Artur Guri, është 51-vjeçari nga Berati i cili prej më shumë se 2 vitesh është në kërkim të nënës Vasilika Lina, nga e cila fatkeqësisht nuk ruan asnjë fotografi që të mund të çmallet. Shkurtin e vitit 2021, u takuan tek stacioni i trenit në qytetin e Durrësit. Atë mëngjes u panë për herë të fundit, por gjendja shëndetësore e Vasilikës nuk ishte fortë e mirë. 78-vjeçarja u nda me të birin duke i thënë se ishte akomoduar në një hotel, ndërsa ai nuk mësoi asgjë më shumë për jetën e saj… Që prej këtij episodi, Arturi nuk ka më asnjë të dhënë për fatin e nënës së tij Vasilika. Përveç disa informacioneve kontradikotore që gjithsesi nuk e kanë shpënë në gjurmët e saj. Një jetë e trazuar për Arturin, nuk ka qenë e lehtë të përballojë zhdukjen e nënës në rrethana të mistershme. Prindërit e tij u ndanë 44 vite më parë kur Arturi ishte 7 vjeç. Ai u rrit tek të afërmit, ndërsa nëna vazhdoi jetën e saj… Një 51-vjeçar sot, Arturi ka krijuar familjen e tij dhe bashkë me të jeton edhe i ati. Dëshira më e madhe sot është të gjej nënën, pasi për të është shumë e vështirë të pranojë humbjen e saj.