Jufka me pulë në furrë

Përbërësit:

• 1 pulë e vogël
• 1 kokërr qepë
• 400 gr jufka
• 2 lgj gjalpë ose 4 lgj vaj ulliri
• Kripë sipas shijes

Përgatitja:

Pastrojmë me ujë të rrjedhshëm pulën, e ndajmë në pjesë ose e lemë të plotë. E kaurdisim me pak yndyrë, më pas shtojmë ujë dhe e lemë të zihet jo plotësisht. Qërojmë qepën dhe e grijmë shumë hollë. Në një tigan hedhim gjalpin ose vajin e ullirit dhe shtojmë qepën duke e kaurdisur derisa volumi të ulet. Më pas shtojmë jufkat dhe i kaurdisim gjithashtu përreth 4-5 minuta. Pasi kanë marrë një ngjyrë të artë i heqim nga zjarri dhe i shtrojmë në tavë, vendosim copat e pulës së prerë sipër. Shtojmë lëngun e pulës derisa jufkat të mbulohen, i spërkasim me pak gjalpë dhe i fusim në furrë të ngrohur më parë duke i lënë të piqen përreth 35 minuta derisa lëngu i pulës të përthithet.