Kronikë

Skënder Brataj tha se grumbullimet për faljen e Namazit janë me rrezik dhe se nuk duhet të bëheshin, por shtoi se nuk kanë se çfarë të komentojnë veprimin e besimtarëve, ku vetë politika dha shembullin e gabuar me tubime elektorale gjatë fushatës zgjedhore.  Në lidhje me lehtësimin e masave anti-COVID për heqjen e maskave të atyre që kanë bërë vaksinën apo dhe orës policore mjekët u shprehën hezitues.

Ekzekutimet e fundit mafioze që janë regjistruar në qytetin e Elbasanit kanë vënë në lëvizje strukturat e rendit. Mësohet se Shefi i hetimit në drejtorinë e policisë së Elbasanit, Gjon Gecaj është liruar nga ky pozicion, duke u transferuar në sallën operative të drejtorisë së policisë Lezhë.

Ditën e sotme në vendin tonë janë kryer 5.662 vaksinime anti COVID, kurse që nga fillimi i fushatës “Shqipëria Buzëqesh” janë bërë 638.338 vaksina. Shifrat i ka publikuar ministrja e Shëndetësisë Ogerta Manastirliu.

Një aksident ka ndodhur sot në Vorë, ku janë përplasur 2 makina pasi njëra prej tyre ka dalë nga rruga.

45 raste të reja dhe 3 humbje jete nga COVID janë regjistruar në 24 orët e fundit në vendin tonë. 3 viktimat janë të moshave 60-87 vjeç.

Nuk bëhet me dije se të cilës vaksinë janë dozat që do të dhurohen, ndërsa Kroacia përdor vetëm vaksina të miratuara nga Agjencia Evropiane e Barnave (EMA), përkatësisht: AstraZeneca, Pfizer/BioNTech, Moderna dhe Johnson and Johnson.

Në kujtim të 56 mjekëve që humbën jetën në betejën kundër Covid-19, tek Parku i Liqeni janë mbjellë 56 selvi. Kryebashkiaku Erion Veliaj shkruan se kjo do hapësirë do të jetë një oaz reflektimi për familjet e këtyre mjekëve.

Një aksident është regjistruar pasditen e sotme në Vlorë, ku fatmirësisht nuk kanë mbetur persona të lënduar. Aksidenti është regjistruar në rrugën e lumit të Vlorës, pranë fshatit Drashovicë.

Lalm i ri është një lagje në Lezhë ku janë kryer shumë investime por shtyllat elektrike ende nuk janë zhvendosur nga rruga. Banorët thonë se ato janë burim për aksidente, ndërsa kërkohet ndërhyrja nga ana e OSHEE-së.

Nga

Arsen Rusta

Një rrugë e cila duhet të përshkohet me 40 km në orë, është kthyer në pistë garash për shoferët e papërgjegjshëm. Dy ditë më parë një aksident me vdekje ndodhi në bulevardin e Yzberishtit, kurse mungesa e një semafori bënë që shoferët të sfidojnë njeri-tjetrin duke rrezikuar jetën e të tjerëve.

Nga

Adriatik Doci

SPAK zbarkoi tek pasuritë e paligjshme të ish gjyqtarëve të nivelit të lartë që u shkarkuan nga Vetingu. Dëshmitë e fqinjëve nxorën zbuluar njerëzit e drejtësisë.

Report Tv ka siguruar pamjet pak pas vrasjes së Everest Çakës dy net më parë në Elbasan, i cili u qëllua për vdekje me breshëri plumbash teksa ndodhej në makinë së bashku me gruan e tij

KLSH ka kallëzuar në prokurori 3 ish-funksionarë të Kadastrës së Sarandës dhe 4 funksionarë të Dr. së Rrugëve, Rajoni Verior Shkodër. 7 funksionarë të Shkodrës dhe Sarandës akuzohen për shpërdorim detyre.

Ashtu si edhe vitin e kaluar, forcat e armatosura të NATO-s në Letoni kanë përkujtuar dy Dëshmorët e Atdheut, major Klodian Tanushi dhe Rreshter Zarife Hasanaj të cilët ranë në krye të detyrës gjatë një misioni në Letoni.

“Që nga Samiti I Selanikut në vitin 2003, Greqia ka qenë e orientuar në mënyrë të vendosur, drejt mbështetjes së rrugës europiane të Ballkanit Perëndimor, deklaroi sot presidentja greke, Katerina Sakellaropoulou gjatë takimit me kryeministrin e Malit të Zi, Zdravko Krivokapiç, në Athinë.

Në këtë ditë të Fitër Bajramit, drejtori i Kadastrës Artan Lame, ka zgjedhur t'i  dorëzojë Myftinisë së Lushnjës certifikatën e legalizimit të xhamisë së qytetit. Xhamia kryesore e Lushnjës e ndërtuar në vitin 1938 dhe e rindërtuar në vitet 90, nuk ka pasur certifikatë pronësie dhe kjo është mundësuar vetëm së fundmi.