Briam me kunguj dhe patate
Përbërësit:
- 500 gr kungulleshka
- 500 gr patate
- 3 qepë mesatare
- 2-3 thelpinj hudhra
- 1 tufë majdanoz
- 1 tufë kopër
- 1-2 domate të freskëta
- 1 lugë supe pure domate
- 1 gotë vaj
- Koncentrat perimesh/mishi
- Kripë, piper
Përgatitja:
Pastrojmë patatet dhe kungulleshkat dhe i presim në feta, ndërsa dy kokrra qepë i presim në gjysmë rrathë të holla. I vendosim në një tavë ku shtojmë kripë, piper, majdanoz dhe kopër të grirë. Domateve u heqim cipën e farëzat, i presim në feta të holla dhe i shtrojmë mbi kungujt e patatet. Qepën e mbetur e presim në kubikë të vegjël së bashku me hudhrën dhe i skuqim derisa të marrin pak ngjyrë. Shkrijmë koncentratin në pak ujë të nxehtë dhe e hedhim tek qepa së bashku me purenë e domates. E lëmë të marrë valë, rregullojmë shijen me pak piper dhe shtojmë salcën në tavë mbi perimet. E vendosim tavën të piqet në furrë mesatare për rreth një orë.
