Receta origjinale e traditës së veriut përgatitet në studion e ‘Rreze Dielli’ nga amvisa shkodrane Ixhlale Shkëmbi
Fërgesë me miell misri me mëlçi
Përbërësit:
- 300 gr mëlçi
- 2 lgj gjalpë
- 3 lgj miell misri
- 3-4 thelpinj hudhër të shtypur
- Kripë, piper i zi, piper i kuq
- 4 lgj kos për servirje
Përgatitja:
Presim mëlçitë në kubikë dhe i kaurdisim me gjalpë duke rregulluar shijen me kripë, piper të zi dhe të kuq. Hedhim më pas një gotë ujë dhe i lemë mëlçitë të marrin valë për pak minuta. Ndërkohë kaurdisim miellin e misrit sa të marrë pak ngjyrë dhe e shtojmë tek mëlçitë, e përziejmë dhe e lemë të lidhet. Në fund shtojmë hudhrat e shtypura, pak piper kokërr dhe e servirim të ngrohtë me kos.
