Kronikë

Ervin Rista, ishte pronari dhe organizatori i laboratorit të drogës në Lushnje, i cili ishte vendosur në një godinë karburanti që ishte lënë jashtë përdorimit. 45 vjeçari, banues në Tiranë është shpallur në kërkim, në kuadër të operacionit “Krutja”, pasi kishte përshtatur këtë godinë në një laborator për kultivimin e kanabisit nëpërmjet ngrohjes me llamba, ndërkohë që në kërkim janë edhe 2 bashkëpunëtorët e pronarit të karburantit. 

Një aksident i rëndë është regjistruar mëngjesin e kësaj të shtune në aksin rrugor Milot-Morinë, ku një person ka gjetur vdekjen dhe 2 të tjerë kanë mbetur të plagosur.

Dritë në fund të tunelit...Pas më shumë se një viti luftë me COVID-19, profesor Tritan Kalo ka njoftuar se është regjistruar 24 orëshi i parë që në Infektiv nuk është paraqitur asnjë i sëmurë me COVID. Kjo për Kalon, është një tregues, se vendi ynë është në rrugën e duhur për të mundur COVID-in, edhe pse ka ende punë.

Mëngjesi i së shtunës sjell mot me vranësira të shpeshta, të cilat më të dukshme do jenë në skajin verior ku pritet dhe ndonjë shi i izoluar. Por duke iu afruar mesditës vranësirat largohen gradualisht nga territori shqiptar duke bërë që pjesa tjetër e ditës të mbetet në mbizotërimin e motit të kthjellët.

Një aksident është regjistruar mbrëmjen e sotme në aksin Elbasan-Librazhd, por fatmirësisht nuk kanë mbetur persona të lënduar.

Vijon të ecë me ritme të shpejta procesi i vaksinimit masiv në vend, ku në 24 orët e fundit janë kryer 13467 vaksinime, duke çuar shifrën totale në 585 mijë.

Dy persona janë ndaluar ditën e sotme në Shkodër, pasi u kapën duke transportuar 4 mijë fara kanabisi. Mësohet se ata janë kapur pas një operacioni të policisë në dalje të Shkodrës.

Ibrahim Didani, 70 vjeç,  i cili punonte si kambist është grabitur pasditen e së sotme në Sarandë. Atij i është bërë pritë në hyrjen e palllatiti nga një person, ku pasi i gjuajti i ka grabitur atij shumën prej 500 mijë lekësh të rinj.

Një biznes në pronësi të Presidentit të FSHF-së, Armand Dukës në Durrës ka rënë pre e vjedhjes, ku persona ende të paidentifikuar kanë marrë 100 mijë lekë të reja.

Gjermania ka hequr Shqipërinë nga ‘lista e kuqe’ e vendeve që paraqesin rrezikshmëri të lartë sa i përket infeksioneve të COVID. Kjo do të thotë se shqiptarët që do të udhëtojnë drejt Gjermanisë nuk do të duhet të karantinohen dhe po ashtu nuk do të paraqesin më as një test negativ të COVID.

Nga

Sokol Dema

Të paktë janë ata që i kanë shpëtuar drogës me gjithë pasojat që ajo u ka sjellë. Report Tv vjen me rrëfimin e dy prej shumë përdoruesve të drogës në vendin tonë. Elsa është nëna e dy fëmijëve, të cilët për shkak varësisë së saj nga droga përfunduan në jetimore, kurse Andi, 37 vjeç, vazhdon të përdorë lëndë narkotike.

Kryetari i ‘Shoqatës Shqiptare të Turizmit’, Zak Topuzi gjatë një interviste për Report Tv, tha  se edhe këtë vit, baza e turizmit do të jetë ai patriotik. Problem për Topuzin mbetet forca punëtore, pasi për shkak të goditjes që pandemia i dha shumë bizneseve, ata kanë marrë drejtime të ndryshme.

Një person është arrestuar ditën e sotme në Lushnje nga sektori i antidrogës, pasi kishte përshtatur një godinë të braktisur pranë një karburanti për kultivimin dhe rritjen e bimëve narkotike.

Dy persona kanë humbur jetën në 24 orët e fundit në vend, si pasojë e koronavirusit. Po ashtu janë regjistruar 67 raste të reja infeksioni.

Nga

Sokol Dema

Ministria e Brendshme bëri sot publik raportin për kriminalitetin në muajin janar të këtij viti. Krahasuar me muajin janar të viteve 2016-2020 shifrat e vrasje janë ulur, pasi këtë Janar kanë ndodhur vetëm dy të tilla. Por referuar raportit nuk është e njëjta gjë për dhunën në familje, e cila në këtë janar ka qenë në rritje dhe janë regjistruar 132 raste të tilla.