Patëllxhanë të mbushur në shtrat salce
Përbërësit:
- 5-6 patëllxhanë
- 200 gr karrota
- 1 tufë majdanoz
- 1 degë selino
- 4 thelpinj hudhër
- Vaj për skuqje
Për salcën:
- 1 kg domate të grira në rende
- 1 lgj salcë e koncentruar domate
- 1 shkop kanelle
- Kripë, piper i zi
Përgatitja:
Largojmë lëkurat e patëllxhanëve, i presim në tre pjesë, por jo deri në fund dhe i spërkasim me kripë dhe piper. Në një tas bashkojmë karrotën, majdanozin dhe hudhrat. Lajmë patëllxhanët, i shtrydhim me duar aq sa të largohet uji, i mbushim me masën e karrotës dhe i lidhim me spango. I skuqim në vaj të bollshëm. Përgatisim salcën në vajin që skuqëm patëllxhanët. Kaurdisim qepën e grirë imët, shtojmë domatet e grira, salcën koncentrat, kanellën dhe erëza sipas dëshirës. Në fund shtojmë dhe patëllxhanët që të gatuhen bashkë për 30 minuta.
