduar përmbysur. Por, efektivët nuk kanë gjetur drejtuesin e mjetit në makinë.

Fitim Farruku, shef i Financës së Këshillit të Qarkut dhe Halit Shehu, specialist Pyjesh, janë lënë në burg nga GJKKO pasi akuzohen se për korrupsion.  Halit Shehu i ka dhënë 100. 000 lekë Farrukut që ky i fundit të ndërhynte në Drejtorinë Arsimore për ta punësuar si mësues.

Tre persona, dy prej tyre vëllezër, kanë rënë në prangat e Policisë ditën e sotme në Dibër, të akuzuar për kultivim kanabisi. Policia bën me dije se janë arrestuar K., 16 vjeç dhe F. K., 27 vjeç (vëllezër) dhe F. K., 18 vjeç, banues në fshatin Grykë Nokë. Ata dyshohen se janë autorë të kultivimit të bimëve narkotike në një zonë të thyer malore të Lurës.  

250 nxënës të fshatit Suç në Burrel nuk e nisën shkollën si të gjithë bashkëmoshatarët. Godina e dëmtuar nga tërmeti, ende nuk është rindërtuar. Prindër dhe nxënës dolën në protestë duke paralajmëuar bojkot të mësimit deri në një zgjidhje përfundimtare.
 

Përgjegjësi i Zyrës Arsimore në Bulqizë ka denoncuar se është marrë peng nga një i ri, i cili i ka kërkuar t'i rikthente në vendet e punës familjarët. Policia bën me dije se 52-vjeçari me inicialet K.K., ka kallëzuar një 29-vjeçar, identiteti i të cilit nuk dihet, se e ka kanosur dhe e ka mbajtur në automjet, pa dëshirën e tij.