Patëllxhanë me mish të grirë dhe djathë
Përbërësit:
- 2 patëllxhanë të mëdhenj
- 300 gr mish të grirë
- 1 kokërr qepë
- 1 domate /salcë domate
- 1 spec të kuq
- 50 gr gjalpë
- 3 lgj vaj ulliri
- 300 gr djathë pice
- Kripë, piper
Përgatitja:
Patëllxhanët i presim përgjysmë, pastrojmë pak nga pjesa e tulit, të cilën e presim në kubikë të vegjël. I spërkasim patëllxhanët me kripë, piper dhe pak vaj ulliri dhe i pjekim në furrë të parangrohur në 200 gradë. Ndërkohë në një tigan kaurdisim mishin e grirë me qepën. Më pas shtojmë salcën e domates dhe një spec të kuq në kubikë të vegjël. Rregullojmë shijen me kripë e piper. Tek patëllxhanët e prerë në kubikë shtojmë pak gjalpë dhe djathë të grirë dhe i përziejmë mirë. Mbushim patëllxhanët me një shtresë me mish të grirë dhe shtresën tjetër me djathë. E vendosim tavën në furrë në 200 gradë për 10 minuta.
