Kronikë

Një atentat në mes të qytetit ka tronditur mbrëmjen e sotme Lushnjen. Me breshëri kallashnikovi është ekzekutuar 34 vjeçari Bledar Muça në ambientet e lokalit të tij bar “Pedonale”. Ai ishte i ulur në tavolinë duke pirë kafe kur u qëllua për vdekje, ndërsa nga breshëria e plumbave u plagosën 5 persona të tjerë, mes tyre edhe 2 gra.

34-vjeçari Leonard Rrapi ka ndërruar jetë në Spitalin e Traumës në Tiranë, ku ishte dërguar për mjekim, pasi u përplas një ditë më parë nga një makinë që udhëtonte me shpejtësi skëterre në Berat.

Një shqiptar është dënuar në Britaninë e Madhe me 16 muaj burg pasi është konstatuar nga autoritet vendase me 4 mijë paund në makinë, një thikë si edhe një çantë me mbetje kanabisi. Më 13 maj ai u arrestua duke udhëtuar në një makinë dhe akuzohet se ka përfituar të ardhura nga shitja e drogës. Sipas raportimeve nga mediat e huaja, 27-vjeçari përdorte tre emra, një italian, një bullgar dhe shqiptar.

Një tjetër aksident është regjistruar këtë mbrëmje në aksin rrugor Milot-Morinë. 2 makina janë përplasur dhe si pasojë kanë marrë dëmtime drejtuesi i mjetit G.R., dhe pasagjeri në këtë mjet E.R., 34 vjeç, të cilët janë transportuar në spitalin e Traumës në Tiranë dhe ndodhen jashtë rrezikut për jetën

43,512 doza të vaksinës Pfizer kanë mbërritur mbrëmjen e sotme në aeroportin “Nënë Tereza”. Në total numri i vaksinave që kanë mbërritur në vendin tonë ka shkuar në 1,899,172.

Ministri i Jashtëm italian, Luigi Di Maio tha se Italia do të dhurojë brenda vitit 2021 rreth 15 milionë doza të vaksinave kundër COVID-19 për vendet në nevojë për vaksina si Shqipëria, Kosova, Libia, Jemeni, Libani e Indonezia.

Hapet tuneli i Skërficës në segmentin rrugor Kardhiq-Delvinë, që do të lidhë Gjirokastrën me Delvinën. Ministrja e Infrastrukturës Belinda Balluku tha se deri më tani janë kryer 65% e punimeve, ndërsa do të vijohet me asfaltimin dhe ndriçimin e tunelit

Shpejtësia mbi normat dhe parakalimet e gabuara kanë sjell një tjetër aksident mbrëmjen e ditës së sotme në aksin rrugor Vlorë-Levan. Bëhet me dije se si pasojë e aksidentit kanë mbëtur të plagosur 3 persona, ku njëri prej tyre në gjendje të rëndë. Dy automjete janë përplasyr më njëri-tjetrin, ku një prej tyre është përmbysur në rrugë.

Shqipëria dhe SHBA kanë firmosur në Washington D.C. një marrëveshje që synon forcimin e bashkëpunimit në luftën kundër vjedhjes dhe trafikimit të objekteve kulturore nga vendi ynë. Kjo marrëveshje  është vlerësuar dhe përshëndetur nga ambasadorja Yuri Kim.

Del videoja e përplasjes së pronarëve të resorteve në Moravë të Korçës për pronën, që përfundoi me një të plagosur me thikë dhe një të arrestuar. 

Vrasja e një dhie të egër në anën greke të Malit Gramoz ka nxitur reagimin dhe shqetësimin e shoqatave mjedisore dhe atyre të mbrojtjes së jetës së egër.

Disa vatra zjarri vijojnë të jenë aktive prej ditësh në vendin tonë. Më problematike sipas ministrisë së Mbrojtjes është varta në Majën e Rrunës në Kukës.

Gjatë 24 orëve të fundit janë shënuar 397 raste të reja me COVID-19 dhe nuk është shënuar asnjë humbje jete. Në Spitalin Infektiv  po marrin trajtim 84 pacientë.