Kronikë

SPAK çon për gjykim 31 të pandehurit e operacionit “Shpirti” të akuzuar për grup i strukturuar kriminal e trafik droge. Ish prokurori i Vlorës Maksim Sota dhe Ilirjan Balla, Artur Krasniqi, Festim Lelaj funksionarë shtetërorë kanë kryer veprën penale “Shpërdorimi i detyrës”.

Një 27-vjeçar ka humbur jetën mesditën e sotme në Cërrik, pasi i ka shpërthyer një granatë në dorë. Viktima është Erion Rexhepi, person pa precedentë penalë, ndërsa paraprakisht dyshohet se ngjarja është aksidentale.

Kryetari i dhomës së avokatisë Shkodër, Anton Kosteri thotë se kjo hartë e re gjyqësore është në shkelje të rëndë të interesit publik, duke argumentuar se i largon qytetarit gjykatën.

Jo pak por 35 mijë është numri i çështjeve të pashqyrtuara që janë në pritje në Gjykatën e Lartë dhe sipas zëvendës kryetarit Sokol Sadushi, rreziku më i madh është krijimi i një stoku të ri. Ai kritikoi avokatët për depozitimin e rekurseve të pabazuara, ndërsa e cilësoi domosdoshmëri hartën e re gjyqësore.

Punonjësi i një supermaketi në Sarandë, që vëzhgonte kamerat e sigurisë ka bashkëpunuar me grabitësin serial për të vjedhur 200 mijë euro. Policia ka zbuluar skemën dhe ka vënë në pranga 2 prej autorëve të vjedhjes së supermarketit.

Një sasi droge është sekuestruar në pikën kufitare Qafë Botë mbrëmjen e djeshme në një mjet që po tentonte të kalonte kufirin në Greqi. Gjatë kontrollit të automjetit policia gjeti dhe sekuestroi një sasi kanabis, ndërsa arrestoi dy persona.

Një aksident ka ndodhur mbrëmjen e sotmë në aksin Durrës Maminas, ku janë përplasur dy makina.  Sipas policisë një automjet me drejtues shtetasin F. D., është përplasur me automjetin me drejtues shtetasin P. M.

3 persona janë shoqëruar nga policia si autorë të dyshuar të grabitjes së 20 mijë euro  nga një supermarket në Sarandë më 12 dhjetor. Autorët pasi vodhën paratë, morën dhe një server të kamerave të sigurisë për të mos u zbuluar, por duket se një tjetër server i fshehur ka bërë të mundur filmimin e autorëve dhe të gjitha veprimet e tyre.

Gjykata e Lartë kthen për rishqyrtim në gjykatën e Apelit të Shkodrës me një tjetër trupë gjyqësore çështjen e tjetërsimit të pronave në zonën e ‘Ranës së Hedhun’ në Shëngjin ku u dënuan 17 persona mes tyre dhe ish kryetari i bashkisë së Lezhës, Fran Frrokaj.

Pasi Gjykata Administrative e Apelit vendosi të rikthej koncesionin e segmentit Thumanë-Kashar i anuluar nga qeveria për mungesë fondesh, Këshilli i Ministrave autorizon Ministrinë e Infrastrukturës të nënshkruaj kontratën koncesionare.

5 zyrtarë policie, mes tyre edhe shefi i Krimieve në Policinë e Mallakastrës, janë lënë në burg nga gjykata e Fierit, pasi dyshohet se kanë lejuar kultivimin e kanabisit në afërsi të Urës së lumit Vjosë, në Poçem të Mallakastrës. Ndërsa 3 efektivë të tjerë janë lënë me masën 'detyrim paraqitje'

Një pikë dhënie kredie është grabitur mesditën e sotme në Korçë. Mësohet se autori, i cili tashmë është arrestuar, e ka kryer grabitjen nën kërcënimin e një pistolete lodër.

Nga

Adriatik Doci

Qeveria harton ligj të ri për ruajtjen e informacionit të klasifikuar, shtohen informacionet që do të konsiderohen sekret, çdo qytetar është i detyruar të mbrojë dhe të mos përhapë informacionin e klasifikuar