Kronikë

Kryebashkiaku Erion Veliaj ka inspektuar nisjen e fazës së dytë të punimeve në impiantin e Bovillës. Në fjalën e tij, Veliaj tha se ky investim do të mundësojë furnizimin me ujë të qytetit të Tiranës për 24 orë, teksa do të përfitojë edhe Bashkia e Kamzës.

Një 47-vjeçar ka rënë në pranga pasi i ka ofruar para një vajze të mitur në këmbim të marrëdhënies seksuale.

GJKKO ka lënë në fuqi masën ‘arrest me burg’ për Edlira Naqellarin, ish-drejtoreshën e Prokurorimeve Publike, e cila përfundoi pas hekurave pas zbulimit të tenderit abuziv 2.8 mld lekë me uniformat e policisë. Edlira Naqellari kishte kërkuar zbutje të masës së sigurisë, por kjo kërkesë u refuzua.

Kryeministri Edi Rama mëngjesin e sotëm, i shoqëruar nga Ministri i Rindërtimit, Arben Ahmetaj dhe Ministria e Arsimit Evis Kushi, ka vizituar shkollën 9-vjeçare “Gjon Luka” në Luz të Fush Krujës.

Redon Leka, 21-vjeçari i cili tentoi të prishte performancën e këngëtarit Goran Bregoviç gjatë Festës së Birrës në Korçë, është lënë në burg ditën e sotme nga Gjykata. Seanca u mbajt sot në orën 10:30, ndërsa ishte prokuroria që kërkoi masën e  sigurisë "arrest me burg".

Vendi ynë do të përfshihet nga reshje shiu gjatë fundjavës. Në një lidhje për Report TV, meteorologia Adiola Bani tha se reshjet kryesisht do të bien në zonat veriore, ç’ka do të ndihmojnë edhe në shuarjen e flakëve. Sakaq, temperaturat pritet të zbresin deri në 23 gardë celsius në veri të vendit, ndërsa në zonat qendrore dhe të ulëta termometri do të shkojë deri në 30 gardë.

Teksa kontrollet për parandalimin, evidentimin dhe goditjen e tentativës për kultivim të bimëve narkotike vijon, policia ka vënë në pranga 1 person në Mirditë.

Jahti i Jeff Bezos është ndalur në Sarandë. Jahti, i cili ka edhe helikopter privat, i është dhënë një kompanie e cila e jep me qira ndërsa mendohet se është ndalur në Sarandë për tu furnizuar me karburant.

Pavarësisht rritjes së infektimeve kryesisht nga varianti Delta Komiteti teknik i Ekspertëve nuk ndryshon masat anti-Covid në Shqipëri por apelon të respektohet mbajtja e maskës në ambientet e mbyllura. Deri tani 27% e popullsisë është vaksinuar me 2 doza.

Një aksident i rëndë në të cilin janë përfshirë 2 automjete dhe kanë mbetur të lënduar 2 shoferët dhe 4 pasagjerë është regjistruar mëngjesin e kësaj dite në “Mbikalimin e Patokut” në superstradën Milot – Fushe Krujë.  

Një ditë më parë, Policia Rrugore e Korçës, ka vënë në pranga 30-vjeçarin A.K, i coli teksa po drejtonte automjetin e tij tip “Benz” u përplas me motorin tip “Piaggio”, pa targa me drejtues 77-vjeçarin A.Sh, banues në fshstin Cangonj, Devoll, i cili për pasojë ka gjetur vdekjen e menjëhershme.

Bledar Selmanaj dyshohet se është autori i vrasjes së 25-vjecarit Xhulian Bullari, trupi i të cilit u gjet 4 ditë më parë i vrarë në një makinë në Babicë të Vlorës. Selmanaj u vu në pranga ditën e sotme në zonën e "Bllokut" në Tiranë, ndërsa rezulton person i dënuar disa herë më parë për vjedhje. Rezulton se ai dhe viktima njiheshin me njëri-tjetrin, ndërsa ngjarja ndodhi pas një konflikti për pazare droge dhe një borxh që Bullari i kishte Selmanajt.

Avokati i Selim Çekaj, Maks Haxhia vijon të hedh akuza ndaj Gjykatës së Posaçme të Apelit se gjyqtarët e çështjes po shkelin të gjitha procedurat duke mbajtur në burg Selim Çekajn, ndërkohë që vetë prokurori i çështjes kërkon lirimin e tij. Ai ka kërkuar largimin e gjyqtarit Dhimitër Lara, pasi sipas Haxhisë ai e ka personale me familjen Çekaj dhe nuk mund të jap një gjykim të drejtë. Selim Çekaj, 72-vjeç, është arrestuar pasi në kontejnerin që kishte porositur me banane u gjetën 49 kg kokainë, në Portin e Durrësit.

Me ëndrrën për një jetë më të mirë, shqiptari 36-vjeçar Fasli Lesi pasi iu premtua një pune e ndershme dhe e mirë në Britaninë e Madhe, përfundoi në një “Shtëpi Bari”.

Këtë të mërkurë qyteti i Kukësit është përfshirë nga reshje të dendura shiu që prekën dhe territoret e vatra aktive zjarresh prej më shumë se tre javësh