Lulelakër me mish pule dhe beshamel në furrë
Përbërësit:
- 1 lulelakër mesatare
- 2 gjokse pule
- 1 qepë e thatë
- 1/2 lgj salcë domate
- Kripë, piper, rigon
- Salca beshamel:
- 2 lgj gjalpë
- 3 lgj miell
- 2-3 gota qumësht
- Kripë, arrë moskat
- Pak djathë pice / kaçkavall
Përgatitja:
Lulelakrën e ndajmë në boçe dhe e ziejmë në ujë të bollshëm me kripë. Gjoksin e pulës e presim në copa dhe e kaurdisim në tigan. Shtojmë qepën e grirë që të kaurdiset bashkë me kubikët e mishit të pulës. Shtojmë salcë e erëza dhe e lëmë të zihet me ujë të pakët. Në një tavë vendosim lulelakrën, kimën me mishin e pulës dhe përgatisim beshamelin. Kaurdisim miellin me gjalpin e tretur në tigan. Më pas shtojmë qumështin e përzier me pak ujë, rregullojmë shijen dhe hedhim beshamelin në tavë mbi kimë. E nivelojmë mirë dhe e vendosim tavën në furrë në 200 gradë Celsius për 30 minuta.
