Kulaç me ullinj
Përbërësit:
- 15 gr maja birre
- 1 lugëz sheqer
- 150-180 ml ujë i vakët
- 350 gr miell
- 6 lugë vaj ulliri
- 1 lugë kripë e hollë
- 1 lugëz kripë e trashë
- 200 gr ullinj
Përgatitja:
Përgatisim majanë me pak ujë, miell, sheqer dhe kripë dhe e lëmë të aktivizohet. Më pas zëmë brumin duke shtuar tek majaja miellin, kripën e imët, gjysmën e sasisë së vajit dhe ullinj të prerë në fetëza. E lëmë brumin të vijë dhe më pas pudrosim tryezën e punës me pak miell ku vendosim brumin e ardhur. E punojmë për pak minuta, formojmë një disk me diametër 30 cm dhe 1 cm trashësi. E shtypim me gishta sipërfaqen duke lënë gropa, e lyejmë me vajin e mbetur, e spërkatim me kripën gjysmë të trashë (ose të trashë). E vendosim tavën me kulaç në furrë në 220-230 gradë për rreth 20 minuta.
