Kronikë

Kryeministri Edi Rama është tifoz i skuadrës italiane Juventus dhe për fitoren e mandatit të 3-të, ai ka marrë dhuratën e veçantë nga skuadra e zemrës, një bluze me emrin e tij që mban dhe numrin 3.

Pas thirrjes së policisë një ditë më parë, për një fëmijë të mitur i cili ishte gjendur i vetëm në rrugët e Tiranës dhe ndodhej në komisariatin nr. 3 pasi nuk mbante mend adresën, familjarët janë paraqitur për ta marrë ditën e djeshme rreth orës 19:00.

Një 38-vjeçar ka rënë në pranga ditën e sotme në Berat, i akuzuar për armëmbajtje pa leje. Gjatë veprimeve hetimore paraprake rezultoi se shtetasi ai është autor i dyshuar i vjedhjes së një shume parash në një pikë karburanti, në datën 22.04.2021.

Një 47-vjeçar është arrestuar pasi prej 4 vitesh përndiqte në mënyrë të vazhdueshme një grua.

Një 62-vjeçar ka rënë në prangat e policisë ditën e sotme në Durrs, i akuzuar për kultivim kanabisi. Me një njoftim për mediat, Policia bën me dije se 62-vjeçari me inicialet P. Ç., kishte përshtatur një banesë të marrë me qira, me aparatura që shërbejnë për kultivimin e bimëve narkotike dhe kishte ndërhyrë në matësin e energjisë elektrike.

Tre persona kanë mbetur të plagosur ditën e sotme në Fier, si pasojë e një aksidenti. Policia bën me dije se aksidenti u regjistrua rreth orës 08:25, në aksin rrugor Levan-Tepelenë, në afërsi të fshatit Frakull e Madhe.

Ministrja e Shëndetësisë Ogerta Manastirliu ka publikuar disa foto nga Pediatria e re e Tiranës, që do të jetë së shpejti një spital modern për fëmijët. Investimi në Pediatrinë e Tiranës është pjesë e investimeve madhore për modernizimin e QSUT. Ky investim do të rris kapacitetet e pediatrisë dhe do të vendos një standard më të lartë shërbimi.

Dita e Evropës është data kur u hodh hapi i parë drejt krijimit të asaj që sot njihet si BE. Kjo ditës është përshëndetur dhe nga Kryetari i Kuvendit, Gramoz Ruçi, i cili shkruan se asimetria e demokracisë midis BE dhe rajonit po ngushtohet. Urimet i ka shprehur edhe Presidenti Ilir Meta, ministrja e Jashtme, Olta Xhaçka dhe Kryeministri Edi Rama .

Konsumimi i kërpurdhave helmuese ka shkaktuar një tragjedi në familjen e Afrim Halitit nga Gjilani i Kosovës, banues në Gjirin e Lalzit. Teksa ndodhej me pushime në këtë banesë në Lalëz, Afrim Haliti, së bashku me gruan e tij Ferdinaze dhe nënën Elfete, paraditen e 5 majit dolën në pyllin e pishave në Lalëz duke mbledhur kërpurdha. E këtë moment relaksi Afrimi ja tregoi të vëllait të tij pa e ditur se pas mbledhjes e konsumimit të këtyre kërpurdhave ai do të ndërronte jetë dhe pas tij e shoqja e më pas nëna, duke sjell një tragjedi me tre viktima.

Një 56-vjeçar është gjetur i mbytur mëngjesin e sotëm në Porto Romano, në orën 07:35. Me një njoftim për mediat, Policia bën me dije se 56-vjeçari me inicialet B.B u gjet i pajetë nga peshkatarët.

Emigracioni, pavarësia ekonomike e grave, mosmarrëveshjet financiare kryesojnë listën si arsyet kryesore pse po divorcohen shqiptarët. Teksa shifrat e 2019-s tregojnë nivelin më të lartë të tyre, 26.1 divorce për 100 martesa, ekspertët e fushës ligjore dhe psikologjike japin kambanat e alarmit.