Pengu i 24 viteve/ Humbet bashkëshortin dhe vajzen nga kjo jetë, në kërkim të…

15 Janar 2021, 17:38

Nevila Hoxha një 52-vjecare nga fshati Sadovic i Beratit është në kërkim të vajzës që solli në jetë por që nuk e mori kurrë në krah. Ishte data 20 qershor i vitit 1996 kur Nevila dhe Nazmi Hoxha bëhen për herë të parë prindër të një vajze e cila erdhi në jetë në Maternitetin e Beratit. Nga kushtet e vështira ekonomike, Nazmiu kishte emigruar në Greqi për të punuar dhe nuk ishte pranë bashkëshortes së tij në momentin kur ajo solli në jetë gëzimin vajzën. 3 ditë pas lindjes Nevila doli nga materniteti e vetme pasi foshnjen nuk ia dhanë. Ajo nuk e kërkoi të drejtën e saj me mendimin se vajza mund të kishte ndërruar jetë edhe pse nuk e mori kurrë një konfirmim të tillë. 1 vit më pas cifti do të bekohej me ardhjen në jetë të një tjetër vajze. Fati i keq e përndoqi edhe në vazjën e dytë, ku një vit më pas ajo ndërron jetë nga një sëmundje e rrallë. Pas kësaj fatkeqësie të dytë, cifti Hoxha nuk u bënë më kurrë prindër. 2 muaj më parë, Nazmiu ndërron jetë në moshën 55-vjecare nga një sëmundje e rëndë me pengun e madh, atë se cfarë ndodhi me vajzën e parë. Para se të mbyllte sytë, ai i thonte të shoqes se sapo të bëhej mirë, vajzën do ta kërkonte në studion e emisionit 'Pa Gjurmë', dëshirë të cilën nuk mundi ta realizonte dot. Prandaj Nevila vjen pasditen e sotme për të përmbushur dëshirën e fundit të bashkëshortit të saj.