• VIDEO

    Më 13 qershor PD shkon në zgjedhje! Basha: Do ju tregoj si Rama s'do i vjedhë më votat! Nishani: Situata më kritike në parti prej '97-s! Kadilli: Basha nuk reflektoi

    Më 13 qershor demokratët votojnë për kreun e ri të Partisë Demorkatike. Propozimi i Gazment Bardhit që u miratua në Kryesi është konfirmuar edhe në Këshillin Kombëtar të partisë. Kështu pas gati 1 muaj demokratët do të shkojnë drejt kutive të votimit për të votuar lidershipin e ri. Vendimi është i miratuar në mënyrë unanime edhe në Kryesi edhe në Këshill Kombëtar. Propozimi u bë fillimisht nga Sekretari i Përgjithshëm i Partisë Demokratike, Gazment Bardhi. Këshilli Kombëtar miratoi gjithashtu edhe vendimin e kryesisë për përbërjen e komisionit të zgjedhjeve për kryetarin e PD me 13 qershor. Në mbledhjen e Këshillit Kombëtar, ka spikatur fjala e kreut të këtij institucioni drejtues në PD, Bujar Nishani ka kërkuar dorëheqjen e parevokueshme të Lulzim Bashës. Bujar Nishani ka thënë se kjo është situata më e keqe që ka kaluar PD që prej vitit 1997. I pyetur nga një prej anëtarëve të KK e cili është mekanizmi që ka 'që Rama s'do i vjedhë më zgjedhjet' Basha ka thënë se do e tregojë gjatë fushatës. Kandidati për kryetar i PD, Fatbardh Kadilli në mbyllje të mbledhjes shprehu vendosmërinë për të vijuar garën e tij deri në zgjedhje më 13 qershor. Ai tha se Basha nuk reflektoi dhe nuk e dha dorëheqjen. Në mbledhjen e Kryesisë Bardhi propozoi edhe që të analizohet puna e secilit në një mbledhje të veçantë në Kryesi dhe më pas në çdo qendër votimi. Sipas tij në këtë parti nuk ka asnjë njeri të padobishëm "I propozoj kryesisë fillimin e procesit zgjedhor për kryetar të PD. Secili prej anëtarëve të Kryesisë që ka shpallur ambicien të ketë mundësinë ta shpjegojë vizionin tij në institucione, pa paragjykuar askënd, një garë të drejtë e të barabartë, kur demokratët të gjykojmë lidershipin aktual", ka propozuar Bardhi. Sipas tij nga 16 deri më 22 maj të bëhet paraqitja e kërkesës për kandidim nga ata që përmbushin kriteret. Nga datat 24 maj deri më 11 qershor të jetë periudha e fushatës në të gjitha strukturat. Dhe në 13 qershor të bëhen zgjedhjet sipas parimit 'Një anëtar, një votë'. Kujtojmë se para se të nisë mbledhja e Këshillit Kombëtar kreu i këtij institucioni Bujar Nishani i ftoi mediat të ishin të pranishme por gazetarët nuk janë lejuar të futen brenda. Nga drejtuesit e Partisë Demokratike është marrë vendimi që mbledhja të bëhet me dyer të mbyllura.

  • VIDEO

    Kadilli: Sado e pabarabartë gara, i vendosur që të vijoj betejën për ndryshimin e PD

    Kandidati për kryetar i PD-së, Fatbardh Kadilli, pas mbledhjes së Këshillit Kombëtar ka folur për mediat dhe ka shprehur vendosmërinë për të vijuar garën e tij deri në zgjedhje më 13 qershor.

    "Qoftë Kryesia, qoftë Këshilli diskutuan gjatë dhe më përgjegjësi., Zërat kritikë arritën të artikulojnë qartë dorëheqjen e kryetari,. Ata nuk u dëgjuan por u arrit të hapej gara. Sado e pabarabartë të jetë gara jam i vendosur që të vazhdoj projektin për një PD më të pastër, më të hapur, më konkurruese. Një PD e ndryshuar mund të ndryshojë Shqipërinë. Krimit do të vendosim përballë qytetarin. Ne nuk mund ta akuzojmë qytetarin. Jam i vendosur për të shkuar deri në fund", tha ai.

  • VIDEO

    Pas pak fillon mbledhja e Kryesisë, Kadilli: Basha të ikë, nuk është më zgjidhje për PD por problemi i saj

    Kandidati për kryetar i PD-së, njëherazi anëtar i Kryesisë së kësaj force politike, Fatbardh Kadilli, ka thënë para pak minutash, në pritje të nisjes së mbledhjes së Kryesisë, që Basha të largohet pasi nuk është më zgjidhja e PD-së por problemi i saj.

    “Jam sot për t’i kërkuar edhe një herë dorëheqjen Lulzim Bashë. Nuk është më zgjidhje për PD-në por është problemi i saj. Sot mbyllet një periudhë zhgënjyese dhe fillon një periudhë shpresë., Jam i vendosur për ta çuar këtë projekt përpara. E kam deklaruar nuk tërhiqem nga asnjë proces demokratik. Inkurajimi demokratëve dhe nevoja për ta ngritur kokën lart në një projekt shpresë më bënë më të fortë të përballem me Lulzim Bashën”, tha ai.

  • VIDEO

    Basha nga Elbasani: Krerët e policisë morën në mbrojtje bandat që blinin vota, prokurori fshehu provat! Kush mendon se bashkëpunoj me Ramën e ka gabim

    #reportTV #lajmeshqip #lajme Kryetari i Partisë Demokratike Lulzim Basha tha nga Elbasani, ku po zhvillon një mbledhje me qytetarët, se zgjedhjet e 25 prillit ishin një masakrës elektorale dhe se ishte dita e zgjedhjeve të vjedhura. Basha tha se ata që ende nuk kuptojnë si u vodhën zgjedhjet nga regjimi Rama-Doshi, le të vijnë në Elbasan, ku krerë të policisë morën në mbrojtje bandat që blinin vota, duke shtuar se prokurori u përpoq që të fshihte provat e kapjes në flagrancë. Basha tha se ato do të të luftojnë deri kur të rrëzojnë regjimin Rama-Doshi dhe do t’jua u kthejmë Shqipërinë shqiptarëve. 'Për të gjithë ata që nuk besojnë ose nuk duan të besojnë se 25 prilli ishte dita e zgjedhjeve të vjedhura nga regjimi Rama-Doshi, masakra elektorale më e madhe dhe vjedhja më e madhe e votave në 30 vite histori pluralizëm, ejani në Elbasan, dhe shikoni se si kryepolici i vendit që në fakt është kryepolici i Edi Ramës, mori në mbrojtje bandat që u sulën për të terrorizuar, për të blerë dhe për të kërcënuar qytetarët e Elbasanit me pistoletat e tyre me tyta të kromuara, të cilat nuk nguruan t’ua vënë në kokë dhe drejtuesve lokal të policisë së Elbasanit. Atyre që nuk e kuptojnë akoma apo bëjnë sikur nuk e kuptojnë përmasën reale të masakrës zgjedhore të 25 prillit, ju them ejani në Elbasan dhe shikoni se si prokurori u përpoq të fshihte provat e kapura në flagrancë të materialeve zgjedhore, të shitblerjes masive nga bandat kriminale që kanë vënë përfund policinë, institucionet dhe kontrollojnë tërësisht qytetin dhe qarkun e Elbasanit.'- tha Basha. Duke iu përgjigjur sërish ftesës së kryeministrit Edi Rama në lidhje me bashkëpunimin midis tyre, Basha tha se krimi është bërë njësh me pushtetin dhe se ato nuk do të bien në paqe me këtë realitet dhe se nuk do të ulin kokën përball këtij realiteti. 'Atyre që pyesin pse nuk jeni të gatshëm të bashkëpunoni me Edi Ramën, ju them ejani në Elbasan. Ejani dhe shikoni se si janë bërë njësh pushteti me krimin, krimi me pushtetin. Siç e ka thënë dikur gjyqtari i famshëm anti-mafia, Paolo Borselino, “krimi dhe politika ushtrojnë kontrollin mbi të njëjtën hapësirë. Ato nuk mund të jenë në paqe me njëra-tjetrën, por vetëm në luftë me njëra-tjetrën ose përndryshe njëra prej tyre ka fituar. Kush mendon se në do të biem në paqe me këtë realitet, kush mendon se ne do të ulim kokën para këtij realiteti, kush mendon se ne do të bashkëpunojmë me autorët e këtij realiteti, me Edi Ramën, dhe çirakun e tij në Elbasan e kudo tjetër, e ka gabim. Kjo nuk ka për të ndodhur. E kundërta do të ndodhë. E vetmja rrugë për të çliruar Elbasanin dhe qytetarinë e Elbasanit, për të çliruar Shqipërinë dhe shqiptarët nuk është ajo e bashkëpunimit me regjimin Rama-Doshi, por e bashkimit e të gjithë forcave, të gjithë atyre 680 mijë shqiptarëve që na ndoqën me fuqinë e zemrave të tyre dhe çdo shqiptari tjetër që e ka kuptuar se nuk ka të ardhme për këtë vend pa u bërë të gjithë bashkë dhe pa e rrëzuar një orë e më parë regjimin Rama-Doshi.'- tha ndër të tjera Basha. Basha e mbylli takimin duke nënvizuar se ata do të vazhdojnë bashkë atë që nisën që është bashkimi i madh i shqiptarëve për ndryshim. 'Do ta vazhdojmë atë që bashkë nisëm dhe që është ndalur përkohësisht: bashkimin e madh të shqiptarëve për ndryshim, në mënyrë që çdo shqiptar të ndihet i fituar, atëherë të jeni të sigurt që nuk ka forcë të na ndal për ta çuar këtë betejë deri në fund. Ky është mesazhi që kam për ju të nderuar kapitenë të skuadrës tonë në Elbasan, ky është mesazhi që kam për të gjithë demokratët e Elbasanit, ky është mesazhi për çdo qytetar që na ndjek sot.'- tha Basha.

  • VIDEO

    Java e Europës, ambasadorët e BE nga sheshi 'Skënderbej': Jemi krah Shqipërisë!

    Është mbyllur nga sheshi Skënderbej java e parë e Europës, në kuadër të turit të nisur në të gjithë Shqipërinë nga ambasadorët e BE në vendin tonë. Në fjalën e tij përshëndetëse, ambasadori  Luigi Soreca tha nga ‘Sheshi Skënderbej’, se bashkëpunimi Shqipëri-BE do të vijojë për të bërë të mundur mbajtjen e Konferencës së parë ndërqeveritare.

    “Ideja ishte që ne në fund të fundit të tregojmë se ne jemi një skuadër BE. Ideja ishte të tregojmë se çfarë ka bërë BE-ja, se çfarë do të bëjë në vijim për Shqipërinë. Në fokusin tonë ishte që të vizitoninm sa më shumë bashki të ishte e mundur. Bashkitë do të bëjnë 70% të punës për të çuar në mbajtjen e konferencës së parë ndërqeveritare. Ideja ishte që të vinim dhe të tregonim se ç’kemi bërë pas tërmetit, për shkollat dhe trashëgiminë kulturore. Do të vizitojmë shumë shkolla. Do të restaurohet edhe mozaiku tek ‘Muzeu Kombëtar’, tha Soreca.

    Angazhim për të ndihmuar Shqipërinë në rrugën drejt BE, shprehu në përmbyllje të aktivitetit Java e Europës, Ambasadori Gjerman në Shqipëri Petër Zingraf.

    “Ne do të punojmë me ju në sferat politike dhe jo vetëm. Do të jetë kënaqësi që të ndihmojmë në rrugëtimin tuaj”, tha ai.

    Ambasadori  i BE dhe përfaqësues të selive të tjera diplomatike në vendin tonë, kanë nisur prej 1 jave turin 21 ditor nga Vermoshi në Konispol për të promovuar investimet e BE në vend dhe për të theksuar se Bashkimi Europian është në krah të shqiptarëve në çdo cep të Shqipërisë.

    “Javët e Evropës” është një aktivitet që u zhvillua nga përfaqësuesit e BE-së në Shqipëri me rastin e 9 Majit që cilësohet si dita e Evropës, ku u shënua fitorja përfundimtare mbi fashizmin dhe përfundi i Luftës së Dytë Botërore.

     

  • VIDEO

    ‘Defender Europe 21’, stërvitja më e madhe ushtarake në 7 baza të ndryshme në të gjithë vendin

    “Defender Europe 2021” e cila ka nisur prej 4 majit në vendin tonë zhvillohet njëkohësisht në 7 baza të ndryshme në të gjithë vendin.

    Kështu shkruan ministri i Mbrojtjes Niko Peleshi ndërsa ka publikuar një video nga stërvitja.

    “Defender Europe 21 - zhvillohet njëkohësisht në 7 baza të ndryshme në të gjithë vendin”, shkruan Peleshi.

    Defender Europe 21’ është stërvitja më e madhja ushtarake që pret Shqipëria si aleate e NATO-s, me pjesëmarrjen e rreth 28 mijë trupave shumëkombëshe, aleate dhe partnere nga 27 vende për të kryer operacione të njëkohshme në më shumë se 30 zona trajnimi në më shumë se 12 shtete, nga Balltiku dhe Afrika në Detin e Zi dhe Ballkan. Përveç ofrimit të gjashtë bazave detare, tokësore dhe ajrore, Shqipëria, anëtare e NATO-s që nga viti 2009, do të angazhojë 1000 trupa në këtë stërvitje.

    Stërvitja do të zhvillohet deri në 20 qershor 2021 në territorin e Shqipërisë. Ajo do të ushtrojë aftësinë e Ushtrisë Amerikane në Evropë dhe Afrikë për të shërbyer si Komandë e Bashkuar e Komponentit të Forcës Tokësore, dhe si partner i sigurisë në rajonet me rëndësi strategjike të Ballkanit dhe të Detit të Zi, ndërsa mbështet aktivitetet në Evropën Veriore dhe Afrikë.

  • VIDEO

    Basha nga Elbasani: Krerët e policisë morën në mbrojtje bandat që blinin vota, prokurori fshehu provat!

    Kryetari i Partisë Demokratike Lulzim Basha tha nga Elbasani, ku po zhvillon një mbledhje me qytetarët, se zgjedhjet e 25 prillit ishin një masakrës elektorale dhe se ishte dita e zgjedhjeve të vjedhura.

    Basha tha se ata që ende nuk kuptojnë si u vodhën zgjedhjet nga regjimi Rama-Doshi, le të vijnë në Elbasan, ku krerë të policisë morën në mbrojtje bandat që blinin vota, duke shtuar se prokurori u përpoq që të fshihte provat e kapjes në flagrancë. Basha tha se ato do të të luftojnë deri kur të rrëzojnë regjimin  Rama-Doshi dhe do t’jua u kthejmë Shqipërinë shqiptarëve.

    'Për të gjithë ata që nuk besojnë ose nuk duan të besojnë se 25 prilli ishte dita e zgjedhjeve të vjedhura nga regjimi Rama-Doshi, masakra elektorale më e madhe dhe vjedhja më e madhe e votave në 30 vite histori pluralizëm, ejani në Elbasan, dhe shikoni se si kryepolici i vendit që në fakt është kryepolici i Edi Ramës, mori në mbrojtje bandat që u sulën për të terrorizuar, për të blerë dhe për të kërcënuar qytetarët e Elbasanit me pistoletat e tyre me tyta të kromuara, të cilat nuk nguruan t’ua vënë në kokë dhe drejtuesve lokal të policisë së Elbasanit. Atyre që nuk e kuptojnë akoma apo bëjnë sikur nuk e kuptojnë përmasën reale të masakrës zgjedhore të 25 prillit, ju them ejani në Elbasan dhe shikoni se si prokurori u përpoq të fshihte provat e kapura në flagrancë të materialeve zgjedhore, të shitblerjes masive nga bandat kriminale që kanë vënë përfund policinë, institucionet dhe kontrollojnë tërësisht qytetin dhe qarkun e Elbasanit.'- tha Basha.

    Duke iu përgjigjur sërish ftesës së kryeministrit Edi Rama në lidhje me bashkëpunimin midis tyre, Basha tha se krimi është bërë njësh me pushtetin dhe se ato nuk do të bien në paqe me këtë realitet dhe se nuk do të ulin kokën përball këtij realiteti.

  • VIDEO

    Soreca ia merr valles së Pogonishtes në sheshin ‘Skënderbej’, shoqërohet nga ambasadorët e tjerë

    Ambasadori i BE-së, Luigi Soreca teksa ka marrë pjesë në një aktivitet në sheshin ‘Skënderbej’ të organizuar në kuadër të përmbylljes së ‘Javës së Europës’, e kemi parë si asnjëherë më parë duke kërcyer vallen e pogonishtes.

    Ai është shoqëruar nga ambasadorët e vendeve të Bashkimit Evropian në vendin tonë, të cilët si duket kanë zgjedhur të lënë mënjanë protokollin diplomatik dhe të hedhin një valle popullore shqiptare.

    Në fillim është Soreca, pas tij shihet ambasadorja e Suedisë Elsa Hastad, ambasadorja e Holandës Guusje Korthals Altes, si dhe ambasadori gjerman Peter Zingraf, të cilët po shijojnë një moment mjaft të bukur në vallen e mbajtur në sheshin Skënderbej.

    •  
  • VIDEO

    “Shtypi i Ditës dhe Ju” me Elda Lamja /16 maj 2021/ Zgjedhjet, ankimimet e PD-LSI, flasin qytetarët

  • VIDEO

    Anëtari i KAS për Report Tv: Rezultati i 25 prillit mund të vuloset nga mesi i qershorit! Jemi të kapur politikisht? Unë s'kam pasur asnjë presion

    TIRANË- Rezultati i Zgjedhjeve të 25 prillit do të vuloset përfundimisht nga mesi i muajit qershor, pas përfundimit të shqyrtimit të ankimimeve të partive politike, specifikisht të PD-LSI. Një fakt të tillë e ka bërë të ditur, anëtari i Komisionit të Ankesave dhe Sanksioneve (KAS), Ledio Braho në një intervistë për Report Tv.

    " Parashikoj që së bashku me Kolegjin Zgjedhor, rezultati i 25 prillit mund të shkojë deri nga mesi i qershorit, që mund të certifikohet përfundimisht", tha Braho.

    Akuzave të ardhura nga kryedemokrati Lulzim Basha, Braho iu përgjigjish shkurt dhe qartë. Ai shprehet se nuk ka pasur asnjë presion nga askush, duke vënë theksin se ndonëse anëtarët e KAS janë të emëruar nga partitë politike, ky institucion është i depolitizuar, teksa thotë se i mirëkupton në një farë mënyre PD-në që bën këtë akuzë, e për këtë jep argumentet e tij.

    "Unë nuk kam pasur asnjë presion apo shtysë, dhe pse jam propozuar nga PD. Kodi Zgjedhor, pas Reformës Zgjedhore të fundit ka parashikuar që të gjithë anëtarët e KQZ janë të depolitizuar, por kryetari i opozitës, nisur edhe nga vendimmarrjet e fundit që refuzojnë marrjen e provave shtesë, apo për fletën e votimit, apo shfrytëzimit të votave, patjetër që e konsideron si vendimmarrje politike,që kanë marrë shumicën e votave", tha Braho.

    Ai ka zbuluar edhe se çfarë pritet të ndodhë edhe në mbledhjen e së hënës.

    " Ditën e hënë në 10 do të vijohet me qarkun e  Beratit nëse KQZ do i ketë bërë gati, në rast të kundërtën do vijohet me qarkun e Vlorës, dhe po presim provat për Gjirokastrës", përfundoi Braho.

  • VIDEO

    “Njerëzit po vriten si pula” qytetari: Më ekzekutuan shokun e ngushtë, të rikthehet ish-ministri Brendshëm

    Një qytetar nga Cërriku u bë pjesë mëngjesin e sotëm në emisionin “Shtypi i Ditës dhe Ju” në Report Tv. Ai tha se i kanë vrarë shokun e ngushtë dhe se njerëzit po vriten si pula e për këtë kërkoi që në detyrë të rikthehej ish-ministri i Brendshëm duke nënkuptuar Saimir Tahirin.

  • VIDEO

    Soreca për Report Tv: Në qershor përcaktohet data për hapjen e negociatave! Shqipëria dhe shqiptarët e meritojnë

    Në një intervistë me gazetaren Suada Mehmetaj nga qyteti i Krujës, Ambasadori i BE-së, Luigi Soreca tha për Report Tv se data e hapjes së negociatave për anëtarësim në BE pritet të caktohet brenda muajit qershor, pasi shqiptarët dhe Shqipëria e meritojnë me reformat e ndërmarra deri më sot.

    Ambasadori Soreca theksoi se BE ka qenë dhe do të jetë gjithmonë në krah të Shqipërisë sa herë që të ketë nevojë. Soreca dhe ekipi i tij kanë nisur prej ditësh turin 21 ditor nga Vermoshi në Konispol për të promovuar investimet e BE në vend dhe për të theksuar se Bashkimi Europian është në krah të shqiptarëve në çdo cep të Shqipërisë.

Për lajme të tjera kërkoni në arkiv