• VIDEO

    Ervin Salianji: Nuk ka qëndrim më të mirë se thirrja e zgjedhjeve për kryetarin e ri të PD

  • VIDEO

    Nishani: Shumicën e vendimeve Basha i merr vetë, 'hijen' e Berishës e ka ushqyer edhe ai që t’i shmanget përgjegjësisë së vendimeve të tij

    Bujar Nishanin ka mohuar se Sali Berisha, lideri historik i PD, të ketë ndikuar në vendimet e Luzlim Bashës, në lidhje me aludimet e shumta që hidhen në media nga politikanë e analistë të ndryshëm. Në emisionin “5 pyetjet nga Babaramo”, Nishani tha se shumica e vendimeve janë marrë nga vetë Basha. Në lidhje me deklaratat e kryeministrit Edi Rama se Basha është kukull e Berishës dhe Metës, ai tha se këto janë diversion që ai ka tentuar të bëjë në PD. Nishani madje tha se shpesh kjo është përdorur me raste edhe nga vetë Basha për të manipuluar opinion sipas interesit të tij, por që sipas tij realiteti është ndryshe. A duhet të jetë më Sali Berisha aktiv në politikë? Për Nishani kjo është e drejta e tij dhe nuk mund t’i mohohet.

    “Nëse hedh një top balte në një shkëmb me cepa balta mbetet atje nëse e hedh në një faqe xhami ajo rrëshqet nuk qëndron. Rama është kundërshtar dhe secili kamp politik ndërton strategjinë elektorale dhe Rama ka kërkuar të bëjë diversion te PD. Unë sot jam ish president dhe kam arritur marrjen e karrierës, po nuk ma heq do të drejtën që për çështje të caktuar të jem aktiv në jetën publike, nuk ma heq dot se kjo është një e drejtë. Dhe çështja e Berishës nuk mund t’i thuhet ti mos flit më, çdo njeri ka të drejtën e vetë. Është opinioni që gjykon. Aftësia e një lideri është të gjejë ekuilibrin midis gjeneratave. Nëse Berisha bën 4 prononcime në ditë, Basha duhet të bëjë 24. Vendimmarrja ka qenë tërësisht e zotit Basha. Unë e ka parë vetë dhe kam konstatuar se ka qenë një tentativë manipulative të përdorej edhe nga vetë Basha se ja unë nuk kam se çfarë bëj, por shumica e vendimeve janë të tijat”, tha Nishani.

  • VIDEO

    Zgjedhjet për kryetarin e ri të PD, Nishani: Vendimi është i imponuar dhe i pakonsultuar, duket qartë se ka një tentativë për t'u manipuluar

    Vendimi për të shkuar në zgjedhje të parakohshme për të zgjedhur kryetarin e ri të Partisë Demokratike, është një vendim i pakonsultuar dhe që qartazi duket se ka një tentativë për manipulim të këtij procesi. Kështu është shprehur i ftuar në emisionin '5 Pyetjet nga Babaramo' në Report Tv, kryetari i Këshillit Kombëtar në PD, Bujar Nishani.

    Nishani tha se procesi për zgjedhjen e parakohshme të kryetarit është i imponuar dhe se kjo është bërë për t'i ikur përgjegjësisë reale të analizës së zgjedhjeve që solli humbjen PD.'Mbledhja e këshillit ishte e nevojshme, pas procesit zgjedhor është vendi ku mund të merren vendimet më të rëndësishme të PD. Çështjet që u vunë në diskutim ishin të pakonsultuara. Ishte me faktin vendimi për të shkuar në zgjedhje të parakohshme për kryetarin e PD, duke imonuuar një proces i cili është i parakohshëm, por duket qartazi që ka një tentative manipulimi të theksuar dhe për t'i ikur përgjegjësisë reale të analizës së zgjedhjeve. PD ka dalë e humbur nga zgjedhjet e 25 prillit. Për shkak të pritshmërive që kishte PD, ka krijuar dhe ka përcjellë një situatë drame të anës psikologjike, një zhgënjim të strukturave të PD, ka sjellë një kauz brenda strukturës organizative dhe jetës së PD, ka paqartësi të plota tek opinioni publik. Ajo që duhej në këtë moment ishte që Këshilli Kombëtar duhej të ishte mbledhur të të përcaktonte objektivat emergjent të adresimit të situatës. Nuk kam komunikuar me z. Basha, ne si gjithë të tjerët mbetëm të tronditur dhe zhgënjyer nga rezultati i 25 prillit. Këshilli kombëtar duhet të adresonte një proces tek strukturat, të bëhej një analizë thellë tek strukturat e partisë.  Në këtë situatë unë e propozova dje se është e domosdoshme të relaksojmë një ngërç të madh psikologjik që ka pushtuar strukturat e PD. Akti i parë politik duhet të ishte marrja e përgjegjësisë nga drejtuesit e PD-së duke nisur me kryetarin.'- tha Nishani.

  • VIDEO

    Më 13 qershor PD shkon në zgjedhje, Basha s'jep as formalisht dorëheqjen

    Më 13 qershor demokratët votojnë për kreun e ri të Partisë Demokratike. Propozimi i Gazment Bardhit për një palë zgjedhje shpejt e shpejt u miratua në Kryesi dhe është konfirmuar edhe në Këshillin Kombëtar të partisë. Kështu pas gati 1 muaj demokratët do të shkojnë drejt kutive të votimit për të votuar lidershipin e ri. Vendimi është i miratuar në mënyrë unanime edhe në Kryesi edhe në Këshill Kombëtar. Propozimi u bë fillimisht nga Sekretari i Përgjithshëm i Partisë Demokratike, Gazment Bardhi. Këshilli Kombëtar miratoi gjithashtu edhe vendimin e kryesisë për përbërjen e komisionit të zgjedhjeve për kryetarin e PD me 13 qershor. 

    Në mbledhjen e Këshillit Kombëtar, ka spikatur fjala e kreut të këtij institucioni drejtues në PD, Bujar Nishani ka kërkuar dorëheqjen e parevokueshme të Lulzim Bashës.  Bujar Nishani ka thënë se kjo është situata më e keqe që ka kaluar PD që prej vitit 1997.

  • VIDEO

    Kadilli: Faji i Bashës nëse qytetarët e shitën më 25 prill për një thes mielli, ai nuk ngjall shpresë

    Anëtari i Kryesisë së Partisë Demokratike, Fatbardh Kadilli gjatë intervistës për Report Tv, tha se Basha  nuk është një lider që ngjallë shpresë dhe të bëhet një figurë e besueshme për qytetarët, por ka bërë që votuesit “ta sheshin për një thasë me miell’.  Sipas Kadillit nuk vihet në pushtet me premtimin se do rrisësh rogat, por me alternativat se ti mund të qeverisësh më mirë. Kadilli tha se kërkon një PD pa njolla dhe t’ia kthejë atë qytetarëve.

    “Shpresa më e mirë vjen kur ti jep garancitë e duhura që do të qeverisësh mirë, jo se do i u rrisësh rrogën. Basha ishte i pabesueshëm pasi çdo kauzë e lë përgjysmë dhe i jep një shembull të keq qytetarit se ti nuk i bën ato që premton. Kjo parti duhet ta bënte individin më të mirë politikisht dhe të mos e shkëmbenin Lulzim Bashën për thes me miell. Ana morale do të më bëjë fitues. Besoj se nga mbledhjet e mbrëmshme të Këshillit Kombëtar, ata u zhgënjyen edhe vetë. PD-ja ime është ndryshe, është detyrim për një lider që të respektojë kontributet, partia duhet të jetë e pastër dhe pa njolla”, tha Kadilli

  • VIDEO

    LSI akuza KQZ: Raporti i pajisjes së votimit elektronik nuk ishte në kutitë e hapura sot, u fut dorazi

    LSI ka hedhur akuza ndaj KQZ duke thënë se me hapjen e 24 kutive sot të materialeve zgjedhore për qarkun berat ka ndërhyrë duke futur nga jashtë  materiale q nuk ishin më parë aty. Sekretari i Përgjithshëm të LSI, Endrit Braimllari tha se vjedhja e qeverisë nuk ndali më 25 prill, por vijoi edhe sot duke futur materiale nga jashtë, duke thënë  se raporti i pajisjes elektronike nuk ndodhej në kuti por u fut dorazi nga jashtë nga anë e administratës së KQZ duke kompromentuar të gjithë procesin.

    Gjithashtu Brahimllari shprehet se hapja e kutive të sotme vërtetoi se pretendimet e drejta të LSI se iu vodh mandati nga PS është e drejtë dhe se skema e manipulimit të procesit zgjedhor është përdorur edhe përmes teknologjisë që duhet të ishte një garanci në këtë proces.

  • VIDEO

    Kadilli për Report TV: Basha ka fytyrën e humbjes, çdo kauzë e lë përgjysmë! Në PD ka 1000 veta më të mirë se ai

    Anëtari i Kryesisë së Partisë Demokratike, Fatbardh Kadilli, i cili shpalli edhe kandidaturën e tij për kryetar të PD, tha se problemi me Lulzim Bashën në 8 vite drejtim në krye të PD i solli asaj vetëm humbje duke u kthyer në një person të pabesueshme që ka fytyrën e humbjes dhe jo shpresës për një qeverisje më të mirë. Në një intervistë për Report Tv, Kadilli tha se Basha e ka djegur mundësinë e rikandidimit në zgjedhjet për kreun e PD dhe se po e çon partinë në një spirale zbritëse duke e mbyllur ciklin e tij politik.

    “Basha më rezultatin e 25 prillit mbylli ciklin e tij politik, atë trajektore që ka diçka të re për t’i thënë politikës. Basha ka pasur disa raste të rëndësishme dhe drejtimin e PD për të ekspozuar se sa i zoti është dhe rezultati është negativ dhe më i miri është rezultati i 2015 pas atij momenti devijoi totalisht në aspekt personal dhe aspak politik. Se Basha do zvarritet në politikë ky është vendim i tij. Jam parimisht kundër kufizimit të drejtës për të rikandiduar, Basha e dogji mundësinë e rikandidimit. Pushteti nuk ndërrohet se mbaron turni, sepse opozita nuk mund të jetë kalkulim. Opozita e tij u konceptua si një opozitë që lufton për një vend të dytë. Që në nisje ai është gabim në koncept. Ky vend ka nevojë për ofertë serioze dhe njerëz të besueshëm. Është i padenjë për një lider opozite. PD ka minimumi 1000 veta se Basha dhe se unë, puna është se kush merr kurajën të propozojë diçka të re. Me këtë rrugë të Bashës do shkojmë në spirale zbritëse vetëm shpejtësinë nuk e dimë ende si do ndodh, unë marr perisper ta ngre këtë parti”, tha Kadilli.

    Në lidhje me zgjedhjet për kryetarin e ri të PD më 13 qershor, Kadilli tha se ka një asimetri të madhe pasi Basha ka një makineri elektorale në dispozicion dhe këtë e bënë atë të pabarabartë përpara kandidatëve të tjerë. Megjithatë tha Kadilli ai gëzon mbështetjen morale të demokratëve dhe shpreson që demokratët të votojnë me moral dhe koncepte politike dhe jo për të mos ia prishur liderit aktual.

    “Është një garë asimetrie totale nga pikëpamja e mjeteve për të bërë fushatë pasi Basha ka ngritur një makineri të madhe elektorale përballë Ramës dhe atë  makineri tani e ka në dispozicion edhe për zgjedhjet për kandidatët këtë herë. Unë gëzoj asimetrinë morale dhe moralisht demokratë janë me  mua dhe jo e Lulzim Bashës që është fytyra e humbjes. Shpresoj se ky moral të zgjojë instinktin politik të demokratëve dhe jo atë instinkt për të mos ia prishur liderit, por të shohin veten si lider”, përfundoi Kadilli.

     

  • VIDEO

    Ankimi i LSI/ KAS shqyrton 24 kuti të Beratit, vetëm 2 raste të dyshuara për votim të dyfishtë!

    Administrata e KQZ ka përfunduar shqyrtimin e materialeve zgjedhore për 24 kutitë me materiale zgjedhore për qarkun e Beratit, për të gjetur parregullsi me kërkesë të LSI-së. Për shkak të volumit të materialit zgjedhor dhe shqyrtimit të imtësishëm që do t'i bëhet këtyre, KAS ka vendosur që vendimi përfundimtar për qarkun e Beratit të jepet të mërkurën nëse do të ketë apo jo rinumërim. Ndërsa ditën e nesërme do të jepet vendimi përfundimtar edhe për qarkun e Gjirokastrës, ndërsa do të nisin procedurat për shqyrtimin e ankimit të qarkut Vlorë.

    Nga hetimi i bërë në 24 kutitë e qendrave të votimit nuk ka rezultuar asnjë problematikë serioze që të mos të sjellë pavlefshmëri të zgjedhjeve apo indicie për të përsëritur numërimin, kërkesë kjo e LSI për Qarkun Berat.  

    Vetëm dy raste janë rastet e dyshimta në Berat dhe 2 të tjera në Qarkun Gjirokastër që mund të kenë qenë tentativa për votim të dyfishtë. Këto janë rezultatet e dala nga administrata e KQZ e cila pas kërkesës së Komisionit të Sanksioneve dhe Ankesave, ka bërë kryqëzimin e të dhënave të pajisjes PEI.  Sipas rezultateve të dala nga kryqëzimi, KQZ njofton se janë vetëm 4 janë rastet gjithsej, të tjerat janë regjistruar si raste të dyshimta por që në fakt nuk përbëjnë asnjë provë pasi siç ka shpjeguar vetë Kryekomisioneri Celibashi arsyet e vendosjes disa herë të shenjës së gishtit janë shumë. Duhet thënë se ka pasur nga ata votues që për arsye të ndryshme e kanë vendosur gishtin disa herë në pajisje. Dikush për arsye se nuk e ka njohur shenjën e gishtit herën e parë, ndonjëherë sepse pajisja nuk ka funksionuar apo edhe që punonjësi përgjegjës që merrej me pajisjen, operatori, nuk kishte njohuritë e nevojshme.

    Disa ditë më parë vetë Kryekomisioneri Shtetëror i Zgjedhjeve pati sqaruar se nga totali i rasteve shumica e rasteve i përket gjurmës së gishtave të operatorëve, të cilët ndoshta jo mirë të trajnuar kanë menduar se nuk do ishte problem nëse e vendosin gishtin disa herë. Celibashi pati sqaruar se të gjithë rastet do të sqarohen.

    Do të jetë KAS që do të marrë një vendim në do të ketë rinumërim të votave në qendrat e votimit ku LSI pretendon parregullsi, pas përfundimit të shqyrtimit të materiale zgjedhore.

  • VIDEO

    Largimi i Bashës nga kryetar, kreu i zgjedhjeve në PD Gjana: S’është detyrim, zgjedhje individuale

    Kryetari i Komisonit të Zgjedhjeve në Partinë Demokratike, Jemin Gjana në një prononcim për mediet tha se kreun e PD-së nuk e detyron asnjë statut brenda partisë që të japë dorëheqjen dhe se zgjedhja është individuale.

    'Është debatuar në 2017 në Kuvendi kombëtar të PD nëse duhet të kishte një normë statutore që detyron dorëheqjen dhe nuk është miratuar. Në statut nuk ka detyrim dorëheqje, pjesët e tjera duhet janë individuale.'- tha Gjana.

    Sa i përket dokumenteve që duhet të paraqesin kandidatët për kryetar, Gjana tha se 'besoj se ka një formular që është përdorur edhe për kandidatët për deputet'.

    Ditën e sotme grupi 'Për PD-në' reagoi në lidhje me procesin e zgjedhjeve në Partinë Demokratike duke thënë se komisioni zgjedhor u ngrit në mënyrë të njëanshme, pa u konsultuar me anëtarët e kryesisë dhe Këshillit Kombëtar. Sipas Grupit “Për PD” nuk do të ketë zgjedhje të lira për kryetar nëse Lulzim Basha nuk jep fillimisht dorëheqjen.

     

  • VIDEO

    Votime më shumë se një herë? KQZ kryqëzon të dhënat: 2 raste në Berat dhe 2 në Gjirokastër

    Pas kërkesës nga Komisioni i Sanksioneve dhe Ankesave, Komisioni Qendror i Zgjedhjeve ka bërë kryqëzimin e të dhënave të pajisjes PEI.  Sipas rezultateve të dala nga kryqëzimi, KQZ njofton se janë 57 raste të dyshimta në Berat, mes të cilave 2 raste kur 2 persona janë shfaqur në 2 QV të ndryshme. Në Berat 19 persona kanë dhënë shenjën e gishtit si nënshkrim biometrik për 53 zgjedhës.

    Por vetë Celibashi ka sqaruar se jo në çdo rast vendosja e gishtit më shumë se një herë përbën votim, pasi mund të ketë raste kur komisioneri ka vendosur gishtin për të drejtuar votuesin se si të bënte identifikimin përmes shenjës së gishtit. Ndërkohë që 74 janë rastet e dyshimta për në Qarkun e Gjirokastrës: 2 raste të dyshimta ku 2 persona janë paraqitur në 2 QV të ndryshme dhe 12 persona kanë dhënë shenjën e gishtit si nënshkrim biometrik për 70 zgjedhës.

    Jo domosdoshmërish këto raste tregojnë se janë raste të votimit të dyfishtë, pasi shumica e të dhënave të gishtave mund të jetë vendosur disa herë nga i njëjti person pasi pajisja nuk e ka kapur për herë të parë. Do të jetë në dorën e KAS nëse këto të dhëna do të përbëjnë argument për pranimin e kërkesës ankimore të LSI dhe PD për rivotim në qarkun e Beratit dhe Gjirokastrës apo nëse do i rrëzojë kërkesat e tyre.

  • VIDEO

    Shkarkimi i Metës, Komisioni Hetimor transmeton të gjitha deklaratat e Presidentit para dhe pas zgjedhjeve!

    Është zhvilluar sot mbledhja e Komisionit Hetimor për shkarkimin e presidentit Ilir Meta. Në mbledhje janë transmetuar deklaratat e Metës në televizione dhe deklarata për shtyp si dhe po lexohen të gjitha postimet e tij në rrjetet sociale. 

    Videot e shfaqura në Komision janë nga emisione ku Meta ka folur për kryeministrin Edi Rama, për 'shembje të regjiomit' apo për të rrëmbyer sfurqet dhe lopatat, por edhe video e përplasjes me policinë Bashkiake në zyrat e FRD-së.

    Kreu i Komisionit Hetimor, Hyseni në fund njoftoi mbledhjen e radhës për nesër, mbledhje në të cilën është njoftuar të marrë pjesë Presidenti. Megjithatë sipas Hysenit ende nuk është marrë një përgjigje nga Presidenca. Kujtojmë se Meta ndodhet në Slloveni për të marrë pjesë në mbledhjen e radhës të procesit të Brdo-Brijunit.

    Ky është komisioni i dytë hetimor që ngrihet për hetimet e shkeljeve kushtetuese për Ilir Metën brenda 2 viteve, ku mazhoranca kërkon shkarkimin e tij nga detyra. Ngritja e këtij Komisionit Hetimor, nuk është njohur nga vetë Meta, i cili përmes zëdhënësit të tij u shpreh se "s'do tolerojë asnjë intimidim nga mafia lokale e ndërkombëtare" dhe se ky vendim ishte antikushtetues dhe antiligjor.  

  • VIDEO

    Komisioni për shkarkimin e Metës, Braho: Janë rreth 40 postime me përmbajtje fyese e denigruese!

    Komisioni Hetimor në mbledhjen e radhës për hetimin e shkeljeve nga Presidenti Ilir Meta, ka publikuar edhe disa video me deklaratat e Kreut të Shtetit, të bëra para zgjedhjeve të 25 prillit.

    Krahas provave filmike të marra nga deklaratat e Presidentit në studiot televizive, para dhe gjatë fushatës, deputeti Edmon Stojku, anëtarë i komisionit, sugjeroi që të përfshihen në hetim edhe pretendimet e mediave në lidhje me lëshimin e nënshtetësive.

    Ai kërkoi që të bashkëpunohet me Presidencën, për të marrë të gjithë volumin e nevojshëm të këtij aktiviteti. Nga krahu tjetër, kryetari i komisionit, Alket Hyseni, tha se një kërkesë e tillë pikë së pari duhet të paraqitet në Kuvend, e nëse atje konfirmohet, mund të ndërmerret edhe një akt i tillë.

    Po ashtu edhe anëtarja e komisionit, Klotilda Bushka, renditi fjalët denigruese e fyese sipas saj, që Presidenti ka përdorur para dhe gjatë fushatës elektorale. Spartak Braho, i cilësoi përmbajtjet filmike të Presidentit nga studiot televizive dhe postimet në rrjete sociale, si denigruese e fyese, e në kundërshtim të plotë sipas tij me ligjin.

    Alket Hyseni: Ka ardhur një letër, një përgjigje nga Gjykata Kushtetuese, ku paraqitet një korrespondencë e Gjykatës Kushtetuese. Kjo është gjykuar e nevojshme për faktin që nëse ka ndërhyrje të institucionit të Presidencës në këtë komision kushtetues.

    Edmond Stojku: Ka shumë kohë që diskutohet mënyra e dhënies së nënshtetësisë nga Presidenti i Republikës. Rasti i Presidencës lituaneze për këtë proces, them që në provat të shtohet edhe kjo pikë, që ka qenë temë e nxehtë për të paktën dy vitesh. Duhet të kërkojmë bashkëpunimin e Presidencës që të na vendosin në dispozicion këto shkresa dhe të shohim nëse ka shkelje.

Për lajme të tjera kërkoni në arkiv