Kronikë

Sekuestrohen 328 kg hashash në gjirin e quajtur Petruna në gadishullin e Karaburunit. Policia thekson se operacioni u finalizua me sukses pas një hetimi  të gjatë me metoda speciale, si dhe pas 72 orësh gjurmim, ndjekje dhe gjetjen e mjeteve lundruese, të lëndës narkotike. Në këtë operacion policor  janë përfshirë rreth 80 forca policore.

Vritet në fshatin Grudë të njësië administrative Gruemirë, biznesmeni Ferdinand Polia, i cili kishte në pronësi bujtinën Polia në zonën turistike të Thethit. 35-vjeçari u qëllua breshëri plumbash, ndërkohë që ishte duke udhëtuar ne automjet bashkë me punonjësin e servisit Xhovan Mirashi ku kishte dërguar makinën për riparim. Polia ndërroi jetë në spitalin e Shkodrës.

Në fillim të muajit shkurt u zhdukën 100 pasaporta shqiptare. Ministria ka shkarkuar nga detyra Konsullin, ndërsa ka dhënë masë disiplinore ndaj ambasadores shqiptare.

Dervis Arapi thekson se është gati të vihet në dispozicion të policisë për t'u marrë në pyetje në lidhje me ngjarjen, ndërsa kërkon që policia të mund ta pyesë nëpërmjet telefonit pasi e ka të pamundur për momentin të kthehet në Shqipëri.

Rihapet pas gati 25 vitesh dosja për masakrën e Peshkëpisë e ndodhur në 10 prill 1994 në Gjirokastër. Njëri nga personat që sulmoi repartin shqiptar ishte edhe Fredi Bejleri, i cili kandidoi për kryetar bashkie në vitin 2015 në Himarë në siglën e PBDNJ dhe me mbështetjen e opozitës së djathtë. Sot, pas rihapjes së dosjes ai është arratisur nga Shqipëria. 

Ministrja e Drejtësisë Etilda Gjonaj ka bërë publike masat e ndëshkimit për 13 doganierw në degën e Tiranës. Sipas Gjonajt ata kanë shkelur ligjin dhe nuk kanë vjelur detyrimet nga subjektet e për pasojë do t'u mbahen pagat për një periudhë 6 mujore.

Ministri deklaroi se kultivimi i kanabisit është një çështje e mbyllur përfundimisht dhe paralajmëroi të gjithë autoritetet lokale të kenë angazhim të plotë në përputhje me detyrat që përcaktohen nga Plani Kombëtar Antikanabis.

Minisitrja e Mbrojtjes Olta Xhaçka foli lidhur me tragjedinë e Gërdecit për të cilën tha se i takon drejtësisë të thotë ende fjalën e saj. Ministrja Xhaçka nënvizoi guximin, si një prej virtyteve më të mëdha të efektivëve shqiptarë që ndër vite kanë kontribuar në një prej sektorëve më të vështirë në rradhët e Forcave të Armatosura.

Investigimi i revistës amerikane “Mother Jones” vitin e shkuar, mbi lobimin prej 675.000 dollarësh nga Partia Demokratike, përmes kompanisë “Stonington Strategies” të lobistit Nick Muzin, ngrinte dyshime se pas një pjese të pagesave të bëra nga kompania “Biniatta Trade LP”, me qendër në Skoci, qëndrojnë biznesmenë rusë.

Policia njofton se ngjarja ndodhi rreth orës 01:15 të mëngjesit, në lagjen nr 17/1 Durrës, në oborrin e banesës së  Q.H., 54 vjeç. Blutë e qytetut bregdetar sqarojnë se ka shpërthyer një sasi  e vogël lendë e dyshuar plasëse, duke shkaktuar  vetëm dëme të vogla materiale.

Vangjel Dule u shpreh se raporti i fundit i KE tregoi se në Shqipëri nuk respektohen minoritetet etnike duke u renditur tek vendet që ka standardet më të ulëta. Dule tha se duhet dialog i sinqertë politik për përmirësimin e kuadrit ligjor për minoritetet.

Namik Velaj mbyti bashkëshorten e tij rreth dy vite më parë dhe deklaroi se vdekja e saj kishte ndodhur për shkaqe natyrale. Pas një viti hetimesh rezultoi se ai e kishte mbytur me duar bashkëshorten dhe rreth qafës.

Vendimi për miratimn e kontratës së koncesionit për ndërtimin e aeroportit të Kukësit dhe u njoftua në një deklaratë për mediat nga ministrja e Infrastrukturës dhe Energjisë, Belinda Balluku

Partia Demokratike padit ministrin e Punëve të Brendshme, Sandër Lleshaj dhe disa punonjës të policisë së Shtetit, duke i akuzuar për shpërdorim të detyrës dhe veprime të paligjshme kundër protestuesve gjatë tubimit që opozita mbajti më 16 mars dhe që shpërtheu në dhunë tek Parlamenti.

Një person i cili po lëvizte me biçikletë në rrugën transballkanike në Vlorë është përplasur nga një automjet dhe si pasojë ka mbetur i plagosur.

Banka Botërore bëri të ditur se tregu i punës në Ballkanin Perëndimor vazhdon të përmirësohet, por me një ritëm më të ngadaltë se një vit më parë dhe pavarësisht rritjes më të fortë ekonomike në rajon.

Inspektorati Kombëtar i Mbrojtjes së Territorit do të prishë nesër me shpërthim të kontrolluar një objekt (oxhak) në Fushë-Arrëz. 

Feruzan dhe Zamira Kurda kërkojnë nga Gjykata të revokojnë vendimin që solli pushimin e çështjes dhe që Prokuroria të nisë hetimit mbi Fatmir Mediun. 

Vikitma, Alfred Frroku ka gjetur vdekjen pasi ka rënë nga një lartësi e madhe dhe si pasojë ka gjetur vdekjen në vend. Ngjajra ndodhi rreth orës 11:30 tek Ura e Përbregut, gjashtë kilometra nga qyteti i Kukësit.