Mirela Zefi ndërtoi një jetë në kontinentin amerikan, që kur familja Colaj emigroi kur ajo ishte 4-vjece.Sëbashku me prindërit Luigj dhe Luce dhe dy vëllezërit, Mirela u rrit në kontinentin e largët. Ajo u martua me Marin Zefin nga Rrjolli i Malësisë së Madhe, me të cilin kishte edhe një lidhje krushqie. Mirela ishte 26-vjecare atë kohë, kur solli në jetë djali i tyre të vetëm Bledi Zefin, i cili u lind në vitin 2011. Nëna kujdesej për të birin, ndërsa bashkëshorti Marini punonte në ndërtim. Më shumë se një dekadë bashkë, jeta e tyre ndryshoi në 360 gradë. Pas një jete të ndërtuar në Amerikan e largët, Mirela vendos të marrë djalin dhe të ’’arratisen’’.Më datë 19 korrik të vitit 2019, Mirela u largua fillimisht nga shtëpia, ku cifti kishte jetuar shumë vite duke marrë një banesë me qera po në Amerikë.Pas këtij largimi të papritur, bashkshorti merr një avokat për të marrë kujdestarinë e djalit, pasi gjëndja shëndetësore e Mirelës nuk ishte e mirë. 2 vite para se të largohej Mirela kishte shfaqur probleme psikologjike. Ndërsa ndaloi së vazhduari kurën që merrte. Ajo shfaqte hera-herës hamendësime të ndryshme, mendime për të cilat nuk dërgonte as në shkollë të birin nga frika e një rrëmbimi. Kur Mirelës i vjen njoftimi nga gjykata për t’u paraqitur me datë 22 gusht të vitit 2019 lidhur me kujdestarinë që kishte kërkuar bashkëshorti ndaj fëmijës, ajo largohet pa gjurmë, një javë para se të paraqitej në seancën gjyqësore.Pas largimit të saj bashkë me djalin familja nis kërkimet, ndërsa mëson se sipas sistemit TIMS Mirela ndodhej në Shqipëri. Gjykata zhvilloi seancën gjyqësorë pa praninë e palës tjetër, për të cilën deri në atë moment nuk dihej se ishin larguar nga Amerika.Policia amerikane u vu në kërkim të djalit, ndërsa Mirela është vënë nën akuzë për rrëmbimin e fëmijës. Bashkëhsorti Marini, , ka bërë denoncim edhe në policinë shqiptare lidhur me zhdukjen e 35-vjecares bashkë me djalin 9 vjecar. Informacionet që ata mundën të mësojnë për vendodhjen e Mirelës dhe djalit në Shqipëri, ishte në një hotel në qytetin e Shkodrës, ku ajo mendohej se kishte qenë aty pas datës 16 gusht, datë nga e cila ajo u largua nga Amerika. Sipas stafit të hotelit ku familjarët kanë kontaktuar mësohet se të dy kishin qëndruar aty për dy ditë dhe se ishte larguar me një taxi drejt Tiranës, vend ku ajo nuk ka asnjë të afërm. Por pas këtij episodi nuk dihet nëse shoferi e ka dërguar në destinacion apo jo.Familjarët e Mirelës jetojnë në Shkodër, vëllain më i madh në Zogor të Malësisë së Madhe dhe të afërm të tjerë gjithashtu në këtë zonë.1 vit nga zhdukja e nënës me djalin nuk ka ende asnjë informacion. Ndërsa autoritetet përtej oqeanit e kanë shpallur në kërkim 35-vjecare që prej datës 25 tetor të vitit 2019. Rasti i zhdukjes së të miturit me nënën e tij është bërë publike edhe në mediat amerikane.