Kronikë

Nëpërmjet një konference, Kushi ka bërë me dije se viti i ri shkollor 2021-2022 do të fillojë dy javë përpara datës zyrtare me qëllim që të gjitha mangësitë e programit shkollor të plotësohen. Por, ky plan do të zbatohet në varësi të nevojave që ka çdo shkollë.

 Këshilli i Bashkimit Europian i ka konsideruar fushatë disinfromuese dhe shpifje, akuzat e bëra nga Aleanca për Teatrin, në drejtim të ambasadorit të BE-së në vendin tonë Luigi Soreca, të mbërritura deri në SPAK.  Në një deklaratë, zëdhënësi kryesor për punët e Jashtme, Peter Stano thotë se akuzat janë të pabazuara në prova, ndërsa shton se liderët e Brukselit kanë besim të plotë te Soreca. 

Një sasi kokaine prej rreth 11 kg e 675 gram është kapur në Portin e Durrësit mesditën e sotme, në një kontejner të ngarkuar me banane që vinte nga Ekuadori. Kokaina u gjet pas një kontrolli të Policisë Kufitare, ku nga skaneri rezultoi se droga ishte e fshehur në pjesën e motorit të frigoriferit të kontejnerit. Policia ka shoqëruar shoferin e kamionit që shkoi të tërhiqte kontejnerin si dhe menaxherin e firmës shqiptare që e kishte porositur.

Është përcjellë për në banesën e fundit Uran Kostreci, ish-i përndjekur politik, legjenda e qendresës anti-komuniste. Homazhet në nderim të shkrimtarit disident u mbajtën në Godinën e të Përndjekurve Politikë

Ruçi bën me dije se gjatë takimit janë vlerësuar marrëdhëniet e shkëlqyera Shqipëri-Kroaci, sidomos në fushën e sigurisë, mjedisit dhe infrastrukturës. Ruçi dhe Butkovic shkëmbyen mendime për forcimin e partneritetit mes dy vendve, për ta shtrirë bashkëpunimin edhe në fusha të tjera si turizmi, energjia etj.

Kreu i Grupit Parlamentar të Partisë Socialiste, Taulant Balla ka inspektuar punimet për rehabilitimin e disa segmenteve rrugore në lagjen “Brigada e 17 Sulmuese”. I shoqëruar edhe nga kryetari i Bashkisë Gledian Llatja, Balla bëri me dije se Bashkia po bëhet gati për të nisur projektin i cili synon të rikonstrukturojë sheshet e çdo pallati.

Me datën 14 tetor, Komisioni i Venecias pritet që të shqyrtojë kërkesën e Gjykatës Kushtetuese për një opinion për zgjedhjet lokale të 30 qershorit.

Pamje të tmerrshme na vijnë nga Fieri, ku një makinë ka tërhequr zvarrë një qen. Pamjet janë regjistruar në Seman të Fierit, ku nga një kontroll të bërë nga redaksia e Report Tv, makina është në pronësi të Fredi Spahija, nga Hoxhara e Fierit.

Drejtori i Qendrës Bujqësore në Lushnje, Andrea Muça ka pohuar se aktualisht në serat e Qendrës së Transferimit të Teknologjive Bujqësore, ndodhen disa kubike të mbjella me fara që dyshohet të jenë kanabis sativa (hashash). Këto bimë dhe fara të porsambjella janë mbjellë në serat eksperimentale të qendrës me urdhër të prokurorisë dhe qendrojnë aty për 45 ditë deri dhe në zhvillimin e plotë

Dy persona kanë rënë në pranga pas një operacioni të zhvilluar nga Policia, ku dy shtetas pas kontrollit të ushtruar janë konstatuar me 20 kg lëndë narkotike cannabis sativa.

Në pranga ka rënë Samed Lisaj, nga Shkodra, i cili u kap në një taksi, në lagjen nr. 17, ndërsa në çantë iu gjetën 2 granata dore, 4 kapsolla detonatore, 491 gramë lëndë eksplozive e dyshuar si C4 dhe 490 fishekë luftarak.

Reporterët pa Kufij ka dalë kundër emërimit të Armela Krasniqit në krye të AMA-s, pa pritur parlamentin e ri në shtator ku do të jetë pjesë edhe opozita. Në reagimin e tyre, ato kanë dënuar emërimin e saj, duke e cilësuar si një kërcënim për lirinë e fjalës në media.

Edhe këtë vit në zonat bregdetare mungojnë rojet, ndërsa Federata e Vrojtuesve të Plazhit kërkon nga Bashkia e Lezhës të ushtrojë kontrolle ndaj operatorëve turistikë që nuk zbatojnë kontratat. Robert Necaj thotë se në Lezhë janë vetëm 70 roje bregdetare, ndërsa është e nevojshme të jenë 250 të tillë. 

Një 61-vjeçar me iniciale F.B, banues në Tiranë, është arrestuar nga policia e Vlorës për kultivim kanabisi

Plazhi i Ksamilit është pastruar nga shezlongët e pronarëve të bizneseve që i kishin vendosur nga leje. Report Tv sjell pamje nga operacioni i efektivëve të Policisë teksa po largojnë shezlongët.