Disa të burgosur në burgun e Peqinit, janë mbyllur në qeli dhe kanë refuzuar marrjen e ushqimeve.

Në fillim të vitit do nisë investimi për laboratorët e shkollave. Kështu ka deklaruar kryeministri Edi Rama gjatë një takimit që zhvilloi me nxënësit e qytetit të Elbasanit, ku në fokus ishte diskutimi i shqetësimeve të të rinjve. Rama theksoi se numri i studentëve që ndjekin mësuesinë është rritur, ku shtoi kjo degë ka të ardhme pasi po mbështetet financiarisht nga qeveria.

Një autobot me naftë është përmbysur mbrëmjen e djeshme në Qafë Thanë, duke bërë që karburanti të derdhet në rrugë. Fatmirësisht nuk pati persona të lënduar, ndërsa nafta e derdhur në rrugë shkaktoi ndotje ambienti dhe vështirësi në qarkullim për disa orë.

Një aksident i katërfishtë ka ndodhur mbrëmjen e sotme në aksin Elbasan Metalurgji.

Dy persona janë arrestuar nga policia e Elbasanit pasi akuzohen për trafik droge.  Skerdi Meta 18 vjeç dhe Edmond Luli, 29 vjeç, janë vëjnë në pranga për veprat penale “Prodhimi dhe shitja e lëndëve narkotike” kryer në bashkëpunim, "Mbajtja pa leje e armëve shpërthyese dhe i municionit" dhe "Prodhimi,  mbajtja , blerja apo shitja pa leje e armëve të ftohta".

Një aksident ka ndodhur mbrëmjen e sotme në Belsh të Elbasanit ku sipas të dhënave automjeti ka dalë nga rruga dhe si rezultat ka humbur kontrollin.

Bashkëshortja e Lulzim Bitrit, i cili u qëllua me armë pranë një karburanti në Elbasan, ku ishte së bashku me Ardian Çollakun ka treguar se së fundmi kanë pasur dhe vështirësi ekonomike

Studentë me maska, disa të tjerë pa, ndërsa kishte edhe nga ata që në duar kishin pasaportën e vaksinimit, si të vetmen mundësi për të hyrë në auditorë, ndërsa krejt ndryshe duket situata në Universitetin e Korçës dhe të Elbasanit ku sërish është shkelur urdhri.

Drejtori i Përgjithshëm i Policisë së Shtetit Gledis Nano ishte i pranishëm ditën e sotme në Elbasan, ku ka bërë prezantimin e drejtorit të ri të Qarkut, Ardian Çipën

Alban Semaku, ish-anëtari i bandës së Lushnjës, është ekzekutuar me 4 plumba nga pas, tre i ka në shpinë dhe një në kokë. Semaku është rrëmbyer në qytetin e Lushnjes ku kishte vetëm 5 muaj pasi ishte liruar nga burgu dhe më pas është ekzekutuar në Peqin pranë lumit të Shkumbinit ku u gjet dhe trupi i pajetë. Në rrëmbimit të tij janë përfshirë më shumë se 3 persona, të cilët mbeten ende të paidentifikuar.

Një ari i murrmë është gjetur i ngordhur pasditen e kësaj të diele pranë urës së Xibrakës në aksin Elbasan-Librazh. Pamjet janë të rënda, teksa i gjakosur qëndron i shtrirë në rrugë.

Trupi i pajetë i gjetur i vrarë me disa plumba pranë pyllit dhe lumit Shkumbin në qytetin e Peqinit rezulton të jetë 38 vjeçari Alban Semaku, ish-anëtar i bandës së Lushnjes, i cili deri në vitin 2011 mbante dhe emrin Elton Mermali. 38-vjeçari lidhet me një sërë ngjarjesh kriminale të ndodhura më parë, ndërsa ka qenë i dënuar për vrasje, kanosje trafik droge.

Një aksident rrugor ka ndodhur në qendër të Elbasanit, ku një makinë është përplasur me një motor. Si pasojë e aksidentit kanë mbetur të plagosur 2 persona, të cilët ndodhen jashtë rrezikut për jetën. 

Një automjet është përfshirë nga flakët në qendër të qytetit të Elbasanit, teksa ishte në ecje, duke shkaktuar panik te kalimtarët.

Objektivi i atentatorëve, në ekzekutimin e dyfishtë në Elbasan, ku viktima mbetën Ardian Çollaku dhe Lulzim Bitri,  objektivi i ekzekutimit ishte ky i fundit. Në këtë përfundim ka dalë grupi hetimor i ngritur për ngjarjen e rëndë, të cilët kanë zbritur sërish në terren ditën e sotme. Po ashtu bëhet me dije se në atentat morën pjesë më shumë se 3 persona, megjithatë ende nuk ka emra të dyshuar.

Dy ish-zyrtarë të drejtorisë vendore të policisë në Elbasan, të cilët tashmë punojnë në drejtoritë e 2 qarqeve të tjera, si në Lezhë dhe në Korçë, janë vënë në hetim nga Prokuroria e Posaçme Kundër Krimit dhe Korrupsionit.

Një aksion ‘Blic’ po zhvillon policia e Elbasanit, në vendin e quajtur rreth rrotullimin e Luleve për të evidentuar element të veprave penale të ndryshme si dhe persona të dyshuar apo të shpallur në kërkim

Aksidentet rrugore vijojnë të marrin jetë njerëzish në vendin tonë. Sot një grua rreth 53-vjeç ka ndërruar jetë pasi makina në të cilën ajo po udhëtonte është përplasur me një kamion. Përplasja ka qenë shumë e fortë saqë i mori jetën gruas me inicialet F.G, e ndërsa ka mbetur e plagosur një 37-vjeçare, fatmirësisht jashtë rrezikut për jetën.

Që në nisje të “Foltores”, Sali Berisha nuk e ka pranuar asnjëherë se qëllimi i kësaj nisme të tij, pas përjashtimit nga grupi, është marrja e drejtimit të Partisë, por sot si sot e ka thënë “troç” se është i hapur për një rikthim. Historia ka treguar që rikthimet kanë qenë shumë të dobishme, tha sot Berisha nga Elbasani, duke lënë të nënkuptuar se ky mund të jetë edhe rasti i tij.

Gazment Kurmaku kishte një jetë që punonte si kamarier dhe sot u përcoll në banesën e fundit, pasi një klient e vrau teksa po bënte detyrën, si çdo ditë. Të afërmit shprehen se kanë mbetur të shokuar nga kjo ngjarje e ndërsa e përshkruajnë Kurmaku si një njeri të ndershëm e shumë punëtor.