Lakror tradicional me miell misri me presh

Përbërësit:

Për brumin:

• 500 gr miell misri
• 400 ml kos
• 2 vezë
• 50 ml vaj ulliri
• 5 gr kripë

Për mbushjen:

• 1 kg presh
• Vaj ulliri
• Kripë, piper, nenexhik

Përgatitja:

Pasi kemi pastruar preshin e presim hollë, e spërkasim me kripë dhe e kaurdisim me vaj ulliri në zjarr të ulët. Pasi preshi të jetë gatuar shtojmë erëzat. Në një enë hedhim vezët, kosin, vajin, pak kripë dhe i përziejmë duke shtuar edhe miellin e misrit. Pasi brumi është bërë një masë e plotë hedhim gjysmën e tij në një tavë të lyer me vaj. Sipër shtojmë mbushjen duke e hapur me lugë në të gjithë sipërfaqen, më pas shtojmë pjesën tjetër të brumit. E vendosim lakrorin në furrë të nxehtë në temperaturën 200 °C për 20 minuta.