Kronikë

Prokuroria kërkoi burg për 5 nga 12 të ndaluarit, por gjykata ka vendosur për 10 të ndaluarit masën e sigurisë detyrim paraqitjeje. Seanca u zhvillua mes thirrjeve që vinin nga jashtë nga protestuesit, por edhe mes tensioneve, pasi deputetët e PD, tentuan të hynin me forcë në gjykatë. Burg për organizatorin e protestës, Dorjan Protoduari dhe për personin që tentoi të qëllojë Ramën me këpucë, Ilias Sketiraj. 

Policia Rrugore ka zhvilluar kontrolle me drager dhe radarë gjatë natës së sotme në rrugët e kryeqytetit dhe në autostradën Tiranë-Durrës. Si pasojë e kontrolleve në prangat e policisë kanë rënë dy të rinj. 

Nga

Elton Qyno

Saimir Taullau goditet me automatik në lokalin e tij në rrethrrotullimin e Plugut. I vëllai, Baki Taullau u vra në vitin 2005, ndërsa Saimiri ka lidhje të ngushta me Laert Haxhiun që akuzohet si atentatori i nipit të Aldo Bares. Ai u arrestua në vitin 2015 me Laert Haxhiun dhe në përgjimet me një person të quajtur Kastriot Zaimir, Taullau shihet se ka patur një rol aktiv në ngritjen e alibisë për të shpëtuar nga burgu.

Stefania Nobile dhe ish-teleshitësja e famshme italiane Wanna Marchi janë të dyja të dënuara me nga 9 vjet për mashtrim nga drejtësia italiane. Vajza e Wanna-s, Stefania ka hapur në Shqipëri një restorant dhe dyqan. 

Nga

Elton Qyno

I dënuari për vrasjen e Naim Zyberit kërkon që t'i hiqet dënimi me burg përjetë, i dhënë në Itali. Shpresa e tij e vetme është se drejtësia shqiptare, do arrijë t'i zbusë dënimin nga burg të përjetshëm në 25 vite burgim. Grori i është drejtuar gjykatës së Tiranës me kërkesën për rishikimin e vendimit të formës së prerë më 20 maj 2003.

Lexoni shtypin e ditës për sot,  e dielë 25 nëntor 2018.
 

Nga

Adriatik Doci

Pas Vettingut janë identifikuar tre kategoritë e gjyqtarëve dhe prokurorëve që i janë nënshtruar procesit. Bëhet fjalë për prokurorët dhe gjyqtarët e ndershëm, të cilët do të shërbejnë në sistemin e drejtësisë, subjektet e korruptuara dhe të inkriminuara, që janë shkarkuar nga detyra si dhe një grup tjetër me gjyqtarë dhe prokurorë, të cilët janë konfirmuar në detyrë nga Komisioni bazë i Vetingut, por që janë ankimuar nga Komisioneri Publik dhe ONM.

Makina e parkuar e shqiptarit me iniciale Z.E u pikas nga një patrullë, ndërkohë që i riu kishte leje për të dalë nga shtëpia vetëm nga ora 16:00 deri në orën 00:30 të shkuar në punë.

Familja Taullai njihet si rivale e fortë e Aldo Bares. Në vitin 2005, Baki Taullau u vra, ndërkohë që Saimiri, vëllai i tij, ishte dëshmitar në gjyq, ku ka dëshmuar dhe ka akuzuar për këtë vrasje grupin e Aldo Bares. Biznesmeni 47-vjecar njihet si një person me precedent penalë.

Saimir Taullau është qëlluar para lokalit të tij. Autorët e kanë qëlluar me automatik dhe janë larguar me motor. Vëllai i tij është Baki Taullau, i vrarë në korrik të vitit 2005 nga banda e Aldo Bares për shkak të një gjobe të papaguar. 

Pesë shqiptarë dhe katër grekë janë arrestuar në Greqi pasi akuzohen për trafik të lëndëve narkotike. Nëntë të arrestuarit janë anëtarë të një organizate kriminale, lideri i së cilës ndodhet në burg.

Një 33-vjeçar shqiptar i identifikuar si Xhevdet Plaku i shpallur në kërkim që prej 22 shkurtit është arrestuar nga policia holandeze. “Akili” njihet si kreu i një grupi të trafikut ndërkombëtar të drogës, të cilën e drejtonte nga Amsterdami dhe pakove iu vinte emra sipas cilësisë së mallit që kishte brenda. Zakonisht emra të markave të shtrenjtave të drogës duke nënkuptuar cilësinë e lartë të saj.

Banorët e Astirit kanë hyrë sot në ditën e 21-të të protestës së tyre. I pranishëm në këtë protestë, Kryetari i Partisë Demokratike Lulzim Basha i bëri thirrje policisë së Shtetit që të mos bëhet vegël e qeverisë. Basha e cilësoi projektin e Unazës së Re, një vjedhje dhe aferë që sipas tij po merr paratë e taksapaguesve shqiptarë.

Mallrat kontrabandë u zbuluan gjatë kontrollit me scanner në brendësi të furgonit. Menjëherë strukturat e Doganës kanë bërë ndalimin e pronarit të furgonit dhe të mjetit që po transportonte mallrat.

Report Tv ka siguruar foto nga vendngjarja, ku sic mësohet paraprakisht, drejtuesi i mjetit ka humbur kontrollin e makinës dhe ka dalë nga rruga duke përfunduar i kthyer përmbys

Dy persona kanë përfunduar në prangat e policisë pasi akuzohen për 9 vjedhje automjetesh dhe biçikletash. Njëri prej të ndaluarve, Elton Tafa, ishte i dënuar edhe më parë për vjedhje, ndërsa Lulëzim Ç ishte shpallur në kërkim nga policia për të njëjtën vepër penale. 

Operacioni i koduar “Boca” ka arrestuar më datë 22 nëntor 56 persona, pjesë të një rrjetit të trafikut të kokainës. Pjesë e tre grupeve kriminale, mediat italiane shkruajnë më tutje se truri i tyre janë 3 shqiptarë. Ende nuk dihet nëse ata janë në mesin e të arrestuarve, por ajo që dyshohet është se të ardhurat që prodhoheshin nga shitja e drogës investoheshin në Shqipëri. Bashkëpunimi i policisë italiane me atë shqiptare, belge, greke e gjermane ka zbardhur edhe rrugën e trafikut që ndiqte kjo organizatë kriminale. 

40 punonjëse të një rrobaqepësie në Fllakë të Durrësit kanë përfunduar në spitalin e qytetit, për shkak se janë ndjerë keq dhe kanë pasur marrje mendsh e këputje. Paraprakisht dyshohet se janë helmuar nga kimikatet që kanë përdorur për ngjyrimin e copave. Policia ndërkohë ofron një version tjetër të situatës. Sipas saj, vetëm 8 punëtore janë ndier keq. Policia deklaron se marrja e mendve dhe këputja e këtyre tetë punëtoreve ka ardhur si pasojë e çmontimit të një kondicioneri, i cili ka lëshuar gaz. Ajo njofton gjithashtu se pronari i rrobaqepësisë, shtetasi italian është shoqëruar në komisariat dhe po pyetet rreth rrethanave të ngjarjes.

Vlora është prekur përgjatë dy ditëve nga dy ngjarje të rënda, të ndodhura në vendin e punës. Sot, një punëtor nafte në Amonicë të Vlorës ka dëmtuar rëndë një dorë. Ndërsa ditën e djeshme, një punonjës i bashkisë teksa po merrej me dekorin e festave në qytet është goditur nga rryma elektrike, duke e lënë atë në gjendje të rëndë për jetën.