• VIDEO

    Kartëmonedha me vlerë më të madhe se 10 mijë lekë? Sejko: S’është në projektet tona, mund të ndodhë në situatë të jashtëzakonshme

    Prerja e kartëmonedhës 10 mijë lekë që është dhe vlera më e madhe në treg, ka ngritur pikëpyetje nëse do të ketë një prerje më të madhe se kaq. Guvernatori Sejko shprehet se aktualisht nuk parashikohet si mundësi, pasi nevojat e tregut përmbushen me serinë e re.

    “Jo, ne nuk parashikojmë që të kemi një prerje më të madhe se 10.000 lekëshi. Nuk kemi asnjë plan. 10.000 lekëshi në fakt ka qenë planifikuar për t’u hedhur në qarkullim, vite para se unë të vija në Bankën e Shqipërisë, para mandatit tim. Veçanërisht periudha e krizës nga pandemia e COVID-it, rriti përdorimin e parasë në qarkullim për ato arsye që ne i kemi komunikuar gjatë konferencave tona të politikës monetare dhe sigurisht që nevoja për një prerje më të lartë ka vite që ka ardhur. Ne materializuam një nevojë të ekonomisë dhe të tregut për prerjen më të madhe që vlerësuam 10.000 lekë, pra Këshilli Mbikëqyrës e vlerësoi prerjen 10.000 lekë. Por nuk parashikojmë që të kemi një prerje më të madhe, pra për momentin prerja 10.000 lekë është prerje që u përgjigjet nevojave të tregut, përdoruesve dhe nevojave të ekonomisë për para fizike”, tha Sejko.

    Një kartëmonedhë me vlerë më e lartë se 10 mijë lekëshi do të projektohet vetëm në rast se do ketë inflacion të lartë dhe krizë të jashtëzakonshme.

    “Nëse do të ketë një inflacion pas shumë vitesh, më të lartë, rritje çmimesh, fluturime në faktorët ekonomikë, parametrat, atëherë është tjetër histori. Rishikohet sipas situatave. Zakonisht këto ndodhin në situata krizash. Aktualisht ne jemi në një moment stabël ekonomik, kemi parashikimet tona dhe nuk parashikojmë që të kemi situata të tilla që të na detyrojnë neve që të hedhim prerje më të larta në qarkullim”, pohon guvernatori.

  • VIDEO

    Xhaçka takon homologun Cavushoglu në Turqi: Do të thellojmë bashkëpunimin në fusha të ndryshme, veçanërisht në forumet rajonale dhe ndërkombëtare

    Ministrja për Evropën dhe Punët e Jashtme, Olta Xhaçka, e cila ndodhet në Antalja, u prit në një takim nga Ministri i Punëve të Jashtme të Turqisë, Mevlut Cavushoglu.

    Ministrja Xhaçka vlerësoi intensifikimin e dialogut midis dy vendeve, teksa nënvizoi nevojën për realizimin e koordinimit të bashkëpunimit për të konkretizuar në një plan veprimi real Deklaratën e Partneritetit Strategjik.

    Bashkëbiseduesit u dakordësuan mbi nevojën për një fokusim konkret për rritjen e bashkëpunimit ekonomik, veçanërisht në fushat e infrastrukturës, teknologjisë, arsimit të lartë, turizmit dhe kulturës. Po ashtu, ata shprehen angazhimin për rritjen e bashkëpunimit në forumet dhe organizmat rajonale dhe ndërkombëtare.

    Kryediplomatja Xhaçka ndodhet në Turqi, në krye të delegacionit shqiptar në Samitin e Procesit të Bashkëpunimit në Evropën Juglindore, si dhe në Forumin Diplomatik të Antaljas.

  • VIDEO

    Gjiknuri nga Sazani, 'kunj' Lelit: Bashkia duhet të bëjë më shumë për pastrimin e ishullit

    VLORË- Drejtuesi politik i qarkut të Vlorës, Damian Gjiknuri ka hedhur “kunja” në drejtim të kreut të Bashkisë, Dritan Leli. Ai tha se pastrimi është një problem dhe shqetësim i shprehur edhe nga turistët, për pasojë bashkia duhet të punojë më shumë në këtë drejtim.

    “Elementi bazë për shumë turistët dhe në Sazan ka qenë se si të jetë ambienti i pastër, kështu që secili nga ne duhet të japë kontributin e tij dhe kjo e mirëpritur dhe pres që institucionet lokale të bëjnë më shumë në këtë drejtim, sepse duhet menduar për një plan menaxhimi në këtë pikëpamje, sepse ishulli është pjesë e Bashkisë së Vlorës dhe e lidhjes së  turizmit të Bashkisë prandaj meritohet më shumë vëmendje”, tha Gjiknuri.

  • VIDEO

    Këlliçi në Report Tv: Nuk kemi luksin të përjashtojmë asnjë demokrat! Basha privilegjoi aleatët në zgjedhje, po të ishin demokratë do të fitonin më shumë

    Partia Demokratike nuk ka luksin që të përjashtojë asnjë demokrat. Kështu tha në një intervistë për Report TV, kreu i Forumit Rinor të Partisë Demokratike Belind Këlliçi, teksa u pyet në lidhje me kandidatët për kreun e PD-së dhe fatin e tyre politik në këtë parti.

    'Ata janë shprehur publikisht se nuk do të tentojnë të largohen nga PD. Ata kanë thënë që projektin do të vijojnë në PD. Ky është vendim i marrë. Personalisht mendoj se ne nuk kemi mundësinë dhe luksin për të humbur asnjë demokrat.'- tha Këlliçi.

  • VIDEO

    Teatri Kombëtar/ Presidenca kërkon shfuqizim të veprimeve, 'Kushtetuesja' në 12 orë asnjë përfundim, pritet vendimi

    TIRANË- Në 12 orë seancë, Gjykata Kushtetuese nuk ka dalë në një përfundim për kërkesën e Presidentit Ilir Meta për çështjen e Teatrit Kombëtar. 

    Presidenti Meta ka kërkuar në Gjykatën Kushtetuese shfuqizimin e kalimit të pronësisë së Teatrit nga Ministria e Kulturës tek Bashkia Tiranë dhe shfuqizim të procedurës së kontratës për ndërtimin e godinës së re të Teatrit Kombëtar. Meta e vendosi theksin te fakti që sipas tij fituesi është paracaktuar me ligji.

    Gjatë seancës gjyqësore,  këshilltari ligjor i Presidencës, Bledar Dervishaj,  rrëfeu përpara togave të zeza, të gjitha parregullsitë që sipas tij, qeveria, por edhe institucioni i Bashkisë, kanë bërë në lidhje me këtë çështje. Dervishaj  nënvizoi se Këshilli Bashkiak, nuk duhej të vendoste pro prishjes së Teatrit, të paktën, derisa të shprehej Gjykata Kushtetueese.

    Sipas presidencës është kërkuar gjithashtu projekti i Teatrit Kombëtar i cili ende nuk ka ardhur. Në lidhje me këto kërkesa të Presidencës për pezullimin e çdo veprimi Gjykata Kushtetuese pritet të marrë nesër një vendim.

    Debati për shembjen e Teatrit Kombëtar nisi që në fund të vitit 2017, por godina u rrafshua mëngjesin e 17 majit, ngjarje e cila solli protesta dhe përplasje fizike mes aktivistëve për mbrojtjen e teatrit dhe policisë. Shembja e godinës u realizua pasi kryebashkiaku Erion Veliaj arriti marrëveshjen me disa nga artistët për ndërtimin e godinës së re. Por, artistët u ndanë në dy grupe, pro dhe kundra shembjes së teatrit. PD-LSI u pozicionuan kundër shembjes së Teatrit, duke e kthyer madje edhe në një nga kauzat opozitare. Një pjesë e artistëve dhe opozita kërkonin rinovimin e tij dhe ruajtjen e ndërtesës si pjesë e trashëgimisë dhe traditës kulturore të Shqipërisë.

    Duke u pozicionuar në krah të PD-LSI, Presidenti Ilir Meta, në korrik të vitit 2019, depozitoi një kërkesë në Gjykatën Kushtetuese për rrëzimin e ligjit nr. 37/2018 të Kuvendit, i cili parashikonte ndërtimin e një teatri të ri, rrjedhimisht shembjen e godinës. Gjithashtu, Meta ka kërkuar rrëzimin edhe të vendimit të qeverisë nr. 377 / 2020 për kalimin e teatrit në pronësi të Bashkisë së Tiranës. Sipas Metës ligji dhe VKM-ja cenojnë parimet kushtetuese të identitetit kombëtar dhe trashëgimisë kombëtare.

  • VIDEO

    Ekzekutimi i vëllezërve Haxhia në Durrës, në pranga dy vrasësit me pagesë! Ranë dakord të kryenin atentatin, por njëri prej tyre u tërhoq pasi u infektua me COVID

    Dy persona të tjerë janë arrestuar teksa vijojnë hetimet për vrasjen e Besmir dhe Viktor Haxhia në Durrës në prill 2020, teksa vendi ndodhej në karantinë nga COVID-19.

    Burime për gazetarin e Report Tv Arsen Rusta, bëjnë me dije se të arrestuarit janë Besian Xhixha dhe Enver Diva, të cilët rezultojnë se janë pajtuar fillimisht nga Nuredin Dumani për të kryer vrasjen e dy vëllezërve.

    Xhixha dhe Diva janë personat që pasi kanë studiuar vendin ku do kryhej vrasja dhe dy vëllezërit që ishin objektivi kanë rënë dakord për të marrë pagesën për të kryer vrasjen. Por Enver Divën e ka zënë COVID dhe kështu është shkatërruar plani i bërë për vrasjen e organizuar.

    Report Tv mëson se Enver Diva është person me rrezikshmëri të lartë shoqërore. Diva është arrestuar më parë për grabitje argjendarie dhe i arratisur nga burgu i Shën Kollit, ku vuante dënimin me 10 vite burg për grabitje me armë, e më pas i arrestuar nga RENEA në 2013.

    Arrestimi i dy bashkëpunëtorëve nga Fushë Kruja, u bë me kërkesë të SPAK. Burime nga policia e Durrësit sqaruan se ata janë arrestuar me vendim gjykate dhe janë kryer mbi 10 kontrolle. 

    Deri tani në pranga për vrasjen e dy vëllezërve Haxhia janë vënë 22-vjeçari Klevis Alla si dhe Altin Ndoci të akuzuar si autorë të dyhsuar të vrasjes së dy vëllezërve.

    Klevis Alla cilësinë e bashkëpunëtorit të prokurorisë dhe policisë ka treguar se së bashku me Talo Çelën, Nuredin Dumanin dhe Altin Ndocin, kanë ekzekutuar me armë zjarri, vëllezërit Haxhia në Durrës. Alla, veç tregimit të vendit ku ishin fshehur armët, ka treguar dhe pozicionin dhe veprimet kriminale që kishin kryer të gjithë pjesëmarrësit.

    Sakaq në kërkim janë shpallur Talo Çela dhe Nurdein Dumani.  Në rrëfimin e tij, Klevis Alla, tregon se shkak i motivit të vrasjes beson se është bërë një shumë parash, që Talo Çela e kishte vjedhur në grabitjen e famshme të Rinasit. Kjo sasi lekësh e papërcaktuar nga dëshmitari Alla, ishte lënë për ruajtje nga Talo Çela në servisin e dy vëllezërve Haxhia, por më pas sasia e lekëve ishte zhdukur

  • VIDEO

    Platforma ‘Gati për Shqipërinë’, aplikon edhe studenti i ‘dhjetorit të dytë’, Rama: Të mbaj mend, protestove fuqishëm kundër meje

    Në takimin e online me aplikantët për platformën ‘Gati për Shqipërinë’ ka qenë edhe një nga studentët që protestuan në dhjetori për Reformën në Arsim.. Kryeministri Edi  Rama tha se e mbante mend atë, pasi kishte "protestuar fuqishëm kundër tij". 

    Rama: Ne jemi takuar bashkë apo jo?

    Studenti: Po

    Rama: Për dijeninë tuaj ne jemi takuar bashkë se doli në protestë fuqishëm kundër meje, prandaj e kam takuar, dhe pastaj ramë dakord që të mos biem dakord, por të jemi shok

    Studenti: Kjo është e bukura e këtyre takimeve

  • VIDEO

    Soreca: BE synon bashkëpunimin me vende si Shqipëria për ta luftuar trafikimin e personave, pikat e strategjisë sonë

    Ambasadori i Bashkimit Evropian në Tiranë, Luigi Soreca, foli për një strategji të unionit për të luftuar trafikimin e qenieve njerëzore, strategji e cila sipas synon edhe bashkëpunimin e ngushtë me vendet jo anëtare si Shqipëria.

    "Qasja e Bashkimit Evropian është në përputhje me atë të OSBE dhe ne besojmë se do të arrijmë sukses vetëm nëse punojmë ngushtësisht me njëri-tjetrin. Më lejoni të falënderoj OSBE-në që këtë çështje vitet e fundit e kanë bërë prioritetet.  Ne kemi  një strategji si BE për të luftuar këtë fenomen. Kjo është një strategji e cila tashmë po shtrihet në të gjitha vendet anëtare të Bashkimit Evropian dhe ne e kërkojmë edhe nga vendet kandidate. Synimi ynë që trafikimin e qenieve njerëzore nga një krim me rrezik të ulët por me fitim të lartë ta kthejmë në një krim me fitim të ulët por me rrezik të madh. Strategjia thekson gjithashtu edhe nevojën e bashkëpunimit me vendet jo anëtare, siç është edhe Shqipëria. Sigurisht që qasja në drejtësi është shumë e rëndësishme", tha ndër të tjera Soreca.

    •  
  • VIDEO

    ‘Gati për Shqipërinë’/ Rama takim online me aplikantët: Mbani kontaktin për cdo gjë që nuk shkon me Borën, se jemi në Tiranë, e dimë si ndodh

    Kryeministri Edi Rama ka zhvilluar ditën e sotme sesionin e katërt online me aplikantët për “Gati për Shqipërinë”, me të rinjtë që bënë një prezantim të shkurtër të CV-së së tyre. Rama ka bërë me dije se kjo mënyrë vlen për të njohur aplikantët si dhe eksplorimin në fusha të ndryshme.

  • VIDEO

    Kim: Biden e ka bërë të qartë që korrupsioni dhe trafikimi i qenieve njerëzore është kërcënim për botën, jo vetëm SHBA!

    Ambasadorja e SHBA-së, në Tiranë, Yuri Kim ka theksuar se korrupsioni dhe lufta kundër trafikimit të qenieve njerëzore janë prioritet për Amerikën dhe këtë e ka bërë të qartë edhe presidenti Joe Biden, nëpërmjet një dekreti.

    “Biden e kanë bërë të qartë që korrupsioni dhe krime të tjera destabilizuese përbejnë kërcënime jo vetëm për SHBA, por edhe për botën. Shqipëria për integrimin në BE nuk i kërkohet asgjë më pas, urdhri i Biden lidhur me Balkkanin Perëndimor e ngre në përparësi, në synojmë përgjegjës ose bashkëpunëtorë për abuzimin me të drejtat e njeriut të jenë pas hekurave. Nëse trafikoni qenie njerëzore do ju pezullojmë hyrjen në SHBA, nëse keni vizë ajo nuk do iu hyjë më në punë, nëse trafikon qenie njerëzore do të marrë veprime për pronën tua nëse ka lidhje me SHBA, urdhri i Biden kërkon veprim kolektiv. Presim bashkëpunimin me OSBE për të zbatuar përgjegjësitë tona së brendshmi dhe së jashtmi për qëllimin e përbashkët, Shqipëria është në një pikë kthese, është anëtare e NATO-së, sapo fituar një vend në OKB dhe Shqipëria është në prag të hapjes formale të negociatave me BE, ky është momenti për Shqipërinë që të tregojnë udhëheqjeje për problematikën e trafikimit të qenieve njerëzore. Falë reformës në Drejtësi, ju e dini që keni profesionistët për të vendosur trafikantët pas hekurat dhe për të ndihmuar viktimat, le të punojmë së bashku për të luftuar trafikimin e qenieve njerëzore”, tha Kim.

  • VIDEO

    Dalin pamjet e arrestimit të dy vrasësve me pagesë të përfshirë në atentatin e vëllezërve Haxhia në Durrës

    Policia ka reaguar zyrtarisht për arrestimin e Enver Divës dhe Besmir Xhixhës si të përfshirë në vrasjen e vëllezërve Haxhia në Durrës në prill të vitit të kaluar.

    Në kuadër të operacionit 'Vazhdimi' policia ka prangosur Besian Xhixhën, 30 vjeç, banues në Larushk, Krujë dhe Enver Diva, 42 vjeç, banues në Fushë Mamurras, Kurbin.

    Për këta shtetas, Gjykata e Posaçme Kundër Korrupsionit dhe Krimit të Organizuar ka caktuar masën e sigurisë "Arrest në burg", për veprat penale "Sigurimi i kushteve dhe mjeteve materiale për të kryer vrasje" , kryer në bashkëpunim dhe "Mashtrimi".

    Nga hetimet e kryera dyshohet se këta shtetas, në bashkëpunim me njëri tjetrin, kanë krijuar dhe siguruar mjetet për kryerjen e vrasjes së shtetasve B. H. dhe V. H. (vëllezër).

    Nën drejtimin e SPAK-ut vijon puna për zbardhjen dhe dokumentimin e plotë të kësaj ngjarjeje dhe kapjen e personave të tjerë të implikuar. 

    Materialet do t’i dërgohen Gjykatës së Posaçme Kundër Korrupsionit dhe Krimit të Organizuar.

  • VIDEO

    Zv.ministrja e Brendshme, Romina Kuko: Do të jemi gur themeli në murin e parandalimit në luftën kundër trafikut të qenieve njerëzore

    Zëvendës ministrja e Brendshme Romina Kuka tha se prezenca e OSBE-së është mbështetje kryesore e institucioneve shtetërore dhe e Ministrisë së Brendshme për parandalimin dhe goditjen e personave që janë të përfshirë në trafikimin e qenieve njerëzore. Kuko tha se ato do të jenë gur themeli në murin e parandalimit të këtij fenomeni.

    'Prezenca OSBE është mbështetja kryesore institucioneve shtetërore dhe Ministrisë së Brendshme për realizmin e objektivave që kanë në fokus aspekte të ndryshme për parandalimin dhe goditjen e personave të përfshirë në trafikimin e qenieve njerëzore.

    Çështje të migrimit të parregullt janë çështje shumë të ndjeshme për Rajonin. Kjo është një sfidë e institucioneve shtetërore, por asnjë strukturë nuk do të ketë sukses pa mbështetjen e institucioneve të tjera për të krijuar më shumë mundësi për parandalimin, mbrojtjen dhe rehabilitimin e viktimave. Asnjëherë nuk është vonë për strategji më të qartë për hetimin dhe ndëshkimin e dukurive të tilla. Qeveria shqiptare po punon në mënyrë intensive me BE. Bashkëpunimi midis strukturave ligjzbatuese, do të mundësoje rritjen e identifikimit referimit dhe sigurimin e trajtimit njerëzor gjatë hetimit të veprave penale. Një rol vendimtar në parandalimin e trafikimit të qenieve njerëzore dhe mbrojtjes së viktimave kanë edhe njësitë vendore.

    Rekomandimet dhe sugjerimet do të afrojnë një pasqyrë të aktiviteteve dhe ne do të jemi gur themeli për të adresuar objektivat dhe aktivitet e nevojshme për të ardhmen. Do përpiqemi me vendosmëri të vendosim një gur në murin e përbashkët që po ndërtojmë për parandalimin e këtij fenomeni.'- tha Kuko.

Për lajme të tjera kërkoni në arkiv