• VIDEO

    Kthjellime dhe rritje temperaturash, njihuni me parashikimin e motit për sot

    Vendi ynë do të mbizotërohet nga alternime kthjellimesh dhe vranësirash të lehta.

    Sipas MeteoAlb mbetet mot me alternime kthjellimesh dhe vranësirash të lehta në zonat malore, por kthjellimet mbizotërojnë bregdetin dhe zonat e ulta deri pak pas mesditës, kur vranësira të shpeshta shfaqen përgjatë kufirit lindor por pa mundur të gjenerojnë reshje. Këto kushte atmosferike mbeten deri mëngjesin pas-ardhës.

  • VIDEO

    Përfaqësuesi ligjor i PD, Logu: Do i shkojmë deri në fund zbardhjes së masakrës zgjedhore! Do ta çojmë në Kushtetuese dhe në Strasburg

    Pas rrëzimit të Partisë Demokratike nga Kolegji Zgjedhor për ankimimet për zgjedhjet e 25 prillit, për qarkun e Fierit, ka reaguar edhe përfaqësuesi ligjor i kësaj partie Marash Logu.

    Logu thotë se betejës së tyre për zbardhjen e masakrës së 25 prillit do ti shkojnë deri në fund. Logu tha se do të përgatisin strategjinë ligjore që do të ndjekim në Gjykatën Kushtetuese dhe në gjykatën e Strasburgut.

    ‘Këto vendime janë të paprecedent dhe në kundërshtim flagrant me ligjin zgjedhor në Shqipëri. Ne e dimë se kush ka qenë prapa këtyre vendimeve. Ka shumë qytetar që na pyesin kush është i frikësuar nga masakra e 25 prillit, kush është dora e zezë që mbyll gojën e përgjigja është një dhe e vetme është Edi Rama. Ky është i interesuar për të shuar çdo hapësirë lirie. Ne do t’i shkojmë deri në fund, demokratët nuk dorëzohen dhe në do ta vazhdojmë deri në fund betejën për zbardhjen e masakrës së 25 prillit. Do përdorim çdo mjet do përgatisim strategjinë ligjore që do të ndjekim në Gjykatën Kushtetuese dhe në gjykatën e Strasburgut.’- tha Logu.

  • VIDEO

    U denoncua nga PD se falsifikoi formularin e dekriminalizimit, Prokuroria: Kryetari i Bashkisë Mallakastër, Qerim Ismailaj i dënuar në Greqi me 3 vite burg

    Kryetari i Bashkisë Mallakastër Qerim Ismailaj rezulton i dënuar në mungesë në Greqi me 3 vite burg për përleshje dhe rrahje me persona të tjerë. Kjo ishte përgjigja që Prokuroria e Përgjithshme i ka kthyer KQZ në lidhje me interesimin e saj, pas denoncimit të PD se Ismailaj ka gënjyer dhe falsifikuar formularin e dekriminalizimit. 

  • VIDEO

    Teatri Kombëtar, Presidenca kërkon pezullimin e çdo veprimi: Është nevojë emergjente! Gjykata Kushtetuese merr vendimin nesër

    Në Gjykatën Kushtetuese ka nisur seanca e dytë për kërkesën e Presidentit të Republikës për çështjen e Teatrit Kombëtar. Presidenti Meta ka kërkuar në Gjykatën Kushtetuese shfuqizimin e  kalimit të pronësisë së Teatrit nga Ministria e Kulturës tek Bashkia Tiranë dhe shfuqizim të procedurës së kontratës për ndërtimin e godinës së re të Teatrit Kombëtar. Meta e vendosi theksin te fakti që sipas tij fituesi është paracaktuar me ligji.

  • VIDEO

    Krimi mjedisor/ Pas denoncimit të Report Tv, Prokuroria e Durrësit nis urgjent hetimet: Nëse ështe ende këtu sekuestrojmë anijen

    Pas denoncimit ekskluziv të Report Tv për krimin mjedisor pak metra larg bregdetit shqiptar, Prokuroria e Durrësit ka komunikuar se do të nisë menjëherë hetimet.

    Gazetari i Report Tv Arsen Rusta ka komunikuar me drejtuesen e prokurorisë Anita Jella, e cila ka falënderuar Report Tv për publikimin e kësaj ngjarje mjaft të rënda.

    Ajo ka nënvizuar se po sekuestrohet dokumentacioni në port se cila anije është dhe cilat janë koordinatat që është bërë krimi mjedisor.

    Ajo bën me dije se nesë anije ndodhet ende në Durrës do të sekuestrohet.

    •  
  • VIDEO

    Ekskluzive/ Krim mjedisor në bregdetin shqiptar, anija e mallrave shkarkon vajin e djegur e shmang tarifat e asgjësimit! Prokuroria nis hetimet (PAMJET)

    Report Tv denoncon përmes pamjeve ekskluzive, një krim mjedisor pranë bregdetit shqiptar. Për të shmangur kostot e asgjësimit portual, një anije mallrash ka shkarkuar në det vajin e djegur. Pas denoncimit, erdhi reagimi i menjëhershëm i Prokurorisë së Durrësit, e cila nisi hetimet për të identifikuar dhe ndëshkuar autorin e një krimi me një dëm sa mjedisor edhe për turizmin detar.

  • VIDEO

    Leli mbyll dyert e 'Petro Markos', fton këshilltarët bashkiak në mbledhje online: Në zyrë keni raportin për çdo pyetje! Mediatizimi sa krijon paqartësi të kota

    Kreu i Bashkisë së Vlorës, Dritan Leli ka thirrur mbledhje online me drejtuesit e bashkisë dhe këshilltarët bashkiak, por që këta të fundit kanë vendosur të mos marrin pjesë pasi ata kërkojnë takime fizike në ambientet e brendshme të teatrit "Petro Marko". Kjo gjë nuk u pranua nga Leli, i cili sqaroi se është në kundërshtim me rregullat e vendosura gjatë pandemisë dhe nuk ka lejuar mbajtjen e mbledhjes aty. Leli gjatë mbledhjes online me drejtuesit e bashkisë ka sqaruar se çdo këshilltari të bashkisë i është dërguar në zyrë një raport specifik mbi të gjitha problematikat dhe pyetjet që ata kanë ngritur për punën e bashkisë Vlorë, ndërsa i fton këshilltarët që nëse kanë paqartësi është në dispozicion për pyetjet e tyre.

     
  • VIDEO

    E rëndë në Roskovec, bie një shtyllë elektrike e tensionit të lartë, humbin jetën dy elekticistë teksa po punonin (EMRAT)

    Një ngjarje e rëndë ka ndodhur paraditen e sotme në fshatin Jagodinë në Roskovec. 2 elektriçistë kanë humbur jetën teksa po punonin pasi janë dëmtuar nga rrëzimi i shtyllës së tensionit të lartë. Kanë humbur jetën tragjikisht Gjergji Duka, 50 vjeç, dhe Bashkim Saliasi 64 vjeç.  

    Burime për Report Tv bëjnë me dije se dy elektricistët kanë qenë duke punuar për të shtrirë një rrjet elektrik të tensionit të lartë në këtë shtyllë. Shtylla elektrike ka qenë me probleme pasi nga erozioni ishte kalbur dhe është thyer në dysh nga pesha e elektricistëve dhe së bashku me shtyllën janë rrezuar në tokë, ku kanë gjetur vdekjen.

  • VIDEO

    Banka e Shqipërisë prezanton për herë të parë kartëmonedhën 10.000 lekëshe dhe prerjen e re të 1000 lekëshit

    Sot është prezantuar për herë të parë kartëmonedha më e re me vlerë 10.000 lekë, si dhe është prezantuar edhe prerja e re e kartëmonedhës 1000 lekë. Këto dy kartëmonedha do të hidhen në treg në 1 korrik 2021.

    Prerja e re e kartëmondhës 10.000 lekëshe pasqyron figurën e poetit të njohur shqiptar, Asdrenit, kombinuar me simbolet figurative të “Flamurit Kombëtar”, si dhe një varg të zgjedhur nga “Himni Kombëtar”, që njihet edhe si HIMNI I FLAMURIT “ Rreth flamurit të përbashkuar/me një dëshir’ e një qëllim”.

  • VIDEO

    Kompania saudite ‘Flynas’ nis fluturimet me Tiranën! Tre fluturime direkte Riad-Tiranë në javë

    “Ëndrra ime është bërë realitet. Kam pritur prej një viti e gjysmë të vij. Më në fund”, shprehet vogëlushja saudite.

    Ky ishte reagimi i një vogëlusheje saudite, e cila preku tokën shqiptare këtë pasdite. Ajo mbërriti me disa dhjetëra bashkëkombës të tjerë nga Riadi, kryeqyteti i Arabisë Saudite, në fluturimin e parë të kompanisë ajrore me kosto të ulët, FlyNas. Pjesa më e madhe e tyre shkelin për herë të parë në tokën shqiptare dhe nuk i fshehin emocionet.

    Nga kjo e hënë FlyNas nis fluturimet mes Tiranës dhe Riadit tre herë në javë, me një Airbus A320. Me rastin e fluturimit përurues, avioni i linjës ajrore saudite u mirëprit në Aeroportin Ndërkombëtar të Tiranës me një përshëndetje uji.

    Për shefin e Përgjithshëm Ekzekutiv të Aeroportit Ndërkombëtar “Nënë Tereza”, Dr. Constantin von Alvensleben, fluturimi i ri pritet të rris turizmin dhe forcoj ekonominë.

    “Ky fluturim i ri është një lajm i shkëlqyeshëm për të dy vendet, sepse do të rrisë turizmin dhe do të forcojë lidhjet ekonomike për pasagjerët e biznesit. Aeroporti është më jetësor këto ditë dhe ky është një hap shpresëdhënës për një përparim të ri për të gjithë udhëtarët dhe Shqipërinë gjithashtu”, shprehet Shefi i Përgjithshëm Ekzekutiv i Aeroportit Ndërkombëtar “Nënë Tereza”.

    Themeluar në vitin 2007, FlyNas është Transportuesi kombëtar Saudit dhe linja ajrore kryesore me kosto të ulët në Lindjen e Mesme me një flotë prej 30 Airbus A320 Aircraft, duke operuar mbi 1,100 fluturime në javë në më shumë se 70 destinacione të brendshme dhe ndërkombëtare.

  • VIDEO

    Dritan Leli u mbyll dyert e Teatrit, deputeti Tahiraj: Po shkel ligjin, mënyra sesi do të zhvillohet mbledhja e përcakton këshilli bashkiak dhe jo kryetari

    Deputeti i zgjedhur i Partisë Socialiste në Vlorë, Anduel Tahiraj tha se ato si këshilltarë bashkiake kanë ndjekur me përpikmëri udhëzimet e ministrisë së Shëndetësisë dhe se mënyra sesi zhvillohet mbledhja e përcakton këshilli bashkiak dhe jo kryetari. Tahiraj tha se po pengohen tē zgjedhurit e qytetarëve tē ushtrojnë detyrën, ndërsa pretendimi për masat anticovid është qesharak.

    ‘Në datën 1 qershor rreth 45 këshilltarë kërkuan një mbledhje jashtë radhës me teme komunikim me kryetarin e bashkisë për sa u përket problematikave në qytet. Kryetari i bashkisë refuzoi të paraqitej në këtë mbledhje me pretendimin e respektimit të masave anti-COVID, por kur është një pretendim qesharak pasi i njëjti kryetra pak ditë më parë dha leje për forca të tjera politike që të zhvillojnë mbledhje në këtë sallë. Ne si këshilltar kemi ndjekur me përpikmëri udhëzimet e ministrisë së Shëndetësisë dhe sot hyn në fuqi mbledhja e 50 vetave në zbatimin e protokollit.

    Ne i kemi kërkuar në mënyrë të vazhdueshme duke i dhënë mundësinë që të reflektojnë në të mirë të qyteti gjë që nuk ka ndodhur ndaj edhe sot jemi në këtë ballafaqim. Ne si organ i zgjedhur i përfaqësueve të Vlorës kemi përgjegjësinë morale dhe institucionale të mbështesim qytetarët e Vlorës në lidhje me shqetësimet e tyre. Kryetari i bashkisë së Vlorës ka humbur mbështetjen e PS-së edhe besimin e qytetarëve të Vlorës. Kjo na ka bërë që ne të marrim në dorë fatet e qytetit.

    Po dhunon lirinë e fjalisë dhe mundësitë që të jep demokracia. Ky është një ballafaqim publik. Rëndësia e mbledhjes ishte e papërshtatshme që të zhvillohej online. Mënyra sesi do të zhvillohet mbledhja e përcakton këshilli bashkiak dhe jo kryetari.’- tha Tahiraj.

  • VIDEO

    “Shtypi i Ditës dhe Ju” me Andi Kapxhiun 15 qershor 2021,SPAK heton të shpallurit “non grata”?

    SPAK i gatshëm të hetojë të shpallurit “non grata” nga SHBA-të. Telefonuesit thonë se ka prova dhe nuk ka pse të pritet më.

Për lajme të tjera kërkoni në arkiv