• VIDEO

    Arben Imami: Komisioni, i kapur nga Basha! Jemin Gjana, i njëanshëm, gara s'është e ndershme! Të enjten shpallim kandidaturën

    Anëtari I PD dhe pjesë e grupit "Për PD" që kërkon largimin e Bashës, Arben Imami nuk ka kursyer akuzat për Jemin Gjanën i vendosur si kryetar i Komisionit të Zgjedhjeve në PD për garën për kreun e partisë më 13 qershor. Imami tha se ai është i njëanshëm dhe se nuk duhet të ishte në krye të këtij komisioni, pasi kjo tregon qartë se komisioni është i kapur nga Basha dhe dihet se si do të shkojë gara, ndërsa shtoi se në ngritjen e komisionit duhet të merrnin pjesë të gjitha palët dhe të jepnin propozimet e tyre për anëtarët.

    Në emisionin "Repoltix", Imami tha se kjo garë nuk është e hapur dhe se vendimi për vendosjen e datës së zgjedhjeve ishte i nxituar dhe i paarsyetuar. Imami tha se kjo u bë për qëllim se Basha e do që kandidatëve që do të garojnë do u duhet kohë t'u drejtohen strukturave të PD dhe ua mohoi këtë gjë që të kishte karrigen e tij të sigurt. Imami renditi një seri arsyesh se pse vendimi për zgjedhjet më 13 qershor u morr me shpejtësi dhe pa pritur asnjë lloj propozimi.

    Kjo garë nuk është  hapur dhe e ndershme. Sikundër ka një reagim të përgjithshëm, veprimi qe i njëanshëm dhe veprimi ishte një nxitim i pajustifikuar , i pamotivuar dhe i paarsyetuar dhe i marrë me një shpejtësi të madhe i argumentuar nga Basha si vendim i marrë nga sekretari i përgjithshëm dhe kjo e legjitimonte. Nëse kryetari i partisë është në kontakt me degët e partisë, konkurrentët e tij kanë nevojë për kohë për të filluar dhe vendosur kontakte. Shkurtimi i kësaj kohe tregon se zotëria nuk kërkon që të gjitha palët të kenë një akses normal në zgjedhje. Përveç kohës, në parti pas një humbje të tillë duhen disa palë që të paraqiten, që të bëhen zgjedhje të pranueshme nuk duhet vetëm të shpallësh datën, por duhet edhe një komision zgjedhor që të jetë i paanshëm, dhe nuk ramë dakord me Jemin Gjanën, me të s'ka njërin botë që të bie dakord jo më unë. Normalisht bëhen propozime dhe nuk mund të ketë zgjedhje të hapura dhe të pranueshme me një komision që është i Lulzim Bashës. Kryetari i komisionit para dy ditësh ka sulmuar dy anëtarë të grupit tonë publikisht. Pra është komision i njëanshëm. pra kryetar është një person pro Bashës dhe jo nuk shkon", tha Imami.

    Imami bëri të ditur se të enjten grupi "për PD" do të shpall kandidaturën e saj për kryetar të PD, ndërsa shtoi se Basha nuk gëzon më besim, por manovrat që ai bën brenda partisë tregon se gara nuk do të jetë e drejtë dhe e hapur, edhe pse ky grup do e bëj betejën e saj deri në fund.

  • VIDEO

    Arben Imami akuza të forta Bashës: I shiti vendet e listave të kandidatëve për deputet

    Arben Imami ka hedhur akuza të forta nga kreu të PD, Lulzim Basha duke thënë se ai i shiti vendet e listave të kandidatëve për deputetë. Në emisionin "Repolitix" Imami tha se ky akt tregon qartë se partia nuk ka më parime morale dhe se PD duhet reformuar e tëra. Ai tha se grupi "Për PD" kërkon hapjen e partisë dhe bashkimin e saj, pasi është copëtuar vetëm për faj të Bashës, i cili ka bërë largime pa asnjë lloj kriteri.

    "Në duam hapjen dhe bashkimin e partisë. Partia është në një pastrim të vazhdueshëm dhe nuk ka asnjë kriter se si përzgjidhen njerëzit. Nuk mundet një parti që vendet për kandidat në lista për deputet t'i shesë dhe të bëjë tender për to. Janë marrë para  për kandidatë për deputetë dhe për vende brenda strukturave të partisë", tha Imami.

  • VIDEO

    Klodiana Spahiu: Humbësi ta kërkojë fajin te vetja! Opozita tenton konflikt politik, akuza të pabaza

    Klodiana Spahiu, deputete e PS në Durrës, tha se humbësi në zgjedhje duhet ta kërkojë fajin nga vetja. Në një intervistë për Report Tv, Spahiu tha se çdo forcë politike që ka humbur duhet të bëjë një analizë të vetën në mënyrë që të kuptojë se ku ka çaluar, pasi fajin nuk mund ta kërkojë te kundërshtari. Madje shtoi deputetja socialiste se edhe PS do të bëjë analizën e saj në qarqe ku mendon se nuk bëri dot maksimumin.

    "Kushdo që të ishte humbësi së pari duhet t'i kërkojë defektet te vetja. Përmirësimi i një force kur humbet vjen duket analizuar shkaqet e humbjes. Çdo humbje kërkon një analizë të thellë. Edhe ne kemi gjëra për të rregulluar dhe do të bëjmë analizën në ato qendra votimi ku mendojmë se nuk kemi bërë mjaftueshëm", tha Spahiu.

    Spahiu foli edhe për ankimimet e opozitës ku kërkon ribërjen e zgjedhjeve në disa qarqe, duke thënë se këtë kërkesë duket ta mbështetësh në fakte e prova dhe jo thjeshtë të shkosh në KAS dhe t'u thuash atyre 'mi siguroni dokumentet'. Spahiu tha se opozita po krijon një tendencë negative që  kërkon të nxisë konflikt politik, batak në të cilin PS nuk do të bjerë.

    "Që ti të kërkosh ribërjen e zgjedhjeve duhet të dokumentosh shkeljet e bëra ditën e zgjedhjeve. Ti kërkon këtë dhe nuk ke fakte. Çdo forcë politike ka të drejtën e ankimimit, por këtu ka mosmarrëveshje edhe midis drejtuesve të opozitës. Dolën të dielën dhe thanë se në kuti është verdikti i popullit. Pse tani duhet të krijojnë kaq shumë anomali dhe përplasjeje politike? PS nuk duhet të bie më batakun e asaj çfarë kërkon opozita, pasi ne kemi një detyrim të madh ndaj qytetarëve, nëse duan të bashkëpunojnë janë të mirëpritur. Por shikoj një tendencë shumë negative dhe aspak bashkëpunuese për të mirën e vendit", tha ajo.

    Në lidhje me akuzat për votim të dyfishtë, Spahiu tha se identifikimi biometrik  ishte një nga proceset që nuk ke se si i manipulon.

     

  • VIDEO

    Ministri Niko Peleshi vizitë zyrtare në Kosovë: Intensifikojnë bashkëpunimin në fushën e mbrojtjes

    Shqipëria dhe Kosova intensifikojnë më tej bashkëpunimin në fushën e mbrojtjes. Ministri Niko Peleshi dhe homologu i tij, Armend Mehaj nënshkruan në Prishtinë marrëveshjen e bashkëpunimit. Gjatë takimit të përbashkët, Ministri i Mbrojtjes i Shqipërisë, Niko Peleshi e garantoi ministrin e Kosovës për mbështetjen  e pakursyer të Shqipërisë si në rrafshin politik edhe në atë teknik.

    “E gjithë eksperienca që Shqipëria ka në rrugën e integrimit të plotë në NATO do të vijojë të përcillet e plotë tek vëllezërit tanë kosovarë”, tha pas takimit, ministri Niko Peleshi. 

    Ministri Peleshi përgëzoi Forcat e Sigurisë së Kosovës për angazhimin në misionin e parë paqeruajtës jashtë  vendit, krahas kolegëve amerikanë në Kuvajt.
    Teksa foli për stërvitjen më të rëndësishme “Defender Europe 2021”, ministri Peleshi u shpreh se është një lajm shumë i mirë për të dy vendet që SHBA dhe partnerët e NATO-s u dhanë me përzgjedhjen për zhvillimin e kësaj stërvitjeje. Ministri i Mbrojtjes Niko Peleshi u shpreh se anëtarësimi i plotë i vendeve të rajonit në Aleancën e NATO-s do të thotë më shumë siguri.  

    “Shpresojmë fort se ka ardhur koha  që, Republika e Kosovës me ndihmën e vendeve aleate, partnere dhe mike të mundë të gjitha barrierat që e pengojnë atë të ecë përpara në rrugëtimin e pandalshëm euro-atlantik. Integrimi i plotë i Ballkanit në NATO do të thotë më shumë siguri, stabilitet dhe demokraci jo vetëm për këto vende, por edhe për Aleancën. Për më tepër integrimi është një ëndërr e përbashkët e popujve të Ballkanit, të cilët meritojnë të shpërblehen për sakrificat e tyre”, u shpreh ministri i Mbrojtjes i Shqipërisë Niko Peleshi.

    Në përfundim të takimit ministri Peleshi e ftoi homologun e tij për një vizitë në Tiranë, ndërsa i shprehu angazhimin personal për hapjen e një kapitulli të ri dhe shumë intensiv të bashkëpunimit në fushën e mbrojtjes që do të vijojë me implementimin e aktiviteteve të përbashkëta të planifikuara më parë.

     

  • VIDEO

    Nënshkruhet Marrëveshje Mirëkuptimi mbi programin ‘Iliria’, nxit mësimdhënien e gjuhës italiane në sistemin arsimor shqiptar

    Një marrëveshje e re mirëkuptimi mbi programin “Iliria” me qëllim nxitjen e mëtejshme të mësimdhënies së gjuhës italiane, si gjuhë e parë e huaj, në sistemin arsimor shqiptar, është nënshkruar ditën e sotmes mes Ambasadorit të Italisë Fabrizio Bucci dhe Ministres së arsimit, Evis Kushi e asaj të finanacave Anila Denaj.

    Me anë të kësaj marrëveshjeje, Shqipëria merr përsipër të përhapë mësimdhënien e gjuhës italiane në sistemin parauniversitar. Kjo Marrëveshje parashikon gjithashtu edhe përfshirjen e shkollave teknike - profesionale vendase me module në gjuhën italiane të lëndëve jo gjuhësore, duke pasur parasysh praninë e gjerë të sipërmarrjeve italiane në Shqipëri si dhe nevojën për gjetjen e burimeve njerëzore të kualifikuara në vend.

    Italia, nga ana e saj, do të vijojë të mbështesë zhvillimin e mëtejshëm të mësimdhënies së gjuhës italiane përmes lëvrimit të kontributeve në dobi të mësuesve shqiptarë të gjuhës italiane si dhe furnizimit, me materiale didaktike, të bibliotekave dhe laboratorëve të shkollave “Iliria”.

    Italia do të vijojë gjithashtu të japë ndihmesën e saj në formimin e mësuesve shqiptarë të italishtes përmes Zyrës së Shkollave të Ambasadës së Italisë dhe Institutit Italian të Kulturës në Tiranë, duke vënë theksin kështu në angazhimin e vazhdueshëm italian në integrimin nëpërmjet projekteve inovative dhe nismave kulturore të kurrikulave tradicionale të mësimdhënies.

    Me rastin e nënshkrimit, Ambasadori deklaroi: “Sot është një ditë e veçantë pasi përtërijmë, për të tretën herë, marrëveshjen e Programit “Iliria”, një mjet i rëndësishëm që rregullon mësimdhënien e gjuhës italiane në shkollat shqiptare. Gjuha italiane ka qenë një mjet i rëndësishëm për breza të tërë shqiptarësh, për të çelur një dritare drejt botës. Falë Programit “Iliria” janë formuar, ndër vite, jo vetëm të rinjtë shqiptarë por edhe mësuesit e gjuhës italiane. Synimi ynë është të fuqizojmë mësimdhënien e gjuhës italiane në Shqipëri duke e çuar italishten edhe në shkollat profesionale shqiptare, pasi gjuha italiane duhet të jetë një mjet i dobishëm për t’u mundësuar punësimin të rinjve shqiptarë që diplomohen në degët e ndryshme profesionale. Italia vazhdon të jetë partneri i parë tregtar i Shqipërisë dhe një e treta e shkëmbimeve të Shqipërisë kryhet me Vendin tonë, janë rreth 3 mijë ndërmarrjet italiane që punojnë në Shqipëri duke i ofruar punë dhjetëra mijëra njerëzve. Ndaj, e mbi të gjitha për këtë arsye, gjuha italiane është shumë e rëndësishme.”

  • VIDEO

    Xhemal Qefalia: Nëse pranon, Nano emër i duhur për president! Meta i duhet opozitës si lider

    Socialisti Xhemal Qefalia anëtar i Komisionit Hetimor për shkarkimin e Presidentit thotë në një intervistë për Repor TV, se Meta më shumë i duhet opozitës si lider.

    "Ai është ftuar në komision dhe shpresoj që të vi e të jetë në rregull me Kushtetutën dhe rregulloren e Kuvendit. Mbetet për t'u parë nëse Meta do i bashkohet opozitës  si lider apo do të vazhdojë detyrën e tij si President. Por opozita ka nevojë ta ketë presidentin pranë tyre si një drejtues opozite", tha Qefalia.

    I pyetur për emrin e presidentit të ri, Qefalia e konsideroi të përshtatshëm kandidaturën e socialistit të vjetër, Fatos Nano, por shton se PS nuk e synon këtë institucion duke lënë të hapur bashkëpunimin me PD.

    "PS nuk synon postin e Presidentit, për ne ka rëndësi që presidenti të kryej mirë funksionet e detyrës mbështetur në Kushtetutë. Nano është personalitet në PS,  kontribuues që në formimin e saj dhe drejtimin e PS dhe pse jo është një kandidaturë e përshtatshme nëse pranon. Personi që duhet të zgjidhet mendoj të jetë njëri intelektual që do i bënte ndër vendit", tha ai.

     Kongresin e Jashtëzakonshëm të 12 Qershorit, Qefalia e cilëson një mundësi për të kryer analizën e zgjedhjeve të 25 prillit si dhe nisjen e përgatitjeve për proceset e ardhshme zgjedhore.

    "Është traditë e PS që pas zgjedhjeve të bëhet analizë e rezultateve dhe projeksioneve. Kjo nxjerr në pah vlerat e secilit individ gjatë fushatës pjesa e kabinetit të ri mbetet për t'u përzgjedh nga Kryeministri, por mendoj se mbeten pa ndryshuar ministrat aktual, pasi kanë bërë  punë të mirë. Kabineti i ri do të ngulmojë fuqishëm që deri në zgjedhjet vendore të dalim faqebardhë për të kërkuar votën sërish", tha Qefalia

     

  • VIDEO

    Rama-Meta në Kushtetuese, përfaqësuesja e qeverisë: Presidenti cënoi kompetencat e kryeministrit!

    Është zhvilluar sot seanca plenare e Gjykatës Kushtetuese për përballjen e parë institucionale mes presidentit Ilir Meta dhe kryeministrit Edi Rama, për çështjen e mosmarrëveshjes së kompetencave për dekretimin e ministrave.

    Sipas përfaqësueses së Këshillit të Ministrave, Elira Kokona, Meta refuzoi dekretimin e ish-ministrit Cakaj jashtë çdolloj kompetence. Për Kokonën, Meta nuk kishte tagër për të refuzuar dekretimin e Cakajt dhe Ramës. Siç raporton gazetari Sokol Dema këshilltari i Presidentit Bledar Dervishaj ka thënë se konflikti institucional nuk ekziston dhe se sipas tij pretendimi për uzurpim kompetencash të Kryeministrit nuk qëndron.

    Seanca ishte planifikuar që të zhvillohej me 25 mars, por për shkak të infektimit me Covid të anëtarëve të gjykatës Kushtetuese u shty. Kjo padi është depozituar nga Rama pas përplasjes me Metën për mosdekretimin e ish-ministrit të jashtëm Gent Cakaj. Meta në atë kohë refuzoi të dekretojë Cakajn i cili mbajti postin e ushtruesit të detyrës ndërsa ministër i jashtëm me dekret ishte vetë kryeministri Rama. Kjo është përballja e parë e dy liderve në gjykatë pas zgjedhjeve të 25 prillit.

    Përpara zgjedhjeve ka pasur vazhdimisht përplasje në distancë mes tyre, pasi presidenti dhe kryeministri e kanë parë 25 prillin në këndvështrime të ndryshme. Edhe pse e tha si premtim se do të dorëheqet nga pozicioni i Presidentit të Republikës nëse Rama fiton 71 mandate, Meta nuk e mbajti fjalën. Pasi PS fitoi zgjedhjet, Meta doli në një deklaratë për shtyp nga Presidenca dhe ka folur sikur të mos kishte hedhur akuzat më të rënda për procesin zgjedhor por e përshëndeti atë. Meta tha se tashmë duhet reflektuar deri në shtator. Ndërkaq edhe Vlora ka qenë një nga zonat që u kthye në barut ndezës mes debatit të tyre.

  • VIDEO

    Ankimet për 25 prillin, shtyhet vendimi për Gjirokastrën! Shqyrtohet Vlora, KAS rrëzon PD për prova shtesë

    KAS ka shtyrë vendimin për ankimin e PD dhe LSI për rezultatin e zgjedhjeve të 25 prillit në qarkun e Gjirokastrës. Pasi ka shtyrtuar ankimimin për Vlorën, KAS ka vendosur të rrëzojë kërkesën e PD për prova shtesë nga institucionet dhe e tjera publike, ndërsa ka pranuar kërkesën e LSI për të marrë informacion në sa qendra votimi nuk ka funksionuar pajisja PEI në këtë qark. Me kërkesën e dy anëtarëve do të kërkohet edhe informacioni i kryqëzimit të të dhënave të Pajisjes PEI për këtë qark.

    Teksa PD dhe LSI kanë paraqitur pretendimet e tyre për Vlorën, kurse, përfaqësuesi i PS, Eridian Salianji i kërkoi opozitës mos vijonte më me kërkesat e tjera ankimore pasi sipas tij nuk po sillte asnjë gjë të re dhe i kërkoi KAS të refuzojë shqyrtimin e ankesave.

    Akuzat më të forta për Gjirokastrën kanë qenë për votim të dyfishtë, por këtë e mohoi në mbledhje përfaqësuesi i PS i cili tha se ka zero shanse të ketë ndodhur, ndërsa për problemet teknike thotë se duhet të përgjigjen personat përgjegjës. Ivi Kaso i PD nga ana tjetër theksoi  se provat sipas tij janë të qarta dhe i mbetet në dorë KAS të vendosë nëse paligjshmëria shkakton pavlefshmëri dhe a duhet përsëritur procesi ose jo.

    Për qarkun e Vlorës mbledhja do të vijojë sërish nesër. Administrata e KQZ dje përfunduar shqyrtimin e materialeve zgjedhore për 24 kutitë me materiale zgjedhore për qarkun e Beratit, për të gjetur parregullsi me kërkesë të LSI-së. Për shkak të volumit të materialit zgjedhor dhe shqyrtimit të imtësishëm që do t'i bëhet këtyre, KAS ka vendosur që vendimi përfundimtar për qarkun e Beratit të jepet po nesër, nëse do të ketë apo jo rinumërim.

  • VIDEO

    Shkarkimi i Metës, Komisioni Hetimor Presidentit: Ke kohë deri të hënën, mund të vish kur të duash!

    Në ambientet e Kryesisë së Kuvendit është zhvilluar paraditen e sotme mbledhja e radhës e Komisionit Hetimor për shkarkimin e presidentit Ilir Meta. Mbledhja ka nisur me votimin e vendimit që Presidentit të Republikës t'i lihet një afat për tu paraqitur në komision. Metës i është dhënë afat nga nesër deri të hënën e ardhshme që të vendosë dhe të vijë kur të dojë.

    Më herët u lexua edhe letra e Presidenti Ilir Meta, i cili duke i kthyer përgjigjet Kuvendit të Shqipërisë thotë se kërkesa për pjesëmarrje në Komision Hetimor në përmbajtje të saj nuk referon asnjë dispozitë kushtetuese dhe ligjore për bazueshmërinë e saj. Sipas Metës është e palegjitimuar, fiktive, jashtë çdo lloj afati, dhe jo vetëm që cenon hapur të gjitha parimet kushtetuese demokratike të shtetit të së drejtës, por në mënyrën se si është iniciuar, vlerësuar, miratuar dhe po vijon të realizohet, tregon qartë se përpiqet të krijojë idenë se Kuvendi po ushtron funksionet e tij, ndërkohë që, asnjë proces i kësaj natyre (hetimor) nuk mund të ushtrohet e të zhvillohet në këtë periudhë tranzitore të përfundimit të mandatit të Kuvendit aktual, dhe fillimit të ushtrimit të detyrës së Kuvendit të ri të zgjedhur më 25 prill 2021.

    Ndërsa lidhur me kërkesën e Komisionit që të vihet në dijeni me axhendën e aktviteteve të tij, Meta i thotë se aktivitetet gjenden të gjithë në web.  

    Kryetari i Komisionit Hetimor, Alket Hyseni, në përgjigje të kësaj letër të Metës tha se çdo shkresë e Komisionit Hetimor është totalisht e bazuar në Kushtetutën e Republikës minimalisht, në Rregulloren e Kuvendit, në ligj.

    E ftoj Presidentin të kuptojë rëndësinë e Kuvendi në një Republikë Parlamentare. Kush ka arsye për mostransparencë hedh hije mbi veten e vet. Ndaj do ta fotoja që të përgjigjet saktë dhe brenda afatit", tha ai.

    Në mbledhjen  e sotme të Komisionit, relatorja e çështjes Klotilda Bushka informoi se i është kërkuar administratës një informacion shtesë për ligjet që ka kthyer mbrapsht Presidenti dhe sa prej këtyre kanë lidhje me Bashkimin Evropian dhe e kanë penguar këtë proces.

    Edhe sot në mbledhje janë transmetuar deklaratat e Metës në televizione dhe deklarata për shtyp si dhe po lexohen të gjitha postimet e tij në rrjetet sociale. Videot e shfaqura në Komision janë nga emisione ku Meta ka folur për kryeministrin Edi Rama, për 'shembje të regjiomit' apo për të rrëmbyer sfurqet dhe lopatat, por edhe video e përplasjes me policinë Bashkiake në zyrat e FRD-së. Komisioni mbylli mbledhjen e sotme pa përcaktuar një datë për mbledhjen e ardhshme. 

  • VIDEO

    Ivi Kaso: KAS po shkel çdo standard zgjedhor dhe ka si qëllim të fshehë masakrën zgjedhore

    Sekretari për Çështjet Zgjedhore në Partinë Demokratike, Ivi Kaso, i ka konsideruar skandaloze vendimet e fundit të KAS për të mos pranuar kërkesat e PD për prova shtesë.

  • VIDEO

    Meta refuzon paraqitjen në Komision, Spartak Braho: Ky është puç

    Gjatë mbledhjes së Komisionit Hetimor për shkarkimin e presidentit Meta, deputeti Spartak Braho ka dashur të dijë arsyen se përse Meta nuk ishte i pranishëm në mbledhjen e ditës së sotme. Ai është shprehur se nëse presidenti nuk njeh legjitimitetin e Kuvendit, atëherë po bën ‘puç’.

     
  • VIDEO

    Çfarë pritet nga PD? Konflikti më i vjetër në botë midis Palestinës dhe Izraelit

    Vendimi për të shkuar në zgjedhje të parakohshme për të zgjedhur kryetarin e ri të Partisë Demokratike, është një vendim i pakonsultuar dhe që qartazi duket se ka një tentativë për manipulim. Kështu është shprehur i ftuar në emisionin '5 Pyetjet nga Babaramo' në Report Tv, kryetari i Këshillit Kombëtar në PD, Bujar Nishani Të ftuar Bujar Nishani, Ervin Salianji dhe Agim NESHO

Për lajme të tjera kërkoni në arkiv