Kronikë

Një atentat me armë zjarri ka ndodhur këtë mbrëmje në qytetin bregdetar të Vlorës ku për pasojë është plagosur një 36-vjeçar. Burime për Report Tv bëjnë me dije se Diego Hanaj ka marrë plagë në dorë ndërsa gjendja e tij raportohet jashtë rrezikut për jetën. Dyshohet se ngjarja ka ndodhur për motive hakmarrje.

Policia Rrugore në Tiranë ka arrestuar 5 shoferë të cilët janë kapur duke drejtuar mjetet në gjendje të dehur dhe pa patentë. Mësohet se 23 drejtues mjetesh janë gjobitur për gara shpejtësie në zonat e banuara.

Nga

Arsen Rusta

Ish-deputeti i PD, Myslim Murrizi është vënë në hetim nga Prokuroria e Tiranës për mosdeklarimin e një transaksioni 60 mijë euro nga kompania që ai zotëron 50% të aksioneve. Në periudhën 2014- 2019 janë kryer nga kompania 'Murrizi 2009' gjithsej 575 mijë euro transaksione, 515 prej të cilave janë deklaruar në ILDKPKI, ndërsa 60 mijë euro mungojnë në deklarime. Në një reagim për Report Tv, Murrizi e quan sulm politik.

Vinçens Piroli, 34-vjeçar, i cili qëllua me pistoletë më silenciator më 3 janar, u ndihmua nga 1 person që e ka dërguar në spital dhe më pas është larguar. Marjan Marku por edhe vetë Piroli janë ndaluar nga policia dhe akuzohen për moskallëzim krimi dhe pengim të së vërtetës.

Në fshatin Drizë të Fierit është gjetur i mbytur në një kanal vaditës një 56-vjeçar. Fiqeri Muhameti mendohet se ka rënë aksidentalisht në kanal anës rrugës duke lëvizur me biçikletë dhe është mbytur.

Në 11 vjetorin e vrasjes së 4 protestuesve në bulevard përpara Kryeministrisë, Prokuroria e Tiranës i ka kërkuar përgjigje Policisë për veprimet e lëna për të bërë, për ekzaminimin dhe identifikimin e armës që vrau Aleks Nikën. Në maj të 2021 dosja e "21 Janarit" u kthye në polici për veprim, por ende Prokuroria nuk ka marrë një përgjigje.

Dauti e konsideron shoqërimin e tij në komisariat si të padrejtë, teksa shprehet se ka kallëzuar penalisht efektivin e policisë. Ai thekson se ka qenë me familjen dhe se në asnjë moment nuk ka përdorur postin e tij.

Tregtarët romë të produkteve të përdorura në Elbasan u ngritën këtë të mërkurë në protestë para institucionit të bashkisë  pasi kjo e fundit ndërmori aksionin për lërimin e hapësirave publike. Nga ky aksion janë prekur rreth 80 tragtarë të cilët prej gati 30 vitesh shesin në rrugë për të siguruar mbijetesën

Nga

Sokol Dema

Siguria, kriminaliteti dhe lufta ndaj kultivimit të drogës janë fokusi i takimit, ku drejtorët e qarqeve do të raportojnë për punën e tyre të bërë gjatë viti të kaluar, por do të jepen edhe udhëzimet e duhura nga kryepolici lidhur me garantimin e jetës së qytetarëve por dhe kapjen e autorëve të atentateve të fundit të ndodhura në vend, që kanë mbetur të pazbardhura.

Emiliano Domi, 25 vjeç është arrestuar nga policia në SHBA pasi qëlloi me thikë natën e Vitit të Ri nënën e tij në Nju Xhersi. Ai ka treguar përpara hetuesve se qëllimi i tij ishte që ta vriste atë. Madje kur u largua nga shtëpia, ai kishte menduar se ajo ka vdekur

Një 26 vjeçar është arrestuar pasi akuzohet se ka zhvilluar në mënyrë të paligjshme lojërat e fatit në lokalin e tij.

Ishte parashikuar që sot Saimir Tahiri të dilte para Apelit të Gjykatës së Posaçme Kundër Krimit dhe Korrupsionit (GJKKO), në seancën e parë pasi çështja e tij u rikthye nga Gjykata e Lartë, por ndryshimi i trupës gjykuese ka bërë që seanca të shtyhet serish. Pas dorëheqjes se gjyqtares Daniela Shirka ajo u zëvendësua nga Florjan Kalaja, i cili sot ka kërkuar kohë për tu njohur me dosjen.

Një ditë para mbajtjes së seancës gjyqësore ndaj ish-ministrit Saimit Tahiri, një nga gjyqtaret e trupit gjykuese është tërhequr. Mësohet se gjyqtarja Daniela Shirka është tërhequr në mënyrë të papritur dhe do të zëvendësohet nga gjyqtari Florjan Kalaja, gjyqtar i komanduar në Gjykatën e Apelit Durrës, i cili ka kaluar vetingun në fund të vitit 2020.