Kronikë

Shtetet e Bashkuara kanë dhënë më shumë se 2 milion dollarë për Shqipërinë në përgjigje të pandemisë COVID-19, duke përfshirë këta 10 inkubatorë, 10 tavolina reanimacioni, 12 ngrohës dhe 10 llampa foto-terapie për njësinë e kujdesit intensiv për të sapolindurit në spitalin "Koço Gliozheni".

Janë rikthyer në detyrë 4 punonjësit e Policisë të Forcës së Posaçme "Shqiponja” në Drejtorinë Vendore të Policisë në Lezhë, të cilët ishin pezulluar pak ditë me parë, pasi qëlluan me armë zjarri, duke festuar ditëlindjen e shefes së tyre

Prej mese një viti, në platformën e-Albania, të ndërtuar nga Agjencia e Shoqërisë së Informacionit, qytetarët kryejnë çdo shërbim online, nga pagesa e gjobes tek apelimi pranë Policisë së Shtetit. Drejtoresha e AKSHI-t, Linda Karçanaj bëri të ditur se këto shërbim kanë kursyer 12 vite pritje në radha të qytetarëve pa llogaritur lodhjen apo rryshfetet që mund t’u kërkoheshin.

Tashmë kolaudimi nën përgjegjësinë e DPSHTRR ka edhe ndryshime, ku kontrolli teknik nuk do të kryhet çdo vit, por me afate të tjera. Gonxhe tha se nuk do të ketë asnjë lloj gjobe. Të gjitha gjobat që do të lidhen me kolaudimin do të vendosen vetëm pas fillimit të ciklit të ri të kolaudimeve me afatet e reja

Pas shtrirjes së vaksinimit në disa grupe risku, Shoqatat e Transportit Urban kërkojnë të përfshihen edhe ata në grupet prioritare për të bërë vaksinë antiCOVID. Shoqatat e Transportit urban shprehet se punonjësit e këtij sektori janë të ekspozuar për infektim me COVID 19 duke qenë se janë në kontakt të vazhdueshëm me individ të ndryshëm,për shkak të shërbimit që ofrojnë.

Në 24 orët e fundit në vendin tonë janë regjistruar 336 të infektuar dhe 6 viktima nga COVID-19. Numrin më të madh të rasteve pozitive me COVID e mban Tiranë e ndjekur nga Elbasani, Fieri e Shkodra. Ndërsa viktimat si pasojë e virusit nisin që nga mosha 47-vjeç deri në 83 vjeç. I lartë mbetet dhe numri i të shëruarve në 24 orët e fundit, ku 625 pacientë kanë fituar betejën e tyre me COVID.

Fushata e vaksinimit masiv në Shqipëri është në të njëjtat nivele me fushatën e vaksinimit në Bashkimin Evropian. Sipas të dhënave të revistës shkencore online, Our World in Data, Shqipëria është vetëm 0.04 pikë larg  shifrave të BE-së dhe 0.02 pikë larg atyre të Gjermanisë.

Në Dibër dhe në Krujë ka nisur procesi i vaksinimit edhe për qytetarët mbi grupmoshën 70 vjeç. Epidemiologu Ervin Karafili dhe Mjekja Shemi Celami, shprehen se procesi vijon normalisht dhe deri më sot nuk ka pasur asnjë rast komplikacioni

Nga

Sokol Dema

Hetuesit mendojnë se armët që janë sekuestruar një ditë më parë në operacionin “Kompleks” mund të jenë përdorur më herët në ngjarje të tjera kriminale. Për këtë arsye, i gjithë arsenali i gjetur në 18 baza do t’i nënshtrohet ekspertizës në Laboratorin e Policisë Shkencore. Report Tv mundi të sigurojë pamje nga baza në ish-repartin ushtarak të Tufinës, pranë vilës së Nehat Kullës

Nga

Sokol Dema

Përveç Unazës së Re, tek e cila po kryhen punime, ku trafiku është kthyer në ferr për drejtuesit e mjeteve, disa prej kryqëzimeve në Tiranë janë problematikë më vete. Njëri prej tyre është ai i ish-Stacionit të Trenit, tek i cili dyndja e makinave dhe moskoordinimi i semaforëve, sjell kaos në lëvizje dhe pritej të gjatë. 

Gjatë ditës së sotme janë kryer 17.023 vaksinime në të gjithë vendin dhe nga fillimi i vaksinimit në vendin tonë më 11 janar, janë kryer 172.486 vaksinime. Po sot ka nisur edhe vaksinimi për gazetarët dhe operatorët e terrenit, ndërsa ditën e nesërme pritet që të nis me efektivët e policisë.

Komiteti i i Ekspertëve për Vlerësimin e Efekteve të Padëshiruara Pasvaksinore ka deklaruar se në vendin tonë nuk ka asnjë rast fataliteti që lidhet me injektimin e vaksinës së COVID-19.

Një fëmijë jo më shumë se 10 vjeç, është kafshuar nga një qen endacak, i llojit pitbull. Pamjet qe mbërrijnë në redaksi, tregojnë fëmijën, nga një zonë periferike e Tiranës, të kafshuar nga qeni dhe më pas të trajtuar menjëherë në spital.