Dy vite e gjysmë pasi pësoi plasaritje nga tërmeti, në mbikalimin e Shkozetit në Durrës nuk është kryer asnjë ndërhyrje! Edhe pse paraqet rrezikshmëri për shkak të fluksit të madh të qarkullimit, Autoriteti Rrugor nuk ka një datë se kur do të nisë punimet, ndërsa për Report Tv deklaron se "është ende në fazë studimi".

Sekuestrohen 2 mina me telekomandë të cilat do shiteshin kundrejt çmimit 6000 euro. Policia e Durrësit në kuadër të operacionit ‘Parandalimi’, në vendin e quajtur "Muzeu", në lagjen nr.9, ka arrestuar në flagrancë Eluar Thaçin, 30 vjeç, banues në Katund i Ri, Durrës.

Një aksident ka ndodhur mbrëmjen e sotme në autostradën Tiranë-Durrës. Dy makina janë përplasur me njëra-tjetrën, ndërsa një makinë ka dalë nga rruga dhe ka përfunduar mbi trafik ndarëse

Gjykata e Shkallës së Parë Durrës ka lënë në burg Barjon Gumenin, administratorin e kompanisë "Alba Ekzotik Fruit", në kontejnerët e së cilës u kapën 11 kg e 675gram kokainë 3 ditë më parë. Në hetuesi, Gumeni nuk ka pranuar akuzat, duke mohuar përfshirjen e tij në trafikun e drogës, ndërsa ka thënë se nuk ka patur dijeni për sasinë e kokainës që u gjet në kontejner. Ndërkohë Prokuroria e Durrësit ka shpallur moskompetencë, me argumentin se trafiku është kryer ng akrimi iorganizuar dhe duhet t'i kalojë SPAK.

Në pranga ka rënë Aleksandër Mehmetaj, i cili plagosi me armë zjarri Spartak Beraqajn 45 vjeç, ngjarje e ndodhur më 20 shtator të 2021 në Astir, Tiranë, pas një sherri ku u përfshinë të dy personat.

Qeveria shqiptare ka marrë vendim sot për t'i dhënë fund problemin me mbetjet në bashkitë e Qarkut Durrës. Këshilli i Ministrave shpreh gatishmërinë që të paguajë diferencat e shpenzimeve për pastrimin e qyteteve.

 Policia ka bërë të mundur arrestimin e një 32-vjeçari në Durrës i cili ishte i shpallur në kërkim, pasi në 2017 është kapur me një sasi kanabisi dhe kokaine. 32-vjeçari është identifikuar si Elvis (Vasil) Mërtiri dhe ishte banues në Durrës.

340,000 doza vaksinash Coronavac do të mbërrijnë në Tiranë, për të intensifikuar edhe më tej vaksinimin masiv ndaj COVID19. Ka qenë ministrja e Shëndetësisë dhe Mbrojtjes Sociale Ogerta Manastirliu, e cila e ka dhënë lajmin gjatë inspektimit të punimeve të qendrës shëndetësore në Borizanë, e cila po rindërtohet nga themelet, pas dëmtimit nga tërmeti i 26 nëntorit.

Duke përdorur fotoshopin 1 biznesmen i ndihmuar nga një jurist i Kadastrës së Durrësit kanë falsifikuar dokumentat dhe kanë regjistruar një pronë 2000m2 dhe një ndërtesë 550 m2 mbi të. Së bashku me 2 punonjës të biznesmenit ata janë arrestuar të katërt sot. 

Një 24-vjeçar ka rënë në prangat e Policisë ditën e sotme në Durrës, pasi ishte shpallur në kërkim për dhënie ndihme, në këmbim të parave, emigrantëve të jashtëligjshëm për të kaluar kufirin.

Një 80-vjeçar, pushues nga Kosova, është mbytur në plazhin e Shkëmbit të Kavajës. Policia bën me dije se ngjarja u regjistrua pasditen e djeshme, rreth orës 18:40, ku 80-vjeçari me inicialet S.O., u fut në det për t'u larë, por fatkeqësisht u mbyt.

Riparimet që po kryen OSHEE në kabinën elektrike kanë shkaktuar luhatje të energjisë elektrike në fshatin Bizë të Ishmit. Banorët që jetojnë në kontejner që prej tërmetit shprehen se u janë djegur pajisjet elektro-shtëpiake, ndaj kërkojnë dëmshpërblim.

Pas "dushit të ftohtë" nga kryeministri Edi Rama i cili  paralajmëroi kryebashkiakët se PS  nuk do të jetë zyrë avokatie për askënd që abuzon me detyrën, kryetari i bashkisë së Shijakut, Elton Arbana ka zhvilluar një takim me punonjës të bashkisë, kryetarët e Njësive, drejtuesit e sektorëve të ndryshëm të bashkisë

Eduart Dauti nuk është një emër i panjohur, pasi në vitin 2019 në konteinerët e po të njëjtës firmë, pra 'Alba Exotic Fruit' në Pire u gjetën 137 kg kokainë që u zëvendësua me oriz. Për kokainën e ngarkuar në kontinerët e 'Alba Exotic Fruit' u shpall në kërkim Gentian Malindi.

Pushimet janë kthyer në tragjedi për një turist nga Serbia që kishte ardhur për pushime në Durrës. Report Tv mëson se ai është mbytur në plazhin e Durrësit. Ngjarja e rëndë është regjistruar rreth orës 13:00, në lagjen nr.13, Plazh, Durrës, teksa viktima është identifikuar me inicialet M. S., 43 vjeç.

Një ngjarje e paprecedentë është regjistruar në Portin e Durrësit, ku efektivë të shumtë policie kanë vrapuar në drejtim të operatorit operatorëve, për t'u fshirë pamjet e filmuara nga droga e kapur sot në një kontejnerët me banane. Policia i ka marrë operatorit tonë, Renatos, celularin dhe i ka fshirë videot, mirëpo redaksia i ka rikthyer për shkak të lehtësive që teknologjia ofron ditët e sotme

Një sasi kokaine prej rreth 11 kg e 675 gram është kapur në Portin e Durrësit mesditën e sotme, në një kontejner të ngarkuar me banane që vinte nga Ekuadori. Kokaina u gjet pas një kontrolli të Policisë Kufitare, ku nga skaneri rezultoi se droga ishte e fshehur në pjesën e motorit të frigoriferit të kontejnerit. Policia ka shoqëruar shoferin e kamionit që shkoi të tërhiqte kontejnerin si dhe menaxherin e firmës shqiptare që e kishte porositur.

Në pranga ka rënë Samed Lisaj, nga Shkodra, i cili u kap në një taksi, në lagjen nr. 17, ndërsa në çantë iu gjetën 2 granata dore, 4 kapsolla detonatore, 491 gramë lëndë eksplozive e dyshuar si C4 dhe 490 fishekë luftarak.

Policia e Durrësit në kuadër të kontrolleve për zbatimin e masave anti-COVID ka gjobitur me 1 milionë lekë pronarin e një lokali në Durrës pasi është konstatur duke vijuar punën pas orarit të përcaktuar për mbyllje.

Në pranga ka rënë Astrit Keçi, subjekt i OFL, i cili u arrestua në vitin 2018 nga policia shqiptare pasi kërkohej nga drejtësia italiane për trafik droge, ku ishte dënuar në mungesë me 30 vit e burg. Është e paqartë se kur, apo si,  Keçi u lirua nga burgu në Itali, ku u ekstradua. Ndërkohë u shpallën në kërkim Xhulio Keçi dhe  Kleart Keçi, të afërm të Astrit Keçit.