Një baba në kërkim të dy vajzave të tij. Elvis Luani nga Shkodra ka 15 vite pa i parë dy vajzat 19 dhe 17 vjece. Angeliqi dhe Dhacni jetojnë me nënën e tyre, Mirela Skopeliti një shtetase greke. Historia e 43-vjecarit nis kur pasi emigroi drejt tokës helene në vitin 1991 njihet me bashkeshorten e tij greke. Në Athinë nisën së bashku një lidhje dashurie, por që hasi në kundërshti me famijen e vajzës, babai I së cilës nuk ishte dakord që e bija të kishte një marrëdhënie me një shqiptar. Duke shpërfillur cdo lloj paragjykimi dhe diskriminimi cifti vendosën të jetonin bashkë, pasi Mirela mori vendimin për t’u larguar nga shptëpia dhe për të nisur bashkëjetesën me shqiptarin nga Shkodra. Më 30 dhjetor të vitit 2001 Mirela sjell në jetë vajzën e tyre të parë Angeliqi e cila merr atësinë e Elvis Luanit. Një vit më pas të dy e kurorëzojnë dashurinë e tyre në martesë. Në mars të vitit 2003 në jetë vjen vajza e dytë Dhacni Luani. Kur dukej se kjo marrëdhënie po konsolidohej ndikimi I vazhdueshëm i të atit tek e bija, shkaktone shpesh debate mes ciftit. Kjo gjë solli largimin nga shtëpia të Mirelës për në shtëpinë e babait të saj. E fundit herë që Mirela u shkëput përfundimisht nga Elvisi ishte viti 2005, kur pasi mori fëmijët u largua për tek banesa e të atit. Dhëndrri i djeg makinën vjehrrit të tij, Jakovos pasi ky i fundit nuk e lejoi të takohej me dy vajzat. Pas denoncimit në polici Elvisi dënohet me 3 vite burg. Vite gjatë të cilave bashkëshortja nuk shkoi ta takonte asnjë ditë. Në telefon folën vetëm një herë shumë shkurt dhe nuk patën më kurrë asnjë komntakt. Në vitin 2008 Elvisi del nga burgu, ndërsa mëson Mirela Mirela ishte lidhur me një shtetas serb, Igor Stefanovic dhe se së bashku kishin edhe një vajzë. Elvisi zbulon se edhe vajzës së tretë Mirela i kishte vendosur atësinë e shqiptarit nga Shkodra. Për shkak të të gjitha ngjarjeve që ndodhën në jetën e tij 43-vjecari kthehet në atdhe në  vitin 2014. Të vetmet gjëra që mori ishin vetëm disa foto të vajzave dhe mallin që e përvëlon ende.