La djalin 15 muajsh në gjumë dhe u largua nga shtëpia pa lënë asnjë adresë. Nëna e 24-vjecares nga Fieri Lindita Lamaj kërkon ndihmë në emisionin ’Pa Gjurmë’ pasi ngre dyshime se vajza e saj mbahet peng me qëllim shfrytëzimi. Ermira Bagashi u dhunua nga bashkëshorti edhe kur ishte shtatzanë. Me lindjen e djalit dhuna ishte prezente në familje, derisa ajo zbuloi se bashkëshorti kurohej për skizofreni. U largua disa herë nga shtëpia, deri ditën kur vendosi të braktisë djalin e të zhduket për afro një vit. Familja mëson se Ermira kishte nxjerrë një pasaportë dhe nga sistemi TIMS rezultoi të kishte kaluar kufirin shqiptar teksa kishte udhëtuar me një target drejt Riminit në Itali, 4 ditë pasi ishte larguar nga banesa në nëntor të vitit 2016. Ajo rilidhi kontaktet një vit më pas, ndërsa i dërgoi familjes edhe disa para. ’Vajza e la djalin tek i shoqi dhe pastaj u largua. Nuk më tregoi kurrë se kush ia bëri pasaportën për të ikur. Në nëntor 2016 zbuluam nga sistemi TIMS se ishte larguar në Rimini. Në vitin 2017 më telefoni për herë të parë. Më tha jam ish-vajza jote. Ajo më akuzonte se e kisha cuar unë në atë familje. Doja që ta afroja, por kurrë nuk mësova se me kë jetonte. Ajo më thotë se ka kaluar ne depresion. I dërgova një foto të djalit. Ishte dobësuar shumë dhe vetëm qante. Ermira ka folur dy ditë më parë e shqetësuar me nënën, duke i thënë se ndodhej në Zvicër, ndërsa i bënte me shenjë të mbyllte telefonin.’Dje më mori në telefon dhe më tha duke qarë: Jam në Zvicër. Mami unë do të bëhem engjëll dhe amanet djalin. Shiko vehten. Mos ik tek shtëpia se do të vrasin. Më kërkoi ndihmë dhe më tha se ka edhe vajza të tjera aty. Më tregoi ilacet me të cilat kurohet. Unë dyshoj se asaj mund t’i japin ndonjë gjë’, tha nëna në studioMe ikjen e vajzës gjyshja nuk sheh dot as nipin 6 vjecar. Familja e ish-bashkëshortit i ka mbyllur cdo mundësi që ajo ta shoh. ’Djalin e vogël e ushqejnë kundra nesh. Ish-bashkëhsorti i vajzës më doli me sëpatë tek dera, dhëndri nuk pranon të ketë asnjë kontakt me ta. Ai kishte një kartelë pasi ishte kuruar për skizofreni’.
